Electronic text prepared by A. Purushothaman
purushothaman_avaroth @ yahoo.com


SrimanmaharShikR^iShNadvaipAyanavedavyAsapraNItam
SkandamahApurANam, 7 parts in  8 volumes,
Chaukhambha Sanskrit Series Office, Varanasi (2003).

shrIgaNeshAya namaH

skandapurANam  
mAheshvarakhaNDam
kaumArikAkhaNDam

ShaShTitamo.adhyAyaH |
ghaTotkachadvArA  maurvyA barbarIkaputrotpattivarNanam

sUta uvAcha 

so.atha prAgjyotiShAdbAhyemahopavanasaMsthitam  |
sahasrabhUmikaMgehamapashyatahiraNmayam  ||               60-1

veNuvINAmR^ida~NgAnAMniHsvanaiH paripUritam  |
dashasAhasrasaMkhyAbhishcheTibhiH paripUritam  ||         60-2

AyAdbhiHpratiyAdbhishchabhagadattasyaki~NkaraiH  |
kimichChantItibhaginIpR^ichChakairabhipUritam  ||            60-3

tadAsAdya  sA haiDambirmeroHshikharavadgR^iham  |
dvAristhitAMsandadarshakarNaprAvaraNAMsakhIm  ||      60-4

tAmAha lalitaMvIrobhadrosA  kva muroH sutA  |
kAmukodraShTumichChAmidUradeshAgato.atithiH  ||       60-5

karNaprAvaraNovAcha |

kiMtavAstimahAbAhotayAmaurvyAprayojanam  |
koTishonihatAH pUrvaM tayA kAmukakAmukAH  ||        60-6

tava rUpamahaM dR^iShTvA ghaTahAsaM sadotkacham  |
praNamya pAdayovrIra sthitA te vachana~NkarI  ||          60-7

tanmayAsahamodasvanbhu~NkShvabhogAmshchakAmuka  |
dAsyAmyanucharANAMtetrayANAMchapriyAtrayam  ||    60-8

ghaTotkacha uvAcha  |

kalANi kimvadantI te pramuktA svochitA shubhe |
punarnaitadvachastubhyaMvishatemamachetasi  ||              60-9

vAmaH kAmo yato bhadre yasminnupanibaddhyate  |
sachA.atra naiva badhnAti tadvayaM kiM prakurmahe  ||   60-10

adya te svAminIdR^iShTAjitavAkrIDate mayA  |
tathA vA vijitoyAsyepUrveShAMkAminAMgatiM  ||        60-11


karNaprAvaraNe tasmAchChIghrameva  nivedyatAM  |
yathAdarshanamAtreNa pUjayantyatithiM khalu  ||           60-12

iti bhaimervachaH shrutvA  praskhalantInishAcharI  |
prAsAdashikharasthAMtAMmaurvimevaMvacho.avadat  ||  60-13

devi ko.apiyuvAshrImAMstrailokyeShvamitaprabhaH  |
kAmAtithistavadvArivartatedishatatparam  ||                         60-14

kAmakaTa~NkaTovAcha  |

muchyatAM shIghramevA.asau kimarthaM vA bilambase  |
kadAchiddaivasa~NgatyAsamayo me.abhipUryate  ||             60-15

ityuktavachanAchcheTIprApyAvochadghaTotkacham  |
vrajashIghraM kAmukatvaMtasyAbhR^ityoshchasannidhau  ||  60-16

ityuktaH sa prahasyaiva tatrosR^ijya svakAnugAn  |
pravivesha gR^ihaM bhaimIH siMhomeruguhAmiva  ||           60-17

sapashya~nChukasa~NghAtAnpArAvatagaNAMstathA  |
sArikA~ncha madonmattAshcheTistAM  chA.apyapashyata   60-18

rUpeNa vayasA chaiva raterapi rati~NkarIM  |
AndolanakasukhAsInAM sarvAbharaNabhUShitAm  ||          60-19

tAM vidyutamivonnaddhAMdR^iShTvA bhaimirachintayat |
aho kR^iShNena pitrA menirdiShTeyaM mamochitA  ||        60-20     
 
nyApyametadkR^ite pUrvaM naShtAyatkAminAM gaNAH  |
sharIrakShayaparyAptaM  kShIyate yadikAminAm  ||           60-21

kAminInAM kR^ite yeShAM kShIyate  gaNanA.atrakA  |
evaM bahuvidhaM kAmI chintayannAha  bhImabhUH ||      60-22

niShThure vajrahR^idaye  prApto.ahamatithistava  |
uchitAM tatsatAM pUjAM  kuru yA te sthitA  hR^idi  ||      60-23

iti haiDambhivachanaM shrutvA kAmakaTa~NkaTA  |
vismitA.abhUttasya  rUpAtsvaMninindachabAlisham ||       60-24

dhigahaM yanmayA pUrvaM samayaH sa kR^ito.abhavat  |
na kR^ito.abhUdyadi purA abhaviShyadasau patiH  ||           60-25

iti sa~nchintayantIsA bhaimiM vachanamabravIt  |
vR^ithA tvamAgato bhadra  jIvanyAhipunaHsukhI  ||          60-26

atha kAmayase  mAM tvaM tatkathAM shIghramuchchara  |
kathAmAbhAShyayadimAMsandehepAtayiShyasi  |
tato.ahaM vashagA  jAtA hato vA svapsyase mayA  ||         60-27

sUta uvAcha  |

ityuktavachanAmetAM netropAntena  vIkShya saH  ||             60-28

smR^itvA charAcharaguruM  kR^iShNamArabdavAnkathAm  |
kasyA~nchidabhavadpatnyAM  yuvA ko.apyajitendriyaH   ||   60-29

tasyachaikAsutAjaj~nebhAryA tasyamR^itA.abhavat  |
tato bAlakikAMputrIMrarakSha cha pupoSha cha  ||                  60-30

sA yadAbhUdyauvanagA vya~nchitAvayavA shubhA  |
prollasatkuchamadhyA~NgI prollasanmukhapa~NkajA  ||         60-31

tadA.asya kAmalulitamAlAnAMprajahaumanaH  |
provAcha tAM cha tanayAM  samAli~NgyadurAshayaH  ||      60-32

prAtiveshmakaputrItvaMmayA.a.anIyA.atrapoShitA  |
bhAryArthaM suchiraM  bAlaM tatkAryaM sAdhayapriye  ||   60-33

ityuktA sA cha mene cha tattathaivavachastadA  |
patitvenacha bheje taM bhAryAtvena sa tAM tathA  ||              60-34

tatastasyAM suto jaj~ne tasmAnmadanarAsabhAt  |
vadasAtasyabhavatikiMdauhitrIsutA.athavA   ||                         
enaM prashnaM mama brUhi shIghraM chechChaktirasti te  ||  60-35

sUta uvAcha

iti prashnaM cha sA shrutvA.achintayadbahudhA hR^idi  ||      60-36  

na cha pashyati nirghoraM prashnasyA.asyakatha~nchana  |
tataH prashnena vijitA  svAMshaktiMsamupAdade  ||               60-37

atADayadrukmarajjuM karAbhyAMdolakasya cha  |
tato rakShAMsiniShpetuH koTisho bhIShaNAnyati  ||                60-38

siMhavyAghravarAhAshchamahiShAshchitrakAmR^igAH  |
samIkShyatAnasaMkhyeyAnsvAdituMdhAvatoruShA  ||           60-39

avAdayannakho bhaimiH  kaniShThA~NguShThajau hasan  |
tato viniHsR^itAstatra dviguNArAkShasAdayaH  ||                 60-40

taimaurvIMnirmitAH sarve kShaNAdeva sma bhakShitaH  |
vijitAyAMsvashaktaushcha  balashaktimathAdade  ||               60-41

utthAya sahasA dolAtkhADgamAdAtumaichChata  |
uttiShTantIM cha tAM bhaimiranusR^ityajavAdiva  ||            60-42

kesheShvAdAya savyena pANinA.apAtayadbhuvi  |
tataH kaNThe savyapAdaM dattvA.a.adAya cha kartikAm  ||   60-43

dakShiNena kareNA.asyAshChettumaichChata nAsikAm  |
visphuranti tato maurvIM mandamAha ghaTotkacham  ||        60-44

prashnena shaktyA cha balena nAtha 
tridhA tvayA.ahaM vijitA namaste  |
tanmu~ncha mAM karmakarI tavA.asmi 
samAdisha tvaM prakaromi tachcha  ||  60-45

ghaTotkacha uvAcha |

yadyevaM tarhi muktA.asi  bhUyodarshAya yadbalam |
evamuktvAmumochainAM  muktAchAhapraNamyasA  ||   60-46

jAnAmi tvAM mahAbAhovIraMshaktimatAmvaram  |
sarvarAkShasabhartAraM tarlokye.amitavikramam  ||         60-47

guhyakAdhipatistvaM hi  kAlanAbha iti smR^itaH  |
ShaShTikoTipatirjAto yakSharakShAkR^ite  bhuvi  ||         60-48

iti mAM prAhakAmAkhyA sarvaM tatsaMsmarAmyaham  |
idaM gehaM sAnugaMmedattaM mayA.a.atmanAtava  ||     60-49

samAdisha prANanAtha kamAdeshaM karomi te  |

ghaTotkacha uvAcha |

prachChannastasya ghaTate na vivAhaH katha~nchana  ||   60-50

maurvi yasya hi vartante pitarau bAndhavastathA  |
tanmAM shIghraM vahashubheshakraprastAyasamprati  ||  60-51

ayaMkulakramo.asmAkaM yadbhAryApatimudvahet  |
tatrAnuj~nAMsamAsAdya  pariNeShyAmi tvAmaham  ||  60-52

bhagadattamatho nAthaM tato maurviMnyavedayat  |
samAdAya bahudravyaM visasarjA.athabhrAtaram  ||       60-53

tataH pR^iShTiM samAropya ghaTotkachamaninditA  |
nAnAdravyaparIvArA shakraprasthaM samAvrajat  ||      60-54

tato.asau vAsudevena pANDavaishchA.abhinanditaH  |
shubhelagne pANimasyAjagR^ihebhImanandanaH  ||      60-55

kurUNAM rAkShasAnAM cha proktottamavidhAnataH  |
udvAhya tAM taddhanaishcha tarpayAyAsa pANDavAn  ||   60-56

kuntI cha draupadI chobhe mumudAte nitAntataH  |
ma~NgalAnyasya chakrAte  maurvyAshcha dhanatarpite  ||  60-57

tato vivAhe nivR^itte pratipUjyaghaTotkacham  |
bhAryayAsahitaMrAjA svarAjyAyasamAdishat  ||               60-58

maurvyA.a.aj~nAMshirasAgR^ihyahaiDambirbhAryayA.anvitaH  |
shubhaMhiDambhasyavane  svarAjyaM samupAvrajat  ||        60-59

tato rAkShasayoShAbhirvIrakAMsyaiH pravardhitaH  |
mahotsavena mahatA svarAjye  pramumoda saH  ||              60-60

tato vaneShu chitreShu nimnagApulineShu cha  |
reme saha tayA bhaimirmandodaryeva rAvaNaH  ||              60-61

evaM vikrIDitastasya garbho jaj~ne mahAdyuteH  |
haiDimbhairAkShasavyAghrAdbAlasUryasamaprabhaH  ||   60-62

sa jAtamAtro vavR^idhe kShaNAdyauvanago.abhavat  |
nIlameghachayaprakhyo ghaTAsyo dIrghalochanaH   ||        60-63

UrdhvakeshashchordhvaromA pitaraupraNato.abravIt |
praNamAmi yuvAMchobhaujAtasyapitaraugurU  ||             60-64

bhavatorhipriyaMkR^itvAanR^iNaHsyAMsadAhyaham  |
bhavadbhyAMdattamichChAmiabhidhAnaMyathAtmanaH  ||  60-65

ataH paraMtu yachChreyaH  kartavyaMpronnatipradam  |
tato bhaimistamAli~Ngya putraM vachanamabravIt  ||      60-66

barbarAkArakeshatvAdbarbarIkAbhidhobhavAn  |
bhaviShyati mahAbAho kulasyA.a.anandavardhanaH  ||           60-67

shreyashcha te yatparamaM dR^iDhaM cha
tatkIrtyate  bahudhA vipramukhyaiH  |
prakShyAvahe tadyaduvaMshanAthaM 
gatvA purIM dvArakAM vAsudevam  ||                                 60-68

iti shrIskAnde mahApurANe ekashItisAhasryAM saMhitAyAM prathame mAheshvarakhaNDe  
kaumArikAkhaNDe barbarIkopAkhyAne  ghaTotkachasya  
maurvIMsakAshAdbarbarIkotpattivarNanaM nAma ShaShTitamo.adhyAyaH  ||

November 15, 2009