harivaMsha, Volume II,  Appendix 1, pp.182-184, BORI 1971
itranslated by A. Purushothaman, purushothaman_avaroth @ yahoo.com
22
kR^iShNena rukmiNyA haraNam

pitR^iShvasuH priyArthaM cha rAmakR^iShNAvubhAvapi  |
prayayurvR^iShNAyashchAnye mAnyAstejobalAnvitA  ||   22-1
dR^iShTvA tAnAgatAnsarvAnvAsudevapurogamAn  |
krathakaishikabhartA tu pratigR^ihya yathAvidhi  ||  22-2
pUjayAmAsa pUjArhAnniviShTAnbahireva tAn  |
nyaveshayashcha tAnsarvAn bhIShmako nagarAdbahiH  ||  22-3
sthIte tasmi~njarAsaMdhe ripau teShAM mahAtmani  |
saMbhArAstatra  sarvatra vivAhAya samAhR^itAH  ||  22-4
sha~NkAshcha paTahAshchaiva sasvanuH sarvatastadA  |
brAhmaNAshcha  samAyAtA nAnAdigbhyastathaiva cha  |
uchChtritAshchaiva sarvatra dhvajA vai samalaMkR^itAH  ||  22-5
shvobhAvini vivAhe tu rukmiNI niryayau bahiH  |
chaturyujA rathenendradevatAyatanaM shubhA  ||  22-6
indrANImarchayiShyanti kR^itakautukama~Ngala  |
keshavo me bhavedbhartA nAnya kashchidbhavediti  ||  22-7
evaM manasi saMkalpaM kurvatI rukmiNI shubhA  |
dIpyamAnena vapuShA balena mahatA vR^itA  ||  22-8
tAM dadarsha tadA kR^iShNo lakShmIM sAkShAdiva sthitAM  |
evaM rUpeNa saMpannAM devatAyatanAntike  ||  22-9
vahneriva shikhAM dIptAM  mAyAM bhUmigatAmiva  |
pR^ithivImiva gambhIrAmutthitAM dharaNItalAt  ||  22-10
marIchimiva somasya saumyAM strIvigrahAmiva  |
vinA padmaM shriyamiva bhujiShyAstrIsahAyinIm  ||  22-11
kR^iShNena manasA dR^iShTA durnirIkShyA surairapi  ||  22-13
shyAmAvadAtA sA hyAsItpR^ithuchArva~nchitekShaNA  |
tAmroShThanayanApA~ngI pInorujaghanastanI  ||  22-14
bR^ihatI chArusarvA~NgI tanvI shashinibhAnanA  |
tAmrottu~NganakhI subhrUrnIlaku~nchitamUrdhajA  ||  22-15
tIkShNashuklanakhairdantaiH prabhAsAdbhiralaMkR^itA  |
nAstyanyA pramadA loke rUpeNa yashasA shriyA  |
rukmiNI rUpiNI devi pANDarakShaumavAsinI  ||  22-16
tAM dR^iShTvAM vavR^idhe kAmaH kR^iShNasya priyadarshanAm  |
haviShevAlanasyArchirmanastasyAmathAdadhAt  ||  22-17
rukmiNI cha tathA devi dadR^ishe kR^iShNamIshvaram  |
achintayashcha sA devI dR^iShTvA kR^iShNamavasthitam  |
so.ayaM  viShNurjagannAthaH sAkShAdrAmAnujaH kR^itI  ||  22-18
asya chakraM sadA sha~Nkho bhujayorubhayorabhi  |
shobhayetAM  sadA tau tu daityadAnavadAriNau  ||  22-19
asya haste sthitaM shAr~NgaM daityadAnavabhIShaNam  |
sadA bhAti mahAchApam loke khyAtataraM hareH  ||  22-20
yamAshritya sadA devaM gadA kaumodakIti sA  |
daityadAnavahantrI cha tanmajjAparidAriNI  ||  22-21
yadanuj~nAM samAshritya khaDgo nandakasaMj~nitaH  |
ripUnhanti mahAvIryAnsahyAndaivatairapi  ||   22-22
asyAbhUdvAhanaM viShNorgarutmAnpakShipuMgavaH  |
shakrAdInyaH surA~njitvA jahArAmR^itamuttamam  ||  22-23
so.ayaM viShNurvibhuH sAkShAdgopaveShavibhUShitaH  |
gopastristanabhAreShu  vijahAra yathAsukham  ||  22-24
yo nanarta hrde tasyA yamunAyAstadA hariH  |
ayamatkAliyaM tasmAdviShAgnijvAlamAlinam  ||  22-25
ayaM govardhanaM shailaM dadhAraikena pANinA  |
lIlayA sA jagannAtho golakaM bAlako  yathA  ||  22-26
ayaM sa puNDarIkAkSho yo gajaM prajaghAna ha  ||  22-27
yashchANUraM  mR^idhe hatvA kaMsam chaiva mahAbalam  |
nanarta ra~Nge govindo gopaiH sArdhaM sayAdavaiH  ||  22-28
ayaM sa yAdavashreShThaH  padmaki~njalkalochanaH  |
shyAmAvadAtaH  sashrIkaH sAkShAdindrAnujaH kR^iti  |
yuvAH hariH purANAtmA padmAkShaH padmasaprabhaH  || 22-29
so.ayamadya jagannAtha prApto mAmiha yAdavaH  |
amuShya pAdayoryugmamudvahAmi  na saMshayaH  ||  22-30
shuShrUShAM pratiyokShyAmi pAdayoH padmasaMj~nayoH  |
evaM vichintayitvA sA vavande taM shachiM tadA  ||  22-31
rAmeNa saha nishchitya keshavastu mahAbalaH  |
tatpramAthe.akarodbuddhiM vR^iShNibhiH praNidhAya cha  ||  22-32
kR^itvA tu devakAryANi niShkrAmantIM surAlayAt  |
unmathya sahasA kR^iShNaH svaM ninAya rathottamam  ||  22-33
vR^ikShamutpATya rAmo.api jaghAnApatataH parAn  |
samanahyanta dAshArhAstadAj~nAya tu sarvashaH  ||  22-34
te rathairvividhAkAraiH samuchChritamahAdhvajaiH  |
vAjibhirvAraNaishchaiva  parivavrurhalAyudham  ||  22-35
AdAya rukmiNIM kR^iShNo jagAmAshu puraM prati  |
rAme tvAsajya taM bhAraM yuyudhAne cha vIryavAn  ||  22-36
akrUre vipR^ithau chaiva gade cha kR^itavarmaNi  |
vasudeve sudeve cha sAraNe cha mahAbale  ||  22-37
nikR^ttashastrau vikrAnte bha~NgAkAre vidhUrathe  |
ugrasenAtmaje kahve shatadhumne cha keshavaH  ||  22-38
rAjAdhideve mR^idare prasene chitrake tathA  |
agnidatte  bR^ihaddurge shvaphalke satyake pR^ithau  ||  22-39
vR^iShNyandhakeShu chAnyeShu mukhyeShu madhusUdanaH  |
gurumAsajya taM bhAraM yayau  dvAravatIM prati  ||  22-40
te chApi yAdavA sarve yuddhAya samupasthitAH  ||  22-41


February 22, 2009