harivaMsha, Volume II,  Appendix 1, pp.209, BORI 1971

28
itranslated by A. Purushothaman, purushothaman_avaroth @ yahoo.com

narakAsureNa saha   kR^iShNasya  yuddham  



sha~NkhaM prAdhmApayAmAsa  shAr~NgadhanvA  gadAdharaH  |
tasya sha~NkharavaM shrutvA  narako yuddhadurmadaH   ||   28-1
dhanurAdhAya   visphArya  nAdena mahatA tadA  |
nAdayanrodasI yAyAdyuddhAya  narako balI  28-2
keshavaM purato dR^iShTvA  gadinaM shAr~NgiNaM tathA  |
uvAcha narako daityaH ko bhavAnkimihAgataH  |
daityendro   narakaH praShTA  jetA shakrasya   saMyuge  ||  28-3
ko.ayaM pakShI  sthitaH  pArshve kaiShA  te vada sAMpratam  |
enAM  grahItumichChAmi  jAnIyAM yadi sAMpratam  ||   28-4
evamukto jagannAthaH prahasya  suchiraM tadA  |
Alokya satyabhAmAM tu  vachanaM chedamabravIt  ||  28-5
vAsudevo.asmi daityendra  yadi te shrutimAgataH  |
eShA  satrAjitaH putrI  bhAryA mama yavIyasI  ||  28-6
eSha tArkShyo garutmAMstu  vAhanaM mama daityapa  |
tvAM  hantumiha  saMprApto  vadAmi  kimataH param  ||  28-7
shrutvaitaddAnavo  ghoro  vihasya suchiraM tadA  |
vAsudevo.asi  saMprApto   mAM hantuM kila yAdava  ||   28-8
diShTyA  saMprAptavAnadya  chintanIyaH sadA  mayA  |
kadAsau  dR^ishyate yuddhe  haniShyAmIti me matiH  ||  28-9
kShaNam tiShTa yadushreShTha  kuru yuddhaM yadichChasi  |
hatvA tvAmadya  saMprAptamAnayAmi  puraM mama  ||  28-10
enAM padmapalAshAkShIM  yudhyatAM kiM  vilambase  |
ichChAtaH praharasveti  provAcha yadunandanaH  ||  28-11



December 20, 2008