harivaMsha, Volume II,  Appendix 1, pp.128-131, BORI 1971
itranslated by A. Purushothaman, purushothaman_avaroth @ yahoo.com

18 A
saMkarShaNajarAsaMdhayuddham

sasainyaH  sabalashchApi pR^iShThato.anvacharatkila  |
ityuktvA pArthivAnsarvAnkR^iShNaH  kR^iShNAmbudopamaH  ||  18A -1
pUrvajena sahAyena sthitaH samaramUrdhani  ||  18A-2
shrutvaiva tu jarAsaMdhaH krodhavisphAritekShaNaH  |
pralaptashcha tathA rAjA viShNunA prabhaviShNunA  ||  18A-3
dhanvI  bANI rathI khaDgI kuNDalI kavachI balI  |
shUrANAmagraNIH sAkShAdeka evAtulo  nR^ipaH  |
keshavasya puraH sthitvA babhAShe keshisUdanam  ||  18A-4
kimetaistuchChavAkyairhi tiShThedAniM mamAgrataH  |
yadbalaM yachcha te vIryaM darshayasva yadichChasi   ||  18A-5
eSha tvAM  prahariShyAmi tiShTha tAvadraNe kShaNam  ||  18A-6  
ete ye nihatA gopa rAjAno balamohitAH  |
etairvarAkairgopAla kR^itaM rAjavidUShakaiH  ||  18A-7
eSha tvAM darshayiShyAmi yamarAjAnameva hi  |
ityuktvA sa jarAsaMdhaH kR^iShNamabhyadravadraNe  ||  18A-8
taM dR^iShTvA roShatAmrAkShaM kR^iShNo vAkyamuvAcha ha |
ichChAtaH praharasveti yadi shaknoShi rAjaka  ||  18A-9
eSha te pramukhe rAjansthito.ahaM kiM vikatthase  ||  18A -10
naitAvatA  raNe rAja~nshUrAH santi nR^ipottamAH  |
sharairvA yadi vA shastrairdarshayasva parAkramam  ||  18A-11
ityuktvA sa jagannAthaH sarveShAmagraNIrhariH  |
suparNadvajamAsthAya kR^iShNastu rathamuttamam |
tamabhyayAjjarAsaMdhaM  sharairvivyAdha chAShTibhiH  ||  18A-12
sArathiM chAsya vivyAdha pa~nchabhirnishitaiH sharaiH  |
jaghAna turagAMshchAjau yatamAnasya vIryavAn  ||  18A-13
baladevo dhanushchAsya chiCheda nataparvaNA ||  18A-14
taM kR^ichChragatamAj~nAya chitraseno mahAbalaH  |
senAnIH kaushikashchaiva kR^iShNaM vivyAdha pa~nchabhiH  ||  18A-15
tribhirvivyAdha saMkruddhaH kAmapAlaM tu kaushikaH  |
baladevo dhanushchAsya bhallenAjau dvidhAkarot  ||  18A-16
javenAbhyarditashchApi tAnarI~nsharavR^iShTibhiH  |
janArdano.api bhagavAnAjaghAna sa mAgadham  ||  18A-17
jarAsaMdho.api vegena dhanuranyanmahArathaH  |
sajyaM kR^itvA mahAvIraH keshavaM nishitaiH sharaiH  |
AjaghAna sharIraM vai nIlotpaladalaprabham  ||  18A-18
bhagavAnapi govindaH shareNa nataparvaNA  |
lalATe chAsya chikShepa jarAsaMdhasya chAbhibhUH ||  18A-19
punarvivyAdha nishitairbAnaiH shailopamaistathA  |
kShurapreNAhanachchAsya dhvajaM kanakabhUShaNam ||  18A-20
taM chitrasena saMrabdho vivyAdha nishitaiH sharaiH  |
kaushikaH pa~nchaviMshatyA jarAsaMdhastu saptabhiH  ||  18A-21
tribhistribhishcha nArAchaistAnbibheda  janArdanaH  |
pa~nchabhiH pa~nchabhishchaiva baladevastu tAnarIn  ||  18A-22
kR^iShNo rathAshvAMshchichCheda chitrasenasya vIryavAn  |
baladevo dhanushchAsya bhallenAjau dvidhAkarot  ||  18A-23
saMChinnadhanvA viratho gadAmAdAya vIryavAn  |
abhyadravatsusaMkruddho  jighAMsurmusalAyudham  ||  18A-24
sisR^ikShatastu nArAchAMshchitrasenavadhaiShiNaH  |
dhanushchichCheda rAmasya jarAsaMdho mahAbalaH  ||  18A-25
gadayA cha jaghAnAshu chitraseno halAyudham  |
jarAsaMdhastu balavAnkeshavaM pa~nchabhiH sharaiH  ||  18A-26
punarnavatyA vivyAdha punashchaiva hi  saptabhiH  |
ashItyA cha jarAsaMdhaH kR^iShNaM nIlotpalachChavim  |
dhanushchichCheda bhagavA~njarAputrasya dhImataH  ||  18A-27
utsR^ijya sasharaM chApaM gadAmAdAya vIryavAn  |
jaghAna cha tadA viShNuM bAhudesho balI tadA  ||  18A-28
gadayA chaiva govindo jaghAnAsya cha vakShasi  |
jAnubhyAM nipapAtorvyAM punarutthAya mAgadhaH  |
gadAyAtha hariM vegAjjaghAnAhatya vakShasi  ||  18A-29
harishcha gadayA rAja~njarAsaMdhamamarShaNam  ||  18A-30
na mamarSha jarAsaMdho gadAyAtaM janArdanam   |
jaghAna stanayormadhye baladevasya pashyataH  ||  18A-31
tataH pIDita sarvA~Ngo yayau kR^iShNo mahItalam  |
siMhanAdaM tatashchakre mAgadho rAjasattamaH  |
hataH kR^iShNo hataH kR^iShNa iti vAchaM samAdade  ||  18A-32
taM dR^iShTvA patitaM kR^iShNaM krodhAddviguNavikramaH  |
AdAya musalaM rAmo jarAsaMdhamabhidravat  ||  18A-33
jaghAna stanayormadhye bAhubhyAM yadunandanaH  |
punashcha gadayA rAmo lalATe taM jaghAna ha  |
jAnubhyAmapatadbhUmau gatasaMj~no jarAsutaH  ||  18A-34
utthAya sahasA bhUmerjarAsaMdhaH pratApavAn  |
balabhadraM jaghAnAshu sasvanaM mAgadhastadA  ||  18A-35
tato haladharo vIro gadayA sarvapuShTayA  |
chichCheda tAM gadAM vIraH kR^iShNasya  puratastadA  ||  18A-36
jarAsaMdhastu balavAnutsR^ijya mahatIM gadAM  |
punaranyAM mahAchaNDAM sarvAyudhasamanvitAM  ||  18A-37
AdAya nishitAM ghorAM tAM jaghAna halAyudham |
punashcha gadayA taM tu lalATe.abhyahanatbalI  ||  18A-38
muShTinA cha samAhatya gadayA cha tadA bhR^ishaM  |
talena cha jaghAnAshu vAsudevasya pashyata ||  18A-39
tatomUrChAM samApede balabhadraH pratApavAn  |
siMhanAdaM tatashchakre rAjA sa magadheshvaraH  ||  18A-40
etasminnantare viShNuH saMj~nAM prApya jarAsutaM  |
gadayA pothayAmAsa dAnavAraktasiktayA  |
jarAputrastadA tasmai prAhiNochChaktimuttamAm  ||  18A-41
tAmApatantIM saMprekShya gR^ihItvA viShNuravyayaH  |
tasminneva dadau vIraH sAkShAdviShNurbaleriva  ||  18A-42
sa tayA tADito rAjA papAta cha sumoha cha  ||  18A-43
prAptasaMj~nastadA rAjA parigheNa samAhanat  ||  18A-44
tayostu yuddhamabhavatparasparavadhaiShiNoH  |
devAsurasamaM yuddhamAsItprathamasaMgame  |
namucheshchaiva shakrasya rAmarAvaNayoriva  ||  18A-45
ubhau tau lokavikhyAtau bale chAstre cha vishrutau  |
ubhAveva raNe vIrau yuddhe cha parivishrutau  ||  18A-46
etasminnantare viShNuH shAr~NgamAdAya vIryavAn  |
shareNAshanikalpena vivyAdha maghdeshvaram  ||  18A-47
arditaH sa tu rAjendro gadayApothayaddharim  |
sa hitvA tu tadA shAr~NgaM gadayA taM jaghAna ha  ||  18A-48
balabhadro.api dharmAtmA prahartuM taM vinishchitaH  |
tadantare prAha vIro darado nAma pArthivaH  |
na yuktaM rAma rAmeti parAsaktaM prati prabho  ||  18A-49
taM dR^iShTvA roShatAmrAkSho halI musalamAdade  |
rAmaM haladharaM rAjA pratIyAdyuddhadurmadam  ||  18A-50
tayostatadyuddhamabhavadrajayUthapayoriva  ||  18A-51


February 8, 2009