harivaMsha, Volume II,  Appendix 1, pp.37-38, BORI 1971

itranslated by A. Purushothaman, purushothaman_avaroth @ yahoo.com

kR^iShNasaMkarShaNayorbAlakrIDA

atiprasaktau kriDAyAM kR^iShNasaMkarShaNau muhuH  |
kvachidveshmani nirgatya  navanItaM cha gR^ihNataH  ||   9-1
saMkShobhya takraM bahusho dArakau dArakaiH saha  |
anvabhUtAM tato rAjanghaTAMshcha parijaghnatuH  ||  9- 2
dadhi pItvA tu deveshau tAnghaTAMshcha pipeShatuH  |
shikyaM cha parijagrAha kR^iShNo dArakaveShavAn  ||  9-3
bhittvA ChittvA cha govindaH papau kShIrANi sarvashaH  |
tachChiShTaM chaiva deveshaH  kShitau cha samavAkShipat  ||  9- 4
pAyasaM cha samAnIya gR^ihAdanyatra  vikShipan  |
dArakebhyastadA kR^iShNo dadau  svaM cha samAcharan  ||  9-5
shikyAchcha ghaTamAdAya dadhnAM dArakasattamaH  |
nirbhidyAchChidya bhUmau tu  niShpipeSha sa keshavaH  ||  9-6  
dArakau tau tu sahasA vatsAnAM cha paraMtapa  |
dAmnAM vimochanaM kR^itvA  vatsAndhenUrapAyatAm  ||  9-7
prativeshma tadA tau tu vyasanaM parya kurvatAm  |
atiprasaktau tau dR^iShTvA  sarvavrajavichAriNau  ||  9-8
na cha shakto vArayituM nandagopaH sudurmadau  |
tatastu dArakaiH sArdhaM kR^iShNashchakShushcha tadgatam  ||  9-9
ekasya tu tadA kR^iShNo dArakasya mahIpate  |
prachChAdya tarasAnyaM tu  dArakaM pratyuvAcha ha  ||  9-10
gachCha vatsa yathAnyatra tathA dR^iShTaishcha dArakaiH  |
yadi dR^iShTastvamanyaistu jito daNDadharo mama  ||  
ityuktvA balabhdraM tu  taM draShTuM preShayadbalI  || 9-11
sa gatvA balabhadrastu gR^ihItvA dArakaM  balAt  ||  
keshavAya dadau taM tu tvaM jitaH keshavo.abravIt  9-12
kIlakaM cha samAnIya  vikShipya bhuvi gUhitam  |
AhUya dArakAnsarvAnidamAha  jagatpatiH  ||  9-13
shaktashchedbhavatAM kashchitkIlaM gR^ihNAtu pashyataH  |
mama pArshvagato bhUtvA daNDo deyashcha tasya ha  ||  9-14
tachChrutvA dArakAH sarve taM  draShTuM yatnamAsthitAH  |
nAshankuvaMshcha te sarve  jitAMsthAnabravIditi  ||  9-15
evamAdyAni govindo bAlakrIDanakAni vai  |
chakAra matimAnkR^iShNo dArakaiH saha gokule  ||  9-16


November 14, 2008