harivamshaparva harivaMsha, Volume II, Appendix 1, pp.21-22, BORI 1971 itranslated by A. Purushothaman, purushothaman_avaroth @ yahoo.com 6 A chandramasau gurudAragharShaNam janavejaya uvAcha shruto mayA mahAprAj~no budhapautro mahAmatiH | tatrorvashIsamutpannaH katham kShatramavAptavAn || 6A-1 Atreyasya kathaM loke paradArAbhimarshanAt | niShkR^itiH kIdR^ishI dR^iShTA tanme brUhi mahAmate | kIdR^isho brAhmaNo loke svarUpaM tadvadasva me || 6A-2 vaishaMpAyana uvAcha hanta te kathayiShyAmi shR^iNu pArthivasattama | mukhabAhUrupAdebhyo viprAdInasR^ijatprabhuH || 6A-3 uttamA~NgodbhavAjjyaiShThyAdvedasyAdhyApanAttathA | sarvasyaivAsya sargasya dharmato brAhmaNaH prabhuH || 6A-4 yasyAsyena sadAshranti havyAni tridivaukasaH | kavyAni chaiva pitaraH kiM bhUtA adhikaM tataH || 6A-5 brAhmaNyAM brAhmaNAjjAtaH saMskR^ito brAhamaNo bhavet | j~neyaM (?) kShatriyaviTshUdrA j~neyAH svebhyaH svayonijAH || 6A-6 adhyApanaM chAdhyayanaM yajanaM yAjanaM tathA | dAnaM pratigrahashcheti ShaT karmANyagrajanmanAm || 6A-7 vedameva sadAbhyAsettapastaptaM ( pyed ? ) dvijottamaH | vedAbhyAso hi viprasya tapaH paramihochyate || 6A-8 itihAsapurANaj~naH padavAkyapramANavit | a~NgopakAravedI cha vedArthaM j~nAtumarhati || 6A-9 pANinyAdIni tantrANi hyadhItyA~NgAni sarvashaH | itihAsapurANAnAM shrutInAmapi sarvadA || 6A-10 padavAkyapramaNaj~naH pravaktAH phalamashnute | shrotA chaivAnyathA chetsyAnnarakAyaiva kalpate || 6A-11 na vedapAThamAtreNa saMtuShyedvai dvijottamaH | pAThamAtrAvasAnastu pa~Nke gauriva sIdati || 6A-12 janmano.anantaraM kAryaM jAtakarma yathAvidhi | nAmadheyaM dashmyAM tu dvAdashyAmatha kArayet || 6A-13 ShaShTe.annaprAshanam mAsi chUDA kAryA yathAkulam | prApte tu pa~nchame varShe tvakSharAbhyAsamuchyate || 6A-14 garbhAShTamAbde kurvIta brAhamaNasyopanAyanam | yaj~nopavItaM kurvIta sUtreNa navatantukam || 6A-15 brAhamaNo bilvapAlAshau daNDau vA dhArayeta saH | guruM raviM samabhyarchya bhaikSheta niyataH shuchiH || 6A-16 niShekAdIni karmANi yaH karoti yathAvidhi | saMbhAvayati chAnyena sa vipro gururuchyate || 6A-17 upanIya tu yaH shiShyam vedamadhyApayeta tam | tadarthabodhakashchaiva tamAchAryaM prachakShate || 6A-18 ekadeshaM tu vedasya veda~NgAnyapi vA punaH | yo.adhyApayati vR^ittyarthamupAdhyAyaH sa uchyate || 6A-19 upAdhyAyAddashAchAryA AchAryANAM shataM pitA | sahasraM tu pitR^INAM tu chaibhyo mAtA garIyasi || 6A-20 gurushushrUShayA vidyAM saMprApya vidhivaddvijaH | snAyIta tadanuj~nAto dattvAsmai dakShiNaM hi gAm || 6A-21 gurUNAnumataH snAtvA samAvR^itto yathAvidhi | udvaheta dvijo bhAryAM lakShaNAM ( NyAM ) bandhushAlinIm | bandhuhInAM cha yAM kanyAM rogiNIM cha parityajet || 6A-22 mantropadeshe chArtvijye vivAhe shrAddhabhojane | svabandhuShveva kartavyamiti manvAdishAsanam | AdadhIta tataH pashchAdvidhAnenaiva sarvashaH || 6A-23 brAhme muhUrte chotthAya hariM nArAyaNaM prabhum | dhyAtvA samAhitaH pashchAdviShThAmUtraM visarjayet || 6A-24 nairR^ite dakShiNe bhAge tR^iNamAchChAdya vai punaH | loShTaishcha lepanaM kR^itvA shauchaM kR^itvA yathAvidhi || 6A-25 mR^idbhiH shodhya gude pAdau pANau gaNDUShamAcharet | Achamya prayato bhUtvA tataH snAnaM samAcharet || 6A-26 jale nimajya hR^idaye nArAyaNamanAmayam | dhyAtvotthAya tataH kuryAdarghyaM sUryAya bhUmipa || 6A-27 sahasrakR^itvaH paramAM deviM japtvAH samAhitaH | upasthAyaiva tigmAMshuM homaM kuryAddvitIyake || 6A-28 vedamadhyApya vidhivadvedA~NgAni tR^itIyake | muhUrte kusumAdIni hR^itvA gachChettamIsvaram || 6A-29 yogakShemArthalAbhAya snAtvA mAdhyAhnikIM kriyAm | kR^itvA puruShasukataishcha harimaShTAkShareNa cha || 6A-30 saMpUjya toShayitvAtha vaishvadevaM yathAvidhi | kR^itvaivAtithyapUjAM cha bhojanaM cha yathAkramam || 6A-31 itihAsapurANAbhyAM ShaShThasaptamayorbudhaH | kAlakShepaM prakurvANastAmbUlaM charvayetbudhaH ( tpunaH ) | upAsya pashchimAM saMdhyAM homaM kuryAdatandritaH || 6A-32 brAhmaNeShu cha vidvAMso vidvastu kR^itabuddhayaH | kR^itabuddhiShu kartAraH kartR^iShu brahmavAdinaH | shreShThAste brAhmanA loke dAnapAtraM sadA matam || 6A-33 prathamaM tu gurordAnaM dadyAchChraiShThyaM cha sarvadA | mAtApitroshcha yaddattaM bhrAtR^isvasR^isutAsu cha || 6A-34 bhaginyai bhAgineyAya mAtulAnAM pitR^iShvasuH | daridrAnAM cha bandhUnAM dAnaM vedavide.akShayam | pituH shataguNaM dAnaM sahasraM mAturuchyate || 6A-35 saMnikR^iShTamadhIyAnamatikrAmati yo dvijaH | dAne tu kavyabhojye cha dahatyAsaptamaM kulam || 6A-36 dviguNaM brAhmaNe dadyAtsamaM tu brAhmaNabruve | prAdhIte shatasAhasramanantaM vedapArage || 6A-37 prAyashchittAni shAstrANi pAtakeShUpapAtake | teShAmevAdhikArANi karmabhUmiShu janminAm | devAnAM nAdhikAro.asti teShu rAjandivaukasAm || 6A-38 vairAjakanyAjAtastu budhAdila iti smR^itaH | mAtAmahaprabhAvena kShatriyatvamupeyivAn || 6A-39 tathApyatriprabhAvena prAyashchittena shodhitaH | shashA~Nkastu kShayAnmuktaH sarvalokasupUjitaH || 6A-40 March 21, 2009