harivaMsha, Volume II,  Appendix 1, pp.54-62, BORI 1971

12
itranslated by A. Purushothaman, purushothaman_avaroth @ yahoo.com

kR^iShNasya nIlayA saha vivAhaH

12a  (pp. 54-57) 

vaishaMpAyana uvAcha

syAlo.atha nandagopasya mithileShu gavAM patiH  |
pravR^iddhagodhano dakShaH kumbhako nAma nAmataH  ||  12a-1
dAtA dugdhasya sarveShAM takrasya cha ghR^itasya cha  |
janasya  priyavA~N  nityaM yashodAyA jaghanyajaH  ||  12a-2
dharmadA tasya bhAryAsIddharmadaiva cha nAmataH  |
sA sUtApatyayugalaM shobhanaM gopabhUShaNam  ||  12a-3
tasyostatra  pumA~njAtaH shrIdAmA nAma vishrutaH  |
sarvaishcha sadguNairyuktaH  sarvaprANimanoramaH  ||  12a-4
nIlA nAma cha kanyAsIdrUpaudAryaguNAnvitA  |
hasantI gamanairhaMsAnbhUspR^iShTacharaNAnmuhuH  ||  12a-5
padmapatranibhau pAdau vartulAyataja~NghinI  |
lInAsthijAnusaMdhAnA  mAMsalorudvayA mR^iduH  ||  12a-6
rathavisthIrNajaghanA mR^idUtkIrNagaLatrikA  |
vishAlorusamAviShTA chakranAbhirmanoramA  ||  12a-7
kramAdUrddhvavalI nimnatanumadhyatanUruhA  |
suvarNakumbhasadR^ishau dR^iDhau pInau stanau mR^idU  ||  12a-8
dhArayantI mR^idusparshA kAmasya jananI nR^iNAm  |
kambugrIvA sunAsA sA sukapolamanoharA  ||  12a-9
shubhavidrumabimboShThI sudatI shubhanAsikA  |
vinidrAmbujavaktrA sA nIlolpalanibhekShaNA  ||  12a-10
vilAsinI sukarNAntA smarachApanibhe ubhe  |
bhrUvau dadhAnA susnigdhA ardhachandralalATikA  ||  12a-11
dIrghaku~nchitakeshADhyA lakShaNaiH sakalairyutA  |
trilokaratnabhUtA sA visvachittavilolinI  |
yauvanasthA sukAntA~NgI devamartyavilobhinI  || 12a-12
tAM vavruH sarvabhUpalA bhUyo bhUyo vishAM pate |
na teShAM kasyschiddattA pitrA vidhibalAshrayAt  ||  12a-13
etasminneva kAle tu vR^iSharUpA mahAsurAH  |
kAlanemisutAH sapta vikrAntA bAhushAlinaH  ||  12a-14
tadA devAsure yuddhe viShNunA prabhaviShNunA  |
samgrAmAnbahushaH kR^itvA  tena yuddhe jitAstadA  |
disho mUDhAH prajagmuste viShNuM hantuM samudyatAH  ||  12a-15  
yAvatkR^iShNo yadukule jAto daiteyasattamAH  |
j~nAtvA viShNuM yadukule  yatnavantaH  samutthitAH  ||  12a-16
vR^iSharUpadharAH sapta kumbakasya vraje vasan  |
balavanto mahAshR^i~NgA  mahAkukShishirodharAH  ||  12a-17
lambasAsnA mahAgrIvA mahAkumbhakakudminaH  |
pR^ithudIrghamahAvAlAH  pR^ithutIkShNakhurAH kharAH  ||  12a-18
dIrghavaktrA dIrghadantAH kuNDanetrA  sukarNakAH  |
nityadR^iptA mahAhrAdAstrAsitAH sheShagogaNAH  ||  12a-19
te vR^iShAH sarvato jagnurgAshcha  vatsAmshcha durmadAH  |
garbhAnAstrAvayansarvAngavAM sasyAnyabhakShayan  ||  12a-20
videhasasyajAtAni  bhakShayitvA muhurmuhuH  |
sasyAnAM pAlakAnsarvAnAdhAvanti  sma sarvataH  |
kumbhakasya vraje rAtrau vasanti sma mudAnvitAH  ||  12a-21
kR^iShIvalAstataH sarve  rAj~no mithilavarmaNaH  |
nyavedayaMstadA  sarvaM vR^iShaiH  sasyavinAshanam  ||  12a-22
yAnyeva tava sasyAni  rAShtre jAtAni  sarvashaH  |
bhakShitAni samastAni  kumbhakasya  vR^iShairnR^ipa  |
saptabhistaiH  samudrikttairdamanena vivarjitaiH  ||  12a-23
te nivAryA  mahIpAla  yadi te syAjjagatrayam  |
sAdayanti muhuH  sarvAnnaShTA rAjanbhavatprajAH  ||  12a-24
iti teShAM vachaH shrutvA  rAjA janakasaMbhavaH  |
dUtaiH kumbhakamAhUya vachanaM chedamabravIt  ||  12a-25
tava sapta vR^iShA gopa nirdamAH sasyaghAtakAH  |
damyantAmadya  sarve te  vRiShAH  sarvaprayatnataH  ||  12a-26
anyathA daNDya eva syAtsabandhuH  saprajo bhavAn  |
gachCha gopairmatiyutairdamane  kushalaiH  samaM  |
damyantAM te vR^iShAH sapta na bhayaM vidyate tava  ||  12a-27
atha rAtrau kvachiddR^iptAndAnavAn vR^iSharUpiNaH  |
gopAlairaparaiH sArdhaM  niyantumupachakrame  |
rajjuhastAstadA  sarve mandaM mandamupAyayuH  ||  12a-28
atha te ballavAndR^iShTvA  rajjuhastAnsamantataH  |
huMbhAravaM  prakurvANA gopAnevAbhidudruvuH  |
tAnkhuraiH shR^i~NgakoNaishcha samAjagmuH samantataH  ||  12a-29  
te hatA gopamukhyAstairgataprANAH samaM bhuvi  |
patitAH sherate bhUmau vajrabhagnA ivAchalAH  ||  12a-30
dArakA dArikA vatsAstairhatAH  patitA bhuvi |
sherate mR^itabhUyiShThAH kumbhakasya vraje sma ha  ||  12a-31
nishcheShTamabhavatsarvaM vrajaM nihatadArakaM  |
na shekuste  vR^iShAnroddhuM  dR^iDhairdAmAbhirudyatAH  |
nirvIryoH sarva evAmi bhagnAstairvR^iSharUpibhiH  ||  12a-32
vraje tasminmahIpAla nihate cha tathA hate   |
visaMj~naH kumbhako bhUtvA nishcheShTaH samapadyata  ||  12a-33
tato vimR^ishya tairgopairmatimevaM samAdadhe  |
taptAnAM  vR^iShamallAnAM damitA yo bhavedbhuvi  |
tasmai kanyAM pradAsyAmi nIlAM nIradalochanAm  ||  12a-34
gopAH sarve samAyAntu ye gopA goShu jIvinaH  |
shUdrA vA ye samarthAH syuste cha gachChantu  sarvashaH  |
evamAghoShayAmAsa  kumbhakaH sa vraje kila  ||  12a-35


December 09, 2008

12b  (pp. 57-58)

vaishaMpAyana uvAcha

tato gopagaNaH sarvo mithilAmanvavartata  |
vR^iShAnsapta  samAhatya nIlAM gR^ihNAma yatnataH  |
iti gopAH samAjagmuH pratyekaM tAM jighR^ikShavaH  ||  12b-1
mithilA rAjadhAnI sA na kvachidballavairvinA  |
gopAlamayamevaitadrAShTraM  mithilavarmaNaH  ||  12b-2
te gopAstvAyatabhujA vistIrNabalasaMyutAH  |
AsphoTitabhujA  mattAH pratyekaM  vR^iShamanvayuH  ||  12b-3
kumbhakasya tadA dUtairAhUto  gopanandanaH  |
gopAlairaparaiH  sArdhaM nandagopaH samAyayau  ||  12b-4
rAmakR^iShNau cha saMyAtau kumbhakasya vrajaM  kila  |
dArakairaparaiH sArdhaM savayobhirmudAnvitaiH  ||  12b-5
mayUrA~NgatachitrA~Ngau nIlaku~nchitamUrdhajau  |
pIte vasAnau vasane  harichandanacharchitau  ||  12b-6
vanamAlAkR^itoraskau dAmayaj~nopavItinau  |
shikyAlambadghaTakarau  parNavAdyavinodinau  ||  12b-7
kiMkiNIjAlasaMhrAdau  shikhipichChairalaMkR^itau  |
veNuvINAkR^itaravau  shR^i~NgadhvanisamAkulau  |
divisthairdevagandharvairanuyAtau  mahAmatI  12b-8
gopAste  naubhiruttIrya yamunAmUrmimAlinIm  |
ga~NgAM  chaivAbhisaMyAtA  mithilAM  kR^iShNasaMyutAH  ||  12b-9
kumbhakashcha mahAbudhirmaithileyo  mudAnvitaH  |
nandagopaM tadA dR^iShTva  saputraM cha samAgataM  ||  12b-10
utthAyAgre  samAgamya  samAli~Ngya  mudAnvitaH  |
bR^isIM saMchodayAmAsa yashodAM chaiva dharmadA  ||  12b-11
balabhadrasya  kR^iShNasya  shrIdAmA chAsanaM dadau  |
kR^isaraM  pAyasaM chaiva tathA dadyodhanaM bahu  |
nivedya nandagopAya  saputrAya mudAnvitaH  ||  12b-12
apUpAH saktavo dhAnAH  sharkarAkShIramishritAH  |
dattAH kR^iShNAya rAmAya  nandAyAtha sajAtaye  ||  12b-13
evaM prItAH sumanaso nandagopapuraHsarAH  |
UShuH sukhaM tadA rAtrau   gopAlAH sarva eva te  ||  12b-14
atha tasyAM vR^iShA rAtrau goShu vaishasanaM  muhuH  |
pratyekaM sapta te mallA dAnavA vR^iSharUpiNaH  |
vatsA~njaghnuratho gAshcha kutIrbhUyo babhan~njire  ||  12b-15
AgantukAMstadA  gopAnrAtrau yuddhAya  niHsR^itAn  |
jaghnuH shR^i~NgaiH khuraishchaiva shiShTA  gopA disho  yayuH  |
humbhAravaM  prakurvanto diggajA iva tasthire  ||  12b-16
rajjUshChitvA ghaTanbhitvA kIlakAnatha shikyakAn  |
vatsAnvidrAvayAmAsurgAshcha rAjandisho dasha  ||  12b-17
tataH prabhAte vimale vyuShTA sA rajanI kila  |
vR^iShAstathurmahAnAdAstasminkumbhakaveshmani  ||  12b-18
diggajA iva saMhnAdaM humbhAravapuraHsaram  |
chakrire parvatAkArAH kAlAntakayamopamAH  ||  12b-19


December 10, 2008

12c  (pp. 58-60)

vaishaMpAyana uvAcha

atha tasyAmavasthAyAM nishcheShTaH kumbhakaH kila  |
vR^iShAMstathAvidhAndR^iShtvA vrajaniHsheShakAriNa  |  
gopAnsarvAnsamAhUya vachanaM chedamabravIt  ||  12c-1
shrUyantAM mama vAkyAni gopA  nandapuraHsarAH  |
vR^iShAH sapta  samudbhUtA vraje.asminmadadurmadAH  ||  12c-2
siMhA iva grahAkrAntA  diggajA iva daMshitAH  |
apratarkyA anAsAdyA gopagopIvyatikramAH  ||  12c-3
yatnAshcha bahavo.asmAbhiH kR^itA roddhumimAnmuhuH  |
eShAmekaM  balAdyodddhuM na shaktAH smeti saMgatAH  |
bhItAstebhyo muhurgopA visaMj~nA paryaTAmahe  ||  12c-4
kiM cha rAj~nA muhurdaNDyA  vayaM mithilavarmaNA  |
gatimeShAM na jAnImo  nAgatiM   na cha chintitam  ||  12c-5
na cha te kevalavR^iShA  rAkShasA vA vR^iShAtmanA  |
daityA vA dAnavA vApi yakShagandharva eva vA  |
asmadutsAdanArthAya  vraje.asminsamupasthitAH  ||  12c-6 
yuShmAkamAgatAnAM tu yo vR^iShAndamayiShyati  |
tasyeyaM  sarvakalyANI  nIlA deya manasvinI  |
nIlA sumadhyamA tasmai dattA kamalalochanA  ||  12c-7
ityuktvAhUya tAM kanyAM  gopamadhye  karotthitAm  |
yUnAM manAMsi chAkShINi  tasyAmeva  prapedire  ||  12c-8
stanayoH sthitimAjagmuH keShaMchinnetrapa~Nkaje  |
anyeShAmadhare chaiva  pareShAM cha sumadhyame  |
evaM vyAlolamanaso gopAshchitrasthitA iva  ||  12c-9
tatra nandasutaH kashchijjyeShThaH kR^iShNasya saMmataH  |
sa tadAghoShayadvAchA  damayiShye  vR^iShAnamUn  |
iti pratasthe  tAnhantuM  daiteyAnvR^iSharUpiNaH  ||  12c-10
bhujAvAsphoTya  ruddho.api pitrA yatnavatA  tadA |
iyeSha yoddhuM  mandAtmA yAnna shaknoti  mAdhavaH  ||  12c-11
rAvaNasya raNe hanta  yashcha hantA sumAlinaH  |
teShAM madhye   samAsthAya humbhAravamathAkarot  ||  12c-12
tena shabdena te sapta vR^iShA  ghoShavataH puraH  |
khurA~nshR^i~NgAnsamuddhR^itya  samuttasthuH  samudyataH  ||  12c-13
teShAm sthitAnAmekasya ghoShavAnmastake.ahanat  |
tato gopAH samAgamya siMhanAdaM vyanInadan  ||  12c-14
Ahato mastake so.atha vR^iSho ghoShavatA tadA  |
agre khurAbhyAmAhR^itya  ghoShavantaM  dadaMsha ha  ||  12c-15
punaH shR^i~NgenA taM hatvA khurAbhyAM dUrato,akShipat  |
vyanInadachcha sahasA gopAnvidrAvayaMstadA  ||  12c-16
yuvAnastvatha  ye gopA  nIlAgrahaNalAlasAH  |
muShTiM saMvartya  saMvartya  bhujAsphoTanatatparAH  |
gopalIlAM prakurvantasteShAmagre  padaM dadhuH  ||  12c-17
sthiteShu   gopavIreShu  te  vR^iShA gopaghAtakAH  |
sarvAMstA~nshR^i~NgakoNaishcha  nijaghnuH  sarvatastataH  |
mastakaishcha khuraishchaiva  nyahananmuditA  bhR^isham  ||  12c-18
te gopA vR^iShadaityaishcha  nihatA bhuvi pAtitAH  |
gatAnbhimukhaM hatvA  saMsthitAH   sumahAvR^iShAH  ||  12c-19
humbhAravaninAdena  bhIShayantaH  sagogaNAn |
gopAlAngopamukhyAMshcha balAdvidrAvya  daMshitAn |
valmIkAnkhAdayanto vai taTaghAtaM prachakrire  ||  12c-20
kumbhako nandagopashcha ye vR^iddhA  goShu jIvinaH  |
kR^ityamUDhAH susaMvR^ittAstadA gopapuraHsarAH  |
rAj~no bhItA  babhUvushcha  daNDyA  vayamiti  sthitAH  ||  12c-21



December 11, 2008

12d  (pp. 60-61)

vaishaMpAyana uvAcha

atha kR^iShNastadA rAmaM  babhAShe vaishase sati  |
naite vR^iShA mahAbhAho  daityAH  sapta samutthitAH  ||  12d-1
kAlanemisutA Arya mAM hantumiha saMgatAH  |
purA mayA hatA yuddhe  tadA tArAmaye vibho  ||  12d-2
ete.atibalino nityaM  mayi vidveShakAriNaH |
nihantavyA mayA rAma gogopAnrakShatA  samam  ||  12d-3
etairgopA hatA bhUyo  bhUyo hantuM samudyatAH  |
vayametairyathAyogaM  krIDAM kurmaH sagopakAH  ||  12d-4
nandashcha kumbhakashchobhau viShaNNau samapadyatAm  |
rakShitavyau balAdetau  gopau bandhU  mayA vibho  ||  12d-5
nIlAmenAM grahiShyAmi hatvA sapta vR^iShAnimAn  |
shrIdAmAnaM  sakhitvena  grahiShyAmi na saMshayaH  ||  12d-6
iti nishchitya rAmeNa kR^iShNaH kamalalochanaH  |
purasteShAM padaM chakre  vR^iShANAM balashAlinAM  || 12d-7
te  vR^iShA ditijAH kruddhA viShNuM  dR^iShTvA  puraHsthitam  |
pUrvavairaM samAshritya parAhantuM prachakramuH  ||  12d-8
te samaM sahasA petuH kR^iShNasyopari  dAnavAH  |
tato yuddhaM samabhavatteShAM  kR^iShNasya cha prabho  ||  12d-9
tato gopagaNaH  sarve  kR^iShNamevAshritAbhavan  |
shR^i~Ngaiste  sahasA jaghnuH kR^iShNaM hantumabhIpsavaH  ||  12d-10
pAdaprahArairaparaiH puchChaghAtaishcha  keshavam  |
pR^ithkpR^ithaksamAhanyuH  pratyekaM  vR^iShadAnavAH  |
dantairdadaMshurapare  khurairanye  janArdanam  ||  12d-11
tataH kR^iShNo ruShA muShTiM  saMnihitya jaghAna ha  |  
teShAmekaM kShaNAddhatvA  punaranyaM  jaghAna ha  ||  12d-12
krameNa muShTyA  tAnsarvAnhatvA daiteyagopatIn  |
nIlAM haste  gR^ihItvAtha  kR^iShNastasminvyarochata  ||  12d-13
kumbhako nandagopaM taM  provAcha vrajasaMsadi  |
prasAdAttava putrasya  jIvAmo vigatajvarAH  |
saputrAH saha gopAlaiH  savatsA godhanaiH  samam ||  12d-14
vR^iShaishcha  saptabhirnanda hatA gAvaH sahasrashaH  |
garbhAshcha niHsR^itAstAvadvatsAstAvanta  eva hi |
yataste nihatA  nanda sukhaM tasmAdavApnumaH  ||  12d-15
gosahasraM tava vibho  mahiShA mahiShIshataM  |
yAvadichChasi  vA nanda tAvatte vai  dadAmyaham  |
nIlAyai  lakShmayutaM  dAsyAmi  bahugodhanam  ||  12d-16

nandagopa uvAcha

alaM  mama vibho tAta gobhirvatsairdhanairapi  |
tiShThantAmadya  gAvaste gAvo me  bahavo matAH  ||  12d-17
ghR^itavatyaH  kShIravatyo  babhUvUH  putrajanmataH  |
yadA cha kR^iShNa  udbhUtastadAprabhR^iti  me vraje  ||  12d-18
yAvaddugdhaM  samudbhUtam  tAvadeva ghR^itaM  bhavet  |
gulme gulme madhu bhavetsvAdU  svAdU bhavatyalam  ||  12d-19
gAvo vatsAshcha  nIrogA  jAte  kR^iShNe  vraje mama  |
alpakaM  na cha me syAttadgehe svaM  kR^iShNasaMnidhau  ||  12d-20
yAsyAmyahamatho  gopa gR^ihAyAbhyanujAnatAm  |
ityuktvA prayayau nandaH savrajaH  sahagogaNaH  ||  12d-21
kR^iShNashcha nIlayA sArdhaM  shrIdAmnA  saha saMgataH  |
sAkaM cha balabhadreNa  yayau vR^indAvanaM  vanam  |
prApya vR^indAvanaM gopA  remire saha keshavAH  ||  12d-22



December 12, 2008  

12e  (pp. 62)

janamejaya uvAcha

aho  chitramaho chitraM  mAdhavasya jagatpateH  |
krIDeyaM  vAsudevasya  gopalIlAM prakurvataH  ||  12e-1
dhanyAsta eva deveshaM  gopaveShavibhUShitam  |
apashyandevamIshaM  ye mayUrA~NgadabhUShaNam  ||  12e-2
kIladAmAsthitakaraM  kiMkiNIkvaNitA~Ngadam  |
tAlageyarataM devaM  parNavAdyAntaraiShiNam  ||  12e-3
bANapuShpasphuTanmauliM  nIlameghanibhaM hariM  |
pashyanti  devamIsheshaM namastebhyaH  punaH punaH  ||  12e-4
hatvA vR^iShAnhariH  sapta punarAgamya  mAdhavaH  |
vR^indAvanaM  sarAmastu  gopaiH saha mahAmune  |
akaroktiM  jagannAthastanme  brUhi tapodhana  ||  12e-5

vaishaMpAyana uvAcha

tasyAM sharadi  govindaH  sukhaM vR^indAvane  vane  |
chachAra  godhanaiH  sAkaM jagatAM  prItivardhanaH  ||  12e-6




December 12, 2008