Harivamsha, volume II, Appendix II, BORI, 1971 shrIgaNeshAya namaH hari OM sheShadharmaprakaraNam - 3 itranslated by A. Purushothaman, purushothaman_avaroth @yahoo.com bhUdAnaprashaMsanam evaM prabodhitastena bhAgIrathyAtmajena vai | dharmaputro mahAprAj~no yAdavendramabhAShata || 3-1 yudhiShThira uvAcha devadevAravindAkSha mAyAtIta jagatpate | tvadbhaktiH shAshvatI me.astu tayA mokSho bhaveddhruvam || 3-2 rAjyabhraShTA vayaM sarve tvatpAdakamalaM gatAH | pAhyasmAn puNDarIkAkSha dharmashAstropadeshataH || 3-3 tvAm dharme satyamityAhuH sarvashAstravishAradAH | prANabhUtaM manuShyANAM jantUnAmapi sarvashaH || 3-4 tvameva bandhushcha gurustvameva tvameva vidyA draviNaM tvameva | tvameva mAtA cha pitA tvameva tvameva sAkShAnmama jIvitaM cha || 3-5 balAni sarvANi turaMgamAdyA nAgA rathAH shAstrabhR^itaH suhR^ichacha | sarve cha rAShTrA giri durgamAshcha kR^ipAsti chetsanti tathaiva nAtha || 3-6 tvadAj~nAM kiM nu la~Nghyeyamahamavyaya muktida | kimarthaM puNDarIkAkSha kaTAkShairapi nekShase || 3-7 rakShA mAM devadevesha dharmeNa jagadIshvara | shrIkAmo yo hi yogIndra yaddatvA vindate shriyaM | prApnoti vipulAnkAmAn rakSha rakSha mahAmate || 3-8 tvayA nAviditaM kiMchittriShu lokeShu suvrata | sarvAndharmAnmamAchakShva kR^ipA mayi tavAsti chet || 3-9 suvratAni cha sarvANi tIrthAni cha visheShataH | dharmAdharmANi sarvANi kShetrANi phalavanti cha | dharmAnanyAnmamAchakShva devadeva namo.astu te || 3-10 ityuktvA yoginAM nAthaM kR^iShNaM kamalalochanam | dharmaputro mahAprAj~nastUShNImAste satAM priyaH || 3-11 tasya chittaM samAj~nAya R^iShINAmagrajanmanAm | provAcha vachanaM dhImAn dharmashravaNamichChatAm || 3-12 shrIbhagavAnuvAcha sAdhu sAdhu mahAprAj~na matiste vimalojjvalA | yasmAddharme sadA bhaktirvartate tava suvrata || 3-13 dharme shrute sadA bhaktyA manujairmanujeshvara | prApayante sadA sAdhU~nChrotR^Invai dharmatatparAn || 3-14 shR^iNu pANDava vakShyAmi dAnAnAmuttamaM varam | bhUmidAnaM varaM j~neyam bhuktimuktiphalapradam || 3-15 bhUmidAnAttu sarvANi saMbhavanti na saMshyaH | tasmAdbhUmiprado rAjansarvadaH prochyate budhaiH || 3-16 bhUmiM sarvaguNopetAM yo dadyAtsasyashAlinIm | na tasya lokAH kShIyante yAvadAchandratArakam || 3-17 agniShTomAdibhiryaj~nairiShTvApi bahudakShiNaiH | na tatphalamavApnoti bhUmidAnAdyadashnute || 3-18 tapasvino.atha yajvAnaH satyavanto bahushrutAH | gurudevaratAshchaiva nAtikrAmanti bhUmidam || 3-19 divi devAH prashaMsanti siddhAshcha paramarShayaH | bhUmidAnaM prashaMsanti tasmAdbhUmiprado varaH || 3-20 atraivodAharantImamitihAsaM purAtanaM | shrotR^INAM sarvapApaghnamAyurArogyavardhanam || 3-21 purA kR^itayuge rAjan brAhmaNo yogabhUShaNaH | sarvavedArthatattvaj~naH sadA dAntashcha shIlavAn || 3-22 adhyAtmavidyAnirato nirdhano brahmavittamaH | niShkiMchanatvAtsubhR^ishaM bAdhyate chAnishaM sutaiH | tathApi manyuM na prApa shUnyajanmAntarapradaH || 3-23 kadAchidbaishvadevAnte baliM datvA gR^ihA~NgaNe | AyAntaM taM dvijaM prAha kalyANI tatpriyA satI || 3-24 ete tavAtmajA nAtha kShudhitAH patitA bhuvi | luThanti bhR^ishaduHkhArtA rudanto rodayanti mAm || 3-25 tvaM nirIkShayase naitA~njaTharAgni prapIDitAn | ashaktA rakShaNe chaiShAM kiM karomi cha tadvada || 3-26 pAnIyameva pItvAhaM varteyaM shAkameva vA | tvadbhuktasheShaM bhu~njanti hyete vai tava sUnavaH || 3-27 putragrAhasamAyuktAM patidhikkArasha~NkinIm | dAridryavAridhau magnAM dhi~N mAM nirghR^iNavallabhAm || 3-28 anyA gR^ihiNyastiShThanti niShkakaNTyo dhanAnvitAH | vartante godhanaishchAnyA dhAnyaimArhiShikaiH parAH | dIrghash^Ri~NgairnaDudbhiH shakaTairdAsibhiH parAH || 3-29 dAsaiH parikaraiH kShetrairbandhubhiH sahitAH pare | mAdR^ishyo naiva dR^ishyante tvAdR^ishA gR^ihamedhinaH || AtmajA iva dR^ishyante kutrachinna cha duHkhitAH || 3-30 evamuktvA tadA chaNDI jaTharaM pratyatADayat | prakIrya kabariM chaNDI hyupalena shiro.ahanat || 3-31 AkroshantIM rudantIM tAmAtmajaiH pariveShTitAm | AshvAsya dhImAnviprendra idaM vachanamabravIt || 3-32 kimarthaM kopasaMyuktA bhadre rodiShi kopane | na hyasaMchitapuNyAnAmekaM shokaM hi shobhane || 3-33 satpAtre ye prayachChanti svalpAmapi vasuMdharAm | te nekShante hyalakShmIM cha duHkhAM narakayAtanAm || 3-34 tasmAtkiM shochase mUDhe yatkR^itaM tatprabhujyate | tvayA mayA cha yatkiMchinna dattaM pUrvajanmani || 3-35 mAsamAtraM kShamasva tvaM putrAnsaMrakSha shobhane | AhariShye shriyaM gehe tapasA sAdhu ramyatAm || 3-36 AshvAsya dhImAnviprendrastapase kR^itanishchayaH | shlokamekaM jagau sAraM satyavAkpriyadarshanaH || 3-37 dAridryAya namsatubhyaM siddho.ahaM tvadprasAdataH | ahaM tu sarvAnpashyAmi mAM cha ko.api na pashyati || 3-38 ityuktvA so.api viprendro jagAma tapase vanam | tatra chAgniM pratiShTApya chachAra tapa uttamam || 3-39 grIShme panchAgnimadhyastho vAyubhakSho jitendriyaH | niruddhya hR^idaye vAyumAtmAkAshaM samAgataH || bAhyastAnviShayAnkiMchinna viveda sa yogavit || 3-40 sh~NkhachakragadApANiM khaDgashAr~NgadharaM shubham | kaustubhena virAjantaM shrIvatsa~Ngita vakShasam || 3-41 pItAmbaradharaM devaM vanamAlAvirAjitam | kAlameghanibhaM devaM vidyuchcha~nchalalochanam || 3-42 dhyAyanstuvannamasyaMshcha manasA kR^itanishchayaH | madbhakto bhAratashreShTa tasminnAste tapovane || 3-43 suraistu tattapoddhvignai rambhAmenAdibhiH kR^itam | tapovighnaM kurushreShTa yadyattanna cha veda saH || 3-44 pakShamAtraM gate tasminbrahmanADIsamudbhavaH | dadAha pAvako lokAnsaMtrastAH sasurAsurAH || 3-45 tato devapatirbhIto brAhmaNodyogash~NkayA | brahmalokaM yayau devairdikpAlaiH saha dharmaja || 3-46 tuShTAva devaM lokAnAmIshvaraM prapitAmaham | natvA pUrvamapUrvArthaM natvA pUrvamariMdama || 3-47 deva uvAchA namo vishvAya devAya IsvarAya kapardine | shaMbhave brahmaNe tubhyaM mAyine viShNurUpiNe || 3-48 devAya devarUpAya vedAntAya namo namaH | sarvaj~nAya svarUpAya purANAya namo namaH || 3-49 yamAya yamarUpAya dharmarUpAya te namaH | mR^ityave shatrurUpAya namaste jalamUrtaye || 3-50 namaH pa~NkajanetrAya hiraNyapataye namaH | sarvopaniShadarthAya vedAnAM pataye namaH || 3-51 R^itUnAM pataye tubhyaM vratAnAM pataye namaH | hiraNyaretase tubhyaM vedarAshe namo.astu te || 3-52 ArtAnAM duHkhanAshAya devAnaM prapitAmaha | karoShi yatnaM devesha bhUyo bhUyo namo.astu te || 3-53 brahmovAcha aho hi bhagavAnviShNurantaryAmI jagadguruH | mahAviShNuH prasannAtmA karmaNAM phaladAyakaH || 3-54 tamR^ite puNDarIkAkShaM sargasthityantakAriNam | karmaNAM phaladAtA hi kaH samartho mahItale || 3-55 tameva sharaNaM gatvA te sarve sarvatomukham | prArthayAmo vayaM devA iti chintAparo.abhavat || 3-56 tAsmiMshchintAkule pArtha praviShTo bhagavAn hariH | chodayAmAsa tadvR^ittaM phalam tasmai nyavedayet || 3-57 tato harShAkulo brahmA kR^ipayA muravairiNaH | pratyuvAcha cha tAndevA~nshatakratupurogamAn || 3-58 mA baiShirdevarAja tvaM stotreNa paritoShitaH | dadAtu bhagavAnviShNuryadyachchetasi vartate || 3-60 indra uvAcha tapasA yogabhUShasya saMtaptaM hi jagattrayam | tasya chittagataM kAmaM j~nAtva cheShTaM dadasva ha || 3-61 vaishaMpAyana uvAcha tatheti brahmA sarvAtmA daivaiH sArdhamariMdama | taM deshamagamadvidvAnvaraM datum mahAtmane || 3-62 tapashcharantaM viprendraM saMprekShya cha pitAmahaH | pidhAya brahmanADIM tAmidaM vachanamabravIt || 3-63 yogabhUShaNa madvAkyaM tapasA toShitaH shR^iNu | varaM varaya bhadraM te brahmANaM viddhi mAmiha || 3-64 nivR^ittayogo viprendro vismayotphullalochanaH | baddhA~njalirnamaskR^itya vachanaM chedamabravIt || 3-65 aishvaryaM dehi me brahmAndAridryAdbhR^ishaduHkhitaH | aShTaishvaryaM dadasva tvamanyApekShA yathA na me || 3-66 brahmovAcha tathAstu brAhmaNashreShTa maddattAM dravyasaMpadam | brAhmaNebhyo dadasva tvaM bhUyo vR^iddhimavApsyasi || 3-67 ityuktvAnantardadhe devo daivaH sArdhe pitAmahaH | svapuraM prAptavAnrAjanbrAhmaNashcha gR^ihaM gataH || 3-68 November 20, 2008