harivaMsha, Volume II,  Appendix 1, pp.40-41, BORI 1971
itranslated by A. Purushothaman, purushothaman_avaroth @ yahoo.com
10
gokulaM parityajya  nandasya vR^indAvanagamanam

prAgeva vasudevastu nandagopena vAritaH  |
vR^indAvananivAsaste parihartavya ityapi  ||  10 -1
sa putragurutAM  pashyanvanaM chAsurasevitam  |
vimamarshAtha  buddhyaiva nandagopo mahAmatiH  ||  10-2
bahusaMpadamAlokya  gavAM vR^indAvane vane  |
gopAH praveShTumichChanti  pralambastatra chAsuraH  ||  10-3
nAnyadvanaM cha pashyAmi samIpe saMpadA yutam  |
kiM nu kartavyamiti me putrayoshcha hitaM bhavet  ||  10-4
evaM vichArayantaM  taM nArado.abhyAgamanmithaH  |
brahmaNA chodito vipra indreNa cha mahAtmanA  ||  10-5
yadR^ichChayA mahAyogI nityaM  lokahito rataH  |
vavande nandagopastu tasya vai charaNau  muneH  ||  10-6
tamAha sasmitaM vipraH saMbhrAmAkulamAnasam  |
j~nAtvA tvayi manoduHkhaM praNayAtte.ahamAgataH  ||  10-7
idaM rahasyaM devAnAM  nAkhyAtavyaM kadAchana  |
asminkAle mahAprAj~na kAle  j~nAsyati vai bhavAn  ||   10-8
yattvAM vakShyAmi ghoShesha tattvaM j~nAsyasi vai vibho  |
na kevalau tava sutau davau mAnuShatAM gatau  |
rAmakR^iShNAvimau jAtau daityamUlaharAviti  ||  10-9
AsuraM pakShamuddhartuM jAyamAnaM janArdhanam  |
daityaH shakaTaveSheNa j~nAtvA tvAmAshrito.asuraH  |
shakaTasya tvadhaH suptaM nihantum  nishchitam shishum  ||  10-10
rakShAhInaM yuvAbhyAM cha  viyuktaM vIkShya dAnavaH  |
labdharandhrashcha niShpeShTuM tatkShaNAchChishunA hataH  ||  10-11
tAdito vAmapAdena  viparyasto mamAra ha  |
prabuddhasya  tu bAlasya tanmuhUrtaM vijR^imbhataH  ||  10-12
tasyAmeva nishAyAM cha pUtanAM nAma rAkShasIm  |
pAyayantIM viShapayaH sastanyaM prANamAharat  || 10-13
punararjunabhUtau tau daityau tachChidradarshinau  |
hantukAmau tadA bAlaH svayameva jagAna ha  ||  10-14
nAnArUpadharAndaityAnevaM hantA tavAtmajaH  |
bhayasthAnaM na te gopa  visha vR^indAvanaM vanam  ||  10-15
tatrApi sumahatkAryam   kartA kR^iShNo.ayamIdR^isham  |
pratyakShaM tava chaitAni karmANIha kR^itAni cha  ||  10-16
haniShyati pralambaM cha rAmaH parabalArdanaH  |
kR^iShNashchAsurasaMghAtaM na bhIstvAmupasarpatu  ||  10-17
ityuktvA nandagopaM tu kR^iShNaM tuShTAva nAradaH  |
namastubhyaM jagaddhAtre vishvakartre namo namaH  ||  10-18
kR^iShNAya balarUpAya bahurUpAya te namaH  |
nIlajImUtavarNAya gopaveNupravAdine  ||  10-19
Namaste devakImAtarnamaste yAdaveshvara  |
Namaste devadevesha namo mAyAvidhAyine  |
trailokyasthitisaMhArasR^iShTikartre namo namaH  ||  10-20
visha vR^indAvanaM deva vihara tvaM yathAsukham  |
tatra daityAnmahAvIryA~njahi yatnaparo  bhava  ||  10-21
ityuktvA nArade yAte  nandagopo mahAmatiH  |
vyapetabhyasaMtrAsaH  putrayormudamAvahat  ||  10-22


February 1, 2009