harivaMsha, Volume II,  Appendix 1, pp.71-73, BORI 1971
itranslated by A. Purushothaman, purushothaman_avaroth @ yahoo.com
17
yAdavajarAsaMdhayuddham

rukmiNaM pa~nchaviMshatyA vAsudevaH samarpayat  |
Ajaghne keshavaM tAbhyAM sharAbhyAM  bhojavardhanaH  ||  17 -1
rukmI tu vAsudevasya jyAM ChettuM parichakrame  |
j~nAtvaiva vAsudevo.api dhanushchichCheda tasya ha  ||  17-2
saMChinnadhanvA bhojo.api  shaktiM jagrAha saMyataH  |
tayA jaghne hariM vIraH so.achChinattAM sharairapi  ||  17-3
punaranyAM  mahArAja gadAM preShitavAnnR^ipa  |
chichCheda tAM jagannAtha  sarvakShatrasya pashyataH  ||  17-4
parigheNa samAjaghne vAsudevaM sa rAjakaH  |
taddvidhA shastrasaMpAtairakarodyadupuMgavaH  ||  17-5
rathachakraM samAdAya  viShNuM vivyAdha rAjakaH  |
tilashashcha tathA deva tachchakraM kR^itavA~nsharaiH  17-6
yadyadastraM samAdatte rukmI bhIShmakanandana  |
tattattatra dvidhA kR^itvA jahAsa yadunandanaH  ||  17-7
tattrIrathaM vichakraM cha kR^itavAnyadunandanaH  |
vishastraM vidhanuShkaM cha chakAra madhusUdhanaH  ||  17-8
saprANaM kR^itavAnkR^iShNaH  sarvakShtrasya pashyataH  |
avekShya rukmiNIM kR^iShNo rukmiNaM na vyashAtayat  ||  17-9
AhukaH  pa~nchaviMshatyA bhIShmakaM prajaghAna ha  ||  17-10
bhIShmako.atha cha rAjendra sharANAM cha paraHshataiH  |
ugrasenaM  samAjaghne marmaj~no marmabhedibhiH  ||  17-11
Ahukastu dhanushChittvA  bhIShmakasya mahAtmanaH  |
rathaM chAsya prachiCheda dhvajaM cha yadupuMgavaH  ||  17-12
sArathiM cha hayAMstasya jaghAnayadunandanaH  |
apAyAtsamarAttasmAdbhIShmakastu shramAnvitaH  ||  17-13
vasudevastu rAjendra krAthaM  vivyAdha  patribhiH  |
krAthastu rAjanvivyAdha  sharaiH saptabhirAshugaiH  |  
sArathiM cha jaghAnAshu tathobhau  pArShNisArathI  ||  17-14
vasudevastataH kruddho dhanushchiCheda patribhiH  |
virathaM cha jaghAnAshu jarAsaMdhasya pashyataH  ||  17-15
viratho vidhanuShkashcha prayayau mAgadhaM prati  ||  17-16
babhruH kaushikarAjaM taM vivyAdha vividhaiH sharaiH  |
atha babhrurmahAtmAnaM vivyAdha nishitaiH sharaiH  ||  17-17
kaushikashcha tathA babhruM  marmaj~no marmabhedibhiH   |
bhR^ishaM vivyAdha samare tadabhutamivAbhavat  ||  17-18
tasya babhruH kShurapreNa shiro jvalitakuNDalam  |
nichakarta mahAbAhurjarAsaMdhasya pashyataH  ||  17-19
atha hatvA mahAtmAnaM babhrushcha sumahAbalaH  |
siMhanAdaM chakArAshu sainyamadhye mahAkR^itiH  ||  17-20
chedirAjo mahArAja  sahasA yadunandanam  |
virathaM vidhanuShkaM cha kR^itavAMshchodipaH kila  |
vasudevasamIpaM tu yayau yAdavasattamaH  ||  17-21
dantavaktraM mahArAja  shaMbhustu bahushastadA  |
sharaiH shastrAyasodagrairvivyAdha yadunandanaH  ||  17-22
sAtyakishcha mahArAja  vivyAdhAvantinandanau  ||  17-23
tau cha rAjanmahAtmAnau sAtyakiM satyavikramam  |
pIDayAMchakratU rAjansarvamarmasu patribhiH  ||  17-24
sAtyakIrvimukhIkR^itya tau cha rAjanmahAbalau  |
vivyAdha nishitairbANaiH sarvarAjanyamadhyagau  ||  17-25
tau cha tam sAtyakiM vIraM jaghnatushcha shitaiH sharaiH  |
vindAnuvindavAvantyau rAjAnau yadunandanaH  ||  17-26
sAtykiH pa~nchaviMshatyA tau cha rAjanmahAmatiM  |
samAjaghne cha rAjendra sarvakShatrasya pashyataH ||  17-27
sAtyakeshcha dhanurbANaM rathaM sArathimeva cha  |
ubhau vivyAdhatU rAjan vAsudevasya pashyataH  ||  17-28
kruddho.atha sAtyakistau tu gadayAbhijaghAna ha  |
stanayoshcha tadA rAjanbAhNorurasi chArpayat  |
rathaM cha chUrNayAmAsa tathobhau pArShNisArathI  |
AyudhAni cha sarvANi pothayAmAsa yAdavaH ||  17-29
punashcha gadayA chAsu jaghAna yadunandanaH  |
hantukAmo mahArAja sAtyakiH satyavikramaH  |
gadAM cha prAhiNottAbhyAM vAsudevasya pashyataH  ||  17-30  
tAmApantati saMprekShya palAyanaparau tadA |
jarAsaMdhasya puratastatsamIpaM cha jagmatuH  ||  17-31
ekalavyo.asya vArShNeyaM sharairvivyAdha saptabhiH  |
tau tu rAjanmahAvIrau paraspravadhaiShiNau  |
lokeShu pravarau vIrau dhanvinAM pravarau raNe  ||  17-32
parasparaM dhanushChitvA dhvajaM chaiva parasparam |
tAvubhAvubhayo rAjanrathau jaghnaturAshugaiH  ||  17-33
dhvajau cha chichChidurvIrau sArathI cha mahAbalau  ||  17-34
tau tu bhUmigatau bhUtvA gadAmAdAya satvarau  |
parasparaM samAhatya gadayA tau mahAraNe  |
siMhanAdaM mahAyuddhe chakraturyuddhalAlasau  ||  17-35
pradyumno.atha  gadApANirekalavyaM jaghAna ha  |
ekalavyo mahAbAhurgadayApothayadyadum  |
gadAM chiCheda bhUyastu tasya rAj~naH sa yAdavaH  ||  17-36
utsR^ijya tAM mahArAja muShTinA yAdaveshvaram  |
jAnubhyAM talapAdaishcha jAnupAdaishcha yatnataH  |
sa cha tAdR^igvidhaM chakre yuddhaM yuddhavishAradaH  ||  17-37
punashcha muShTinA rAjanrAjA yadukulodvaham  |
Ahatya dantapAtaishcha  dadaMsha nR^ipasaMsadi  ||  17-38
tatashcha sainikAH  sarve  vismayaM paramaM gatAH  ||  17-39
bAhuyuddhaM samabhavattayorvIryavatostadA  |
samantAjjagmatustau tu yuddhAya cha mahAraNe  ||  17-40 
tataH kruddho mahAbAhuH pradymno yAdaveshvaraH  |
Ajaghne muShTinA taM tu jarAsaMdhasya pashyataH  ||  17-41
udvama~nshoNitaM vaktrAdgatAyuriva niHshvasan  |
gantumaichChattadA yuddhAtpradyumnena prapIDitaH  ||  17-42
palAyanakR^itotsAhaM jarAsaMdho mahAmatiH  |
na gantavyaM raNe vIra kShatriyo.asIti chAbravIt  ||  17-43


February 6, 2009