harivaMsha, Volume II,  Appendix 1, pp.41-54, BORI 1971

11
itranslated by A. Purushothaman, purushothaman_avaroth @ yahoo.com

gokule gopAnAM vyAdhyupadravaH

11a  (pp. 41-45) 

vaishaMpAyana uvAcha

tau tu vR^indAvanaM  prAptau  vasudevasutAvubhau  |
chareturvatsayUthAni chArayantau svarUpiNau  ||  11a-1
pravishya cha mahAraNyaM tadA vR^indAvanaM vanam  |
remire suchiraM kAlaM yatheShTaM sahakeshavAH   ||  11a-2
gAvashcha kShIrasaMpannA  mahiShyashcha sunirvR^itAH  |
tasminkAle tadA cheruH savatsAshcha yathAsukham  ||  11a-3
atha trayodashe varShe vardhamAne cha keshave  |
saMprApto dharmasamayaH kR^iShNe vR^indAvane sthite  ||  11a-4
gate cha bhAskare kAShThAmuttarAM tIkShNadIdhitau  |
marIchyo dikShu  sarvAsu prasR^itAstIkShNavarchasaH  ||  11a-5
lobhayantyo mR^igA~nshashvattikShNarashmau  divAkare  |
dAvadagdhavibhinnebhyaH kIchakebhyo vinirgatAH  ||  11a-6
saptArchiSho giriM dagdhamudabhUvannitastataH  |
ruravastarakShavashchaiva  dagdhadehA davAnalaiH  ||  11a-7
ku~njarA gharghararavA dharmakAlavilolitAH  |
dharmavAtasamAkrAntA vinedurvisvaraM ravam  ||  11a-8
kR^iShNalAH pAkanirbhinnA vanavAyuvidAritAH  |
petushcha sarvataH pR^ithvIM raktapAtA ivAdriShu  ||  11a-9
reNavo bahulA bhUmernetramArgavirodhinaH  |
tasmAMsIva hi gopAnAM dR^iShTiM pidadhire muhuH  ||  11a-10
gopAshcha dharmasaMtaptAH madhyaM yAte divAkare  |
vaneShu drumamUleShu gAshcha saMkAlya tasthire  ||  11a-11
gopyaH kumbhIH samAdAya nIraiH pUrNAH samantataH  |
uShNarashmikaraistaptAshChAyAmAshritya tasthire  ||  11a-12
vastrairjalArdraiH  satataM vAhayantyaH kuchAnpR^ithUn  |
jalabindhUndR^itigatA~nshItalAnamalAnmuhuH  ||  11a-13
AdAya pathi gopAlA  AsyashoShaM  nirAsire  |
mR^iNAlairdehajaM rUkShaM nIDasthAshcha vihaMgamAH  ||  11a-14
atyuShNagharghararavAH shuShkaparNanivAsinaH  |
vinedurbhR^ishasaMtaptA dAvarUkShaiH  samAhatAH  ||  11a-15
puShpairvaibhItakairbhinnA janaprANA haraiH samam  |
kiMpAkaphalagandhADhyAH kAlayanto mR^igadvijAn  ||  11a-16
itaH kvachittataH sadyastato.anyatra  tataH punaH  |
vAtA vavurmahAvegAH kAlayanto rajo dishaH  ||  11a-17
AgneyaM teja evaitatprasR^itaM mAdhavasya ha  |
vardhamAne mahAdharme jagataH shoShahetuke  ||  11a-18
keshave jagatAM pAle sthite vR^indAvane vane  |
vyAdhirgopakule tatra babhUva tumulo  mahAn  ||  11a-19
vyAdhayo vividhAkArA goShu gopAlakeShu cha  |
prAdurbabhUvurbahavo  dharmakAla upasthite  ||  11a-20
mahiShAshcha bhR^ishaM  taptA jvarAtisAramUrchitAH  |
sahasA prapatanti sma vajrabhinnA  nagA iva  ||  11a-21
stabdhalomAkShipakShmANo lambakarNashirodharAH  |
sravadakShimukhaghrANA dantaiH kaTakaTAyitaiH  ||   11a-22
apUrvavarNAH pashavo nechChanto yavasaM tR^iNam  |
abhIkShNaM chapalA~NgAshcha parinimnAkShimaNDalAH  ||  11a-23
krandamAnAshcha tiShThanti shayitAshcha sahasrashaH  |
bhUmau paripatanti sma  sraMsayantaH shakR^intyapi  ||  11a-24
evaMvidhairahobhishcha pa~nchaShaishcha dinairabhUt  |
mahiShaNAM gavAM chApi dAruNaM mR^ityusaMshayam  ||  11a-25
apUrvamevaM sahasA gopAlAnAmabhUdbhayam  |
pAlayAne tu govinde gopAlaiH saha gogaNam  ||  11a-26
savatsAnAM gavAmevaM vyAdhayashcha pR^ithagvidhAH  |
apraj~nAtAH  pradR^ishyante vR^iddhagopAlapaNditaiH  ||  11a-27
mantraishcha bheShajairmukhyairbhiShajaH shAstrayuktibhiH  |
yatamAnAshcha gopAlA na shekustAnnivAritum  ||  11a-28
kR^itvA chA~NgeShu dahanaM sirAvedhAMshcha tadvidaH  |
kurvANA bahudhA yantraM na vyAdhInpratichakrire  ||  11a-29
tato viShaNNamabhavadgopAlAnAM tadA kulam  |
savR^iddhabAlaM  sastrIkaM vyAkroshavyAdhinA svayam  ||  11a-30 
bhR^ishamArtamabhUtrastaM saMnipAtajvarArditam  |
sarvamarmAtigatayA mahAvedanayA  yutam  ||  11a-31
pIDitAH piTakAbhishcha grathitAH sarvatastanum  |
sirAsthimAMsaM  nirbhidya prAdurbhUtaiH savedanaiH  ||  11a-32
niShkriyAbhistathAnyAbhirvyAdhibhirbhR^ishapIDitAH  |
vipannA vR^iddhagopAlAH sagoyUthAstvavApatan  ||  11a-33
gopAlAshcha tathAnye cha ye cha tadvanavAsinaH  |
sarve paripatanti sma pibanto yamunAjalam  ||  11a-34
yamunAtIrajenAshu spR^iShTA  sarve cha vAyunA  |
vyAdhirUpairbahuvidhairbhR^ishamArtAstadAbhavan  ||   11a-35
sarIsR^ipAshcha vyAlA ye mR^igAH sarve cha pakShiNaH  |
prANino vividhAkArA yAmunaM vanamAshritAH  ||  11a-36
te sarve mR^itasaMkalpA mR^itAshchaiva sahasrashaH  |
gopAlAH saha gobhishcha  paripeturdisho dasha  ||  11a-37
sarve saMghUrNanayanA nishchesShTA mUrChitA bhR^isham  |
peturvanacharA  rAja~njIvanto.api mR^itA yathA  ||  11a-38
apAnamUtradvArebhyo mukhanAsAkShikarNataH  |
shoNitaM lomakUpebhyo jantavaH sasR^ijurbahu  ||  11a-39
sarveShAM prANinAmantaH samantAtsavraNairmukhaiH  |
ashakyamambu vAhartuM kiM punarbhojanAdikam  ||  11a-40
dantAshcha viprashIryante keShAMchinna cha bhAShaNam  |
rasanodgIryate kaNTaiH samantAtsavraNairapi  ||  11a-41
durgandhaM duHsahaM tatra prAdurAsIdvisheShataH  |
sarveShu samavAyeShu duShprekShyaM cha samantataH  11a-42
AkroshabahulaM chAsItsarvato yamunAtaTe  |
naragomR^igayUthAnAmArtAnAM sarvatodisham  ||  11a-43
nAhAraM bhu~nchate gAvo nauShadhaM na cha khAdanam  |
shvAsamAtraM  vrajaM sarvaM shayitaM gogaNaiH saha  ||  11a-44
evam gate vraje tasmi~nshvAsamAtre sthite nR^ipa  |
atha kR^iShNashcha rAmashcha kaishchidgopaiH sahAparaiH  |
pR^ithaganyatra saMvAsamAdAvevAbhyarochatAm  ||  11a-45
bAlo.api buddhyA saMchintya kR^iShNaH kamalalochanaH  |
idamatretikartavyamiti nishchitavAnprabhuH  ||  11a-46
kroshamAtramatikramya parvatenAntarIkR^itaH  |
paraH shataiH svasakhibhirnIrogaH samapadyata  ||  11a-47
mR^ichChilAsharkarAvR^ikShatR^iNakAShTalatAguNaiH  |
bhuvaH saMstAnamAlokya khAnayAmAsa medinIm  ||  11a-48
utpAdhya salilaM kR^iShNaH svayUthyaiH saha gogaNaiH  |
tajjalaM sa pipbankR^iShNo  nIrogaH samapadyata  ||  11a-49
taddR^iShTvAnye cha gopAlAH shaktyAlpatarayA yutAH  |
prayANamanutiShTanti teShAM kR^iShNo.abhavadgatiH  ||  11a-50
nandagopo yashodA cha putrau dR^iShtvA nirAkulau  |
bhR^ishamArtiyutau chAstAmantaH pritiyutAvapi  ||  11a-51
bandhuvargo.api sumahAnnandagopasya chAbhavat  |
tamavekShya bhR^ishaM tapto nAbhavatkR^iShNasaMnidhau  |  11a-52
anena bandhuvargeNa saha me godhanena cha  |
mR^iyeyaM chAhamapyatretyevaM matirajAyata  ||  11a-53
atha kR^iShNashcha rAmashcha jvaritau pitarau tadA  |
shrutvaiva paramodvignau  vyathitau kila tau sthitau  ||  11a-54
bandhuvargaM cha sakalaM godhanaM cha tathAgatam  |
dR^ishtvA paramasaMtrAsamAgatau balakeshavau  ||  11a-55



December 6, 2008    

11b  (pp. 46-51) 

vaishaMpAyana uvAcha

atha tasyAmavasthAyaM gopAlAnAM vayotigaH  |
videhAtAgataH kashchittasminkolAhale kila  ||  11b-1
sa bandhuvargaM saMprekShya godhanaM cha tathAgatam  |
provAchAmR^itasaMkalpaM vAkyaM vidvAnsamAgataH  ||  11b-2
vayaM pashUnsamAshritya jIvAmo vigatajvarAH  |
pashUnAM cha patirdevaH sarvathA vRIShabhadvajaH  ||  11b-2
tasyArchanavidhiM shIghraM kurudhvaM govR^iShasya cha  |
yena shAntimavApsyAmo  na mantrauShadhapauShTikaiH  ||  11b-3
brAhmaNA~nshrutasaMpannAnsamAhUya yathAvidhi  |
asminsaMnihite sthAne  sabhyagarchAma shaMkaram  ||  11b-4
ityuktAH kulavR^iddhena te gopAH kR^iShNamAshritAH  |
tathA chakrurdvijendrAMshcha samAhUyArchanAvidaH  ||  11b-5
upahArairnamaskArairarchanAbhiranekadhA  |
suprItamanaso viprAstathA chakruryathAkramam  ||  11b-6
havirbhiH pAyasaishchApi  ghR^itena payasAmbunA  |
saMtarpayanto vishveshaM hutvA chAgnau vR^iShadvajam  ||  11b-7
devIM  skandagaNAMshchaiva govR^iShaM nandikesvaram  |
vinAyakaM cha saMpUjya stutibhishchAstuvanharam  ||  11b-8
mantrairmAhesvarairevaM shAntima~NgalayuktibhiH  |
pUjayanti sma viprendrAstatbhaktA bhaktavalsalam  ||  11b-9
puShpairgandhaishcha dhUpaishcha dIpaishchaiva samantataH  |
pR^ithakpR^ithaksamarchanti brAhmaNA vedapAragAH  ||  11b-10
archA mUrdhni kR^itAstisraH saptarAthraM  cha saMtatam  |
pR^ithaggoghR^itadhArAstu yathAvidyupapAditAH  ||  11b-11
teShvevAhaHsu viprendrAH  saMhitAdhyayane  ratAH  |
tribhirvedaistathA chakrurmahAdevaprasaktaye  ||  11b-12
gAnaishcha kechidgAyanti  shaMkaraM vR^iShabhadvajam   |
nR^ityanti cha visheSheNa rudraprItyarthamudyatAH  ||  11b-13
bhrUkShepairakShavikShepairmukhAnnayanasUchakai  | 
hastavinyAsayogaishcha  pAdaghAtaishcha bhAgataH  ||  11b-14
nR^ittaM  kurvatsu vipreShu shivasya  pramukhe tadA  |
saptame.ahani madhyAhne prodbhUtaM mahadadbhutam  ||  11b-15
teShAmeko dvijendrastu vedavedA~NgapAragaH  |
unmatta iva  saMjaj~ne  sATTahAsaH punaH pumaH  ||  11b-16
divyaM nR^ittaM samAlebhe  divyaM geyaM tathaiva cha  |
mAhesvareNa bhUtena  samAviShTo  vimohitaH  ||  11b-17
vismitAH sarva  evAsaMstasminsadasi ye sthitAH  |
sa cha vai divyanR^ittante devAveshI vacho.abravIt  ||  11b-18
asminmuhUrte kailAsAdAgataH   parameShThinaH  |
shAsanaM samupAdAya mUrdhnA  sarvajagatguroH  ||  11b-19
vartamAnaM pashUnAM cha gopAlAnAM cha saMkaTam  |
vane nivasatAM  j~nAtvA  prANinAM cha mahadbhayam  ||  11b-20
yuShmadarchAvisheShAchcha sauShThavAchcheha karmaNaH  |
vacho govR^iShabhaktyA cha pashUnAM patirabravIt  ||  11b-21
sha~NkukarNAshu gatvA tvaM yamunAtIravAsinAm  |
ArtAnAM brUhi madvAkyaM samAvishya dvijottamam  ||  11b-22
sarvaprANiShu sarvatra dvAparAnte mahAsuraH  |
manuShyaloke bhogArthaM dR^iShtvA bandhUnanekashaH  ||  11b-23
jAtaH kAlaH kalirnAma virochanasuto balI  |
anujAto baleH pUrvamasurendro  mahAbalaH  ||  11b-24
viShavR^ikShaH kapittho.abhUtkAlindyA dakShiNe taTe  |
prabhUtaskandaviTapaH khagAmairanupAsitaH  ||  11b-25
parivArAstamAshritya bahubhR^ityAstadAshrayAH  |
viShkaNTakino vR^ikShA latA va||yashcha jaj~nire  ||  11b-26
tasya bhAryAH sapakShAshcha sahasratanayAstathA  |
gobhUtA vatsabhUtAshcha charanti yamunAtaTe  ||  11b-27
nirgopA vanagAvastA darpayuktAH savatsakAH  |
viShavR^ikShasya cha phalamupayu~njanti nirvR^itAH  ||  11b-28
sa cha dvAdasavarShAnte vR^ikShaH puShpaphalAkulaH  |
tadA bhavanti rogAshcha tadgandharasamurChitAH  ||  11b-29
sa tu puShpitamAtreNa bhavetphalayuto drumaH  |
visR^ijankaTukaM gandhaM vyAdhInAmAkaraM muhuH  ||  11b-30
purA tadvanamutsR^ijya jIvanti prANino bhayAt  | 
drumANAM cha bhavedvyAdhirvR^ikShAveshasamusthitaH  ||  11b-31
asminkAle hi gopAlAH prAyashastadvanaM gatAH  |
gobhiH saha charanti sma te vR^ikShasyAvidUrataH  ||  11b-32
paryAyAddvAdashAbdAnAmasminkAle  kramAgate  |
vR^ikShashcha puShpaphalavAnkapitthaH samajAyata  |
atyAsannatayA kaShTamabhUdatranivAsinAM  ||  11b-33
anyachchAha mahAdevo nandagopasutAvubhau  |
viShaM cha viShavR^ikShaM cha shaktau  shIghramapohitum  ||  11b-34
itaH paraM vyAdhayashcha na bhavantIha pUrvavat  |
gAvo gopAshcha jIvantu prasAdAtparameShThinaH  ||  11b-35  
ahaM tatra gamiShyAmi  yatrAste parameshvaraH  |
ambikAkuchakastUripa~NkAM~NkitabhujAntara  |
ityuktvAveshito vipraH saMj~nAM svAmAptavAMstadA  ||  11b-36
atha sarve tu gopAlAH   saMpraikShanta parasparam  |
rAmakR^iShNau visheSheNa prekShante sma mudAyutAH  ||  11b-37
teShAmi~NgitamAkAraM j~nAtvA kR^iShNaH svabAndhavAn  |
idamAha vacho dhImAnmadhuraM madhurAkR^itiH  ||  11b-38
shAsanAddevadevasya vayaM sarve viShadrumaM  |
yAsyAmo gopavR^iddhAshcha tiShThantvatra sabAlakAH  ||  11b-39
ityuktvA sahasA kR^iShNaH kR^itvA viprAnpradakShiNam  |
devAlayaM cha taddhImAnprayayau yamunAvanam  ||  11b-40
saMkarShaNena sahitA  yuvAno  gopapuMgavAH  ||  
siMhanAdaM  prakurvantaH kR^iShNasya purato yayuH   || 11b-41
muktarogA ganapateH pashchAdAgamanAddhareH  |
pR^iShThataH sarvagopAlA brAhmaNashcha  tamanvayuH  ||  11b-42 
vichinvAnA yathoddiShTaM sarvatra yamunAtaTe  |
AgnAya  tiktaM rUkSham cha durgandhaM ghrANaduHsaham  ||  11b-43
tamapashyannadItIre prabhUtaM vR^ikShamuchChritam  |
dUrAdevAmbaratale vanasyopari ketuvat  ||  11b-44
TakkaiH kuntaiH kuThAraishcha khanitrairaparairddR^idhaiH   |
ChittvA  te tadvanaM ghoramatidurvedamAyasaiH  |
drumavallIlatArUpairdAnavairabhirakShitam  ||  11b-45
viShavR^ikShAMshcha tAMshChitvA  tAvubhau rAmakeshavau  |
jagmatustasya vR^ikShasya samIpaM  prANividviShaH  ||  11b-46 
tau taM dadR^ishaturdaityaM vR^ikShabhUtamavasthitam  |
triMshadvyAmAyataskandhaM tadardhapariNAhinam  |
atyuchChritaM mahAshAkhaM sarvaprANinirAshrayam  ||  11b-47
tau samIkShyAshu gahane savatsA madagarvitAH  |
adR^iShTamAnuShAH pUrvaM gAvastasthuH kutUhalAt  ||  11b-48
tAvubhAvapi saMprekShya rAmakR^iShNau viShadrumam  |
pakvairapakvairbAlaishcha sarvataH saMvR^itaM phalaiH  ||  11b-49
saMrabdhau  kAShTapAShANaiH shAtayAmAsatuH phalam  |
uchChritya bAhU vipulau nirbhujya dashanachChadam  ||  11b-50
vikShepaM chakratuH khaNDaiH kAShThAnAamashmanAmapi |
phalAnyashAtayatkR^iShNo hastAbhyAM kAShThasha~NkubhiH  || 11b-51
hastagrAhyAnanekAMshcha  kAShThAnpAShANasaMchayAn  |
pradaduH satvarA gopAstayorhasteShu sarvataH  ||  11b-52
udyabhyAhatya tairevamUrdhvavaktrAvubhAvapi  |
phalAni kumbhamAtrANi pAtayAMchakratuH kShitau  ||  11b-53
tau bR^ihadbhiH samAghnantau bahushAkhAsvanekadhA  |
pAtyamAnaiH phalaishchaiva chakratustumulaM svanam  ||  11b-54
gopAshcha neduH saMhR^iShTA nedatustau cha siMhavat  |
phalashAtanajashchAsIdekIbhUto mahAravaH  ||  11b-55
tAshcha gAvo bhR^ishodvignA AsuraM bhAvamAshritAH  |
dR^iShTavantyashcha shR^iNvantyaH prAgadR^iShTashrutaM vane  ||  11b-56  
ghorA bhayAnakA gAvaH savatsAstAnabhidrutAH  |
nihantuM nishchitA bhUtvA gopAlAnabhisaMgatAH  ||  11b-57
dantairviShANaiH pAdaishcha |A~NgUlairmastakaiH khuraiH  |
samAhatya nijaghnustAnsakR^iShNamusalAyudhAn  ||  11b-58
hanyamAnA vane gopAH pasubhirbhImavikramaiH  |
ashaknuvantaste tatra viprajagmurdisho dasha  ||  11b-59
humbhAravAshcha nAdAshcha cheShTAshcha vividhA guNAH   |
yathA syuH saurabheyANAM  na santyAsAM  tathA kvachit  ||  11b-60
gavAM bhAvochitaH kR^iShNastatsarvamupalakShya cha  |
svayaM cha gopo medhAvI bAlo.api nipuNaH sadA  ||  11b-61
vij~nAya dAnavagaNaM tato gorUpadhAriNam  |
AkArairi~NgitairyuktyA  nishchitaH sa tu buddhimAn  ||  11b-62
tasminmuhUrte chatvAro vatsabhUtAH kaleH sutAH  |
samAghnansahasA  kR^iShNaM  lalATaishcharaNaiH khuraiH  11b-63
sa tIkShNamAhataH kR^iShNo vatsaistairvItasaMbhramaH  |
hastAbhyAmabhijagrAha saMhatAnvAtaraMhasaH  ||  11b-64
teShAM balena vij~nAya  teShu hastagateShu cha  |
daityA niHsaMshayamiti harirnishchitavAnayam  ||  11b-65
tatkShaNAdavichAryaiva prArabdhaM kAryamAtmanaH  |
ekaikameShAM chikShepa pAdAnsaMgR^ihya lIlayA  |
dakShiNena kareNaiva gruhItvA chetarAnapi  ||  11b-66
evaM vatsairabhighnantaM sarve vatsA visShadrumam  |
kR^iShNaM dR^iShTvAbhyadhAvanta visR^ijyAnyAnvimarditum  ||  11b-67
tAnsarvAnekahastena saMdhArya sa mahAdyutiH  |
apareNAhanadvatsairuchChritya  balavAndrumam  ||  11b-68
tataH saMbhUya te vatsAH sarvatashcha samAdravan  |
samAhananta saMrabdhAH  pAdairdantaishcha mastakaiH  ||  11b-69
tAnhatvA  balavAnkR^iShNaH pAdajAnvaM sakUrparaiH  |
vidhUyApAtayadbhUmau svakAryamanutasthivAn  ||  11b-70
nR^ityanniva  babhau kR^iShNa kurvannabhinayakriyAm  |
sharIreNa samagreNa  kR^iShNaH kamalalochanaH  ||  11b-71
tenotsR^iShTaishcha tairvatsaiH sAravadbhiranekadhA  |
babha~njurvR^ikShashAkhAstaM  hanyamAnA balIyasA  ||  11b-72
ugramuchchaistaraM bhUyo vatsadrumasamAgame  |
prAdurAsAtikaTukam tanmahAbhairavaM ravam  ||  11b-73
vR^ikShashAkhAvibhinnA~NgAH kAleyAste mahAsurAH  |
petuH prithivyAM svairdehaiH  shavabhUtA mahAsurAH  |
phalaishcha sahitAH shAkhAH shAkhAbhiH sahitAH shavAH  11b-74
tatrAsIdrudiraklinnA bhUmiH kiMchitkShaNAntare  ||  11b-75
tasminkolAhale vR^itte gAvastadvatsamAtaraH  |
abhipetuH samudvignAH sarvAstA yatra te sthitAH  ||  11b-76
tA ApatantIrevAdau balavAnrohiNIsutaH  |
bhartsayankAShTadhAtaishcha bhrAmayansarvatodisham  ||  11b-77
hanyamAnAnsutAndR^iShTvA  prAgadR^iShTashrutena cha  |
mahAraveNa sodvignAH svayaM chApi bhR^ishAhatAH  ||  11b-78
tAH samuchChritalA~NgUlAH stabdakarNashirodharAH  |
bhayAd~nchitalomAno vivishuH sarvato vanam  ||  11b-79
asurAH pashavastAsAmanvayo niShphalo bhuvi  |
adhyApi saMcharantyeva  mahAraNye janAvR^ite  ||  11b-80



December 7, 2008 

11c  (pp. 51-54) 

vaishaMpAyana uvAcha

atha dAmodaraH shIghraM hastaprAptA~NgasaMhatim  |
dikShu sarvAsu  vatsAnAM kShipanvR^ikShe babha~nja ha  ||  11c-1
ubhAbhyAmapi hasthAbhyAM yugapachcha pR^ithakcha saH  |
ekagrAhaishcha bahubhistairvatsairvR^ikShamAhanat  ||  11c-2
kShipyamANaistato vR^ikSho vatsairbhagno.atha viShNunA  |
sAravanto  hatA  vR^ikShA vatsAshcha nihatAstathA  ||  11c-3
asheShamevA vatsAnAM kShayaM nItvA janArdanaH  |
nanAda siMhavatkR^iShNaH saMkarShaNasahAyavAn  ||  11c-4
samAsanna sharIrAste  shavabhUtAshcha dAnavAH  |
sarvato viShav^RikShasya  sherate dharaNItale  ||  11c-5
dAruNaishcha  vapurbhistairbhagnaira~NgairanekadhA  |
AplutA rudhiraugheNa virejurvismayAvahAH  ||  11c-6
dR^iShtvA  tatkarma kR^iShNasya vismitAstatra ye stithAH  |
asAdhyaM sumahatkAryaM kR^itvA  kR^iShNo vyavastithaH  11c-7
atha pUrvajamAmantrya kR^iShNaH kamalalochanaH  |
seShaM vR^ikShaM samunmathyA gopAlairdahatsaha  ||  11c-8
viShakaNTakino  vR^ikShAstatra ye tAnvyanInashat  |
tato va||yashcha bhUyiShTA ye cha gulmAstadAshritAH  11c-9
ChittvA saMgrihya tAnsarvAnbhagno yatra viShadrumaH  |
tatra parvatavadrAshiM  kR^itvAgniM  samupAnayat  ||  11c-10
samUlaskandaviTapaM viShavR^ikShamasheShataH  |
adahatpatitaiH sArdhaM phalaiH puShpaiH shavaistathA  ||  11c-11
adahattadvanaM sarvaM saparvatamahAdrumam  |
bhUyiShTaM grIShmakAle tu shuShkaparNatR^iNolapam  ||  11c-12
bhasmAvasheShaM saMdahya shAnte  tasminvibhAvasau  |
AkAshAtpuShpavR^iShTishcha papAta dharaNitale  ||  11c-13
vavau  vAyuH sukhasparshaH prashAntamabhavadrajaH  |
devaduMdubhayo nedurnIrujaM chAbhvadvanam  ||  11c-14
tato rAmashcha kR^iShNashcha pUjyamAnau mudA yutau  |
gopAlairbrAhmaNaiH sArdhaM pratiyAtau mahAvanAt  ||  11c-15
samUlaghAtaM saMdahya siddhArthAstaM mahAdrumam  |
gopAlAH kR^itakarmANashchakruH siMhadhvanIm muhuH  ||  11c-16
pravishya yamunAM gopA jalakrIDAstvanekashaH  |
sakR^iShNA gopamukhyAshcha  chakrurnityavihAriNa  ||  11c-17
jalavAdhyAnnanekAni vAdayantaH parasparam  |
chakruH shikShAvisheShAMshcha vyAyAmAMshcha jalAshrayAn  ||  11c-18
nR^ityantaH praharantashcha gAyanto gopadArakAH  |
Ali~NgantaH pramuditA la~NghayantaH parasparam  ||  11c-19
yuddhamArgaM cha saMvyUhya chakruryuddhakramaM muhuH  |
jalagUDhasharIrAste  cherurnadyAmadhogatAH  ||  11c-20
antashchopari toyasya  rAmakR^iShNau mudA yutau  |
prashasyamAnau gopAlaiH svAmitvamupajagmatuH  ||  11c-21
athAparAhnasamaye visheShitajalakriyau  |
samutteraturIshau tau sayUthAviva yUthapau  ||  11c-22
nandagopaniyogena  tatrAsIdpUrvameva  hi  |
parikalpitamannAdyaM  putrayorutsave sati  ||  11c-23
tatastasya niyogAchcha siddhamAhAramAhR^itam  |
nyavedayaMshcha tatraiShAM gopanAryaH sadArakAH  ||  11c-24
tatra tau vimale vastre paridhAya  svalamkR^itau  |
Ajahrurashanam bhR^iShTamamR^itaM vibudhA iva  ||  11c-25
bhakShyaM bhojyaM  cha peyam cha vidhivatvya~njanAnvitam  |
AhR^ityAchamya  tatraiva kaMchitkAlaM vishashramuH  || 11c -26
tatra ma~NgalasaMyuktAH shakunA yamunAtaTe  |
shivAshcha lokasidddhyarthaM shivA vAcho vavAshire  ||  11c-27
tata uthAya gopAlAH svadeshAnprati niryayuH  |
goniveshaM mudA yuktAH sAyAhne vItakalmaShaH  ||  11c-28
nR^ityanta prahasantashcha dhAvantashcha parasparam  |
Ali~NgantaH pramuditA  la~NghayantastathApare  ||  11c-29
sabhrUvilasitAM vINAM vAdayantastathApare  |
pratiyAtAH sukhaM gopAH sukaNThA madhurasvarAH  11c-30
paTahAnAM ninAdashcha veNuvINAvimishritaH  |
samantataH prAdurAsItkR^ito gopairmudAnvitaiH  ||  11c-31
evaM sambhUtamatulaM  shabdaM kurvankumArakAH  |
praharShamatulaM labdhvA  bhejire vAsameva te  ||  11c-32



December 7,  2008