harivaMsha, Volume II,  Appendix 1, pp.131-132, BORI 1971
itranslated by A. Purushothaman, purushothaman_avaroth @ yahoo.com
19
jarAsaMdhasya mathurAyA nivartanam

janamejaya uvAcha  |
parAjito jarAsaMdhaH kR^iShNena dvijasattama  |
sabalaH sAnugashchaiva kiM matvA svagR^ihaM gataH  ||  19 -1
kaShTametajjarAsaMdhaH kR^itavAnbalasammitaH  |
palAyanaM dvijashreShTha tayoryAdavasiMhayoH  ||  19-2
purataH kR^itavAnbrahmanna yuktaM pratibhAti me  |
jarAsaMdho.api rAjendraH sarveShAmagraNIH sthitaH  ||  19-3
lajjAkaramidaM manye tasya rAj~no dvijottama  |
pR^iShThatashcha samAgamya  purastAtpashyatoryayau  ||  19-4
kimuttaraM tato rAjA jarAsaMdhaH pratApavAn  |
akarodyadusiMhasya mAdhavasya dvijottama  |
etadAchakShva me brahmanvistareNa tapodhanaH  ||  19-5

vaishaMpAyana uvAcha  |
dagdhvA prayAto gomantAdrAjA sa magadheshvaraH  |
vrILayAvanato bhUtvA svapuriM pravivesha ha  ||  19-6
pravishya svapuram so.atha pAdaspR^iShTa ivoragaH  |
na sharma labhate  rAtrau  na divA shokakarshitaH  ||  19-7
tataH kadAchidrAjA tu dukhashokasamanvitaH  |
nR^ipAnsarvAnsamAhUya vachanaM chedamabravIt  ||  19-8
mantrayAmo nR^ipashreShThA mahadkAryamupasthitam  |
parAjito.asmi rAjendrA gopAbhyAM rAjasaMsadi  ||  19-9
sa sarvaiH pArthivaiH sArdhaM  mantrayAmAsa mantravit  |
aho dhikpauruShaM manye yadasmAnprati pArthivAH  ||  19-10
ye nR^ipA balakR^iShNAbhyAM  nirjitAH sabalAnugAH  |
nirotsyAmaH puriM ramyAM madhurAM yAdavairvR^itAM  ||  19-11
bhagavantaH purIM tatra madhurAM chatura~NgiNaH  |
balena mahatA yuktA hantuM tau gopakilbiShau  ||  19-12
anyathA hyayasho.asmAkaM yAvalloko vapuShmatAM  |
pratij~nA cha mamApyeShA shrUyatAM pArthivottamAH  ||  19-13
yau tau gopakavIro hi tau hatvA tu svakaM puram  |
yAsyAmi satyametaddhi balairbahubhiranvitaH  ||  19-14
balAni bahurUpANi mama santi nR^ipottamAH  |
niHsAdhanau yAdavakau niShkoshA durbalA hi te  ||  19-15
atha sAdhyA purI sarvA nAtra kAryA vichAraNA  |
tato yUyaM sthirAM kR^itvA buddhiM yuddhAya pArthivAH  |
prayAntu sarve rAjAnaH  kampayanto vasuMdharAm  ||  19-16
sarvataH pariroddhavyA purI yAdavapAlitA  |
nirmUlA chaiva sA kAryA bhavadbhiH khyAtakIrtibhiH  ||  19-17

February 8, 2009