Electronic text prepared by A. Purushothaman
purushothaman_avaroth @ yahoo.com

based on 
SrimanmaharShikR^iShNadvaipAyanavedavyAsapraNItam
SkandamahApurANam, 7 parts in  8 volumes,
Chaukhambha Sanskrit Series Office, Varanasi (2003).

shrIgaNeshAya namaH

skandapurANam  
mAheshvarakhaNDam
kaumArikAkhaNDam 

ekaShaShTitamo.adhyAyaH |
mahAvidyAsAdhane gaNeshvarakalpavarNanam

sUta uvAcha 

tato ghaTotkachomuktvAtatrakAmakaTa~NkaTAm |
putreNA.anugato dhImAnviyatAdvArakAM yayau ||                      61-1

AgachChantaM cha taM dR^iShTvA rAkShasaM rAkShasAnugam  |
dvArakAvAsino yodhAshchakruratyulbaNaMravam  ||                 61-2

grAmagrAme susannaddhA navalakShamitA rathAH  |
rAkShasau dvau samAyAtaupAtyetAMvishikhairiti  ||                  61-3

tAnugrahItAyudhAndR^iShTvA yaduvIrAn ghaTotkachaH |
pragR^ihya vipulaM bAhuM jagau tArasvareNa saH  ||                61-4

rAkShasaM vitta mAM vIrA  bhImaputraMghaTotkacham  |
supriyaM vAsudevasya praNAmArthamupAgatam  ||                   61-5

nivedayata mAM prAptaM yAdavendrAyasAtmajam  |
iti tasyavachaHshrutvAte kR^iShNAya nivedayan  ||                    61-6

Aha devaH sabhAsthashchashIghramatrA.a.abrajatvasau  |
tataH praveshayAmAsurdvArakAMteghaTotkacham  ||                 61-7

saputraHso.apiramyANivanAnyupavanAni cha  |
krIDAshailAMshchaharmyANisampashyannAgataHsabhAm  ||  61-8

sa tatra ugrasenaM cha vasudevaM cha sAtyakim  |
akrUrarAmapramukhAnvavande kR^iShNameva cha  ||              61-9

taM pAdavonipatitaM samAli~Ngya sahA.a.atmajam  |
sAshiShaM svasamIpasthamupaveshyedamabravIt  ||                 61-10

putra rAkShasashArdUla kurUNAM kulavardhanaH  |
kushalaM sarvataH kachchitkamarthaste samAgamaH  ||            61-11

ghaTotkacha uvAcha 

deva yuShmatprasAdena sarvataH kushalaM mama  |
shrUyatAM kAraNam svAminyadarthamahamAgataH  ||            61-12

devopadiShTabhAryAyAM  jAto.ayaM tanayo mama  |
sa cha prashnaMvakShyati tvAM shrUyatAmAgatastvataH  ||   61-13

shrIkR^iShNa uvAcha

vatsa maurvyeya brUhi tvaMsarvaM pR^ichChayadichChasi  |
yathA ghaTotkachomahyaM supriyashcha tathAbhavAn  ||      61-14 

barbarIka uvAcha 

praNamyatvAmAdidevaM manobuddhisamAdhibhiH |
prakShyAmi kenashreyaHsyAjjantorjAtasyamAdhavaH  ||      61-15

kechichChreyodharmamAhuraishvaryaMtyAgabhojanam 
kechiddamaM tapodravyaM bhogAnmukti~ncha kechana  ||    61-16

tadevaM shatasaMkhyeShu  shreyassu puruShottama  |
mama chaivaM kulasyA.asya shreyoyadbrUhinishchitam  ||       61-17

shrIkR^iShNa uvAcha

vatsa pR^ithakpR^ithakproktaM varNAnAM shreya uttamam  |
brAhmaNAnAM tapomUlaM damo.adhyanameva cha  ||        61-18

dharmaprakaTanaM chA.api shreya uktaM manIShibhiH  |
balaM sAdhyaM pUrvameva kShatriyANAM prakIrtitam  ||  61-19

duShTAnAM shAsanaM chA.api sAdhUnAM paripAlanam  |
pAshupAlyaM cha vaishyAnAM kR^iShirvij~nAnameva cha  ||  61-20

shUdrasyadvijashushrUShAtayAjIvanvaNigbhavet  |
shilpairvA vividhairjIveddvijAtihitamAcharan  ||                         61-21

bhAryAratirbhR^ityapoShTA shuchiH shraddhAparAyaNaH  |
namaskAreNa mantreNa  pa~nchayaj~nAnna hApayet  ||            61-22

tadbhavAnkShatriyakule jAto.asi  kuru tachChR^iNu  |
balaM sAdhaya pUrvaM tvamatulaM tena shikShaya  ||              61-23

duShTAnpAlaya sAdhUMshcha svargamevamavApsyasi  |
balaM cha labhyate putra   devinAM suprasAdataH  ||                61-24

tadbhavAn balaprAptyarthaM devyArAdhanamAchara  ||             61-25

barbarIka uvAcha 

kasminkShetre cha kAM devIm  kathamArAdhayAmyaham  |
etatprasAdapravaNaM manaH kR^itvA nivedayaH  ||                 61-26


sUta uvAcha 

iti pR^iShTaH kShaNaM dhyAtvAprAhadAmodarovibhuH |
vatsa kShetraM pravikShyAmi yatratapsyasitattapaH  |
guptakShetramitikhyAtaM mahIsAgarasaMgame  ||                  61-27

tatra tribhuvane yAshchaH santhi devyaH pR^ithagvidhAH  |
nAradena samAnItAstAshchaikyaMsumahAtmanA  ||               61-28

chatasrastasya digdevyo navadurgAshcha santi  yAH  |
samArAdhAya tAH gatvA tAsAmaikyaM hi durllabham  ||           61-29

nityaM pUjaya tAH putra puShpadhUpavilepanaiH  |
stutibhishchopahAraishcha  yathA tuShyanti tAstava  ||            61-30

tuShTAsu devIShu balaM dhana~ncha 
kIrtishcha putrAH  subhagAshcha dArAH  |
svargastadA muktipadaM cha satsukhaM
na durllabhaM satyametattavoktam   ||                                      61-31

sUta uvAcha

evamuktvA barbarIkaM kR^iShNaH prAhaghaTotkacham  |
ghaTotkachAya putraste dR^iDhaM  suhR^idayohyasau  ||           61-32

tasmAtsuhR^idayetyevaM dattaM nAmamayA dvikam  |
evamuktvAsamAli~NgyasantarpyavividhairdhanaiH  ||          61-33

guptakShetrAya bhagavAnbarbarIkaM samAdishat  |
so.atha kR^iShNaM namskR^ityapitaraMyAdavAMshchatAn  ||  61-34

anuj~nApya cha tAnsarvAn guptakShetraM samAvrajat  |
ghaTotkacho.api kR^iShNena viSR^iShTaH svavanaM yayau  ||    61-35

smaranputraguNAnpatnyA  svarAjyaM samapAlayat  |
tataH suhR^idayo dhImAndagdhasthalyAM kR^itAshramaH  ||   61-36

trikAlaM pUjayAmAsa devIH karmasamAdhibhiH  |
nityaM puShpaishcha dhUpaishcha upahAraiH  pR^ithagvidhaiH  ||  61-37

tasyA.a.arAdhayato devyastutuShurhAyanaistribhiH  |
tataH pratykShato bhUtvAbalAttasyamahAtmanaH  ||                  61-38

balaM yattriShulokeShu kasyachinnAstidurllabham  |
Uchushchaka~nchitkAlaM tvaM vasA.atraivamahAdyute  ||          61-39

sa~NgatyA vijayasva tvaM  bhUyaH shreyo hyavApsyasi  |
ityuktaH  sarvadevIbhiH  sa tatariva vyavasthitaH  ||                   61-40

AjagAmA.athavijayonAmnAmAgadhabrAhmaNaH  |
sasarvAMpR^ithivIMkR^itvApAdAkrAntAMdvijottamaH  ||         61-41

kAshyAM vidyAbalaM prApya sAdhanArthamupAyayau  |
guheshvaramukhAnyeSha  saptali~NgAnyapUjayat   ||                     61-42

ArAdhayAmAsa chiraMdevirvidyAphalAptaye  |
tatastuShTAstasya devyaH svapne prochuridaMvachaH  ||               61-43

vidyAMsAdhaya tvaMsAdhosiddhamAtuH puro.a~NgaNe  |
ayam bhaktaH suhR^idayaH sahAyyaMtekariShyati  ||                    61-44

tatastadvachanaM shrutvA vijayaH svapnamadhyataH  |
utthAya gatvA devyAstaM  vavre bhImAtmajAtmajam  ||               61-45

so.apidevIvachaH shrutvAmenesAhAyyakAraNam  |
tataHkR^iShNachaturdashyAmupoShyavijayaHshuchiH  ||             61-46

snAtvA.abhyarchyaiva li~NgAni devishchaivArchayatpR^ithak  |
kR^itvA snAnamupoShyaiva barbarIko.antike.abhavat  ||               61-47 

prathamAyAM tatau rAtrauyayausiddhAMbikApuraH  |
maNDalaM tatra kR^itvA cha bhagAkAraM  karAnnava  ||           61-48

aShTadikShvaShTakIlAMshcha nisvanyaiva sasUtrakAn  |
kR^iShNAjinadharo bhUtvA barbarIkasamanvitaH  ||                   61-49

shikhAmAbaddhyadigbandhaM kR^itvA reme tatovidhim  |
tanmadhyemaNDalasyA.apikuNDeshubhretrimekhale  ||             61-50

samarpyacha tataHkhaDgaM khAdiraM mantratojitam  |
saMsthApyakIlAnabhitobarbarIkamathA.abravIt  ||                       61-51

shuchirvinidraH santiShTha sthavaM devyAH samudgiran  |
yAvatkarma karomyeSha  yathA vighnaM na jAyate  ||              61-52
 
ityukte saMsthite tatra barbarIke mahAbale  |
vijayaH shoShaNaM dAhaM plAvanaM kR^itavAnyamI  ||        61-53

tataH suhAsano bhUtvA gu~Ngurubhyo namaH iti  |
mantramaShTottarashataM japatvAgurubhya praNamya cha  |
tato gaNeshvaravidhAnamArabdavAn  ||                                       61-54

athA.ataH saMpravakShyAmi mantraM gaNapateH param  ||   61-55

sarvakAryakaraM svalpaM mahArthaM  sarvasiddhidam  ||         61-56
AUM gAMgIMgUMgaiMgauMgaH saptAkSharo.ayaM mahAmantraH  | 
AUM gaNapatimantrasya gaNako nAma R^iShiH vighneshvaro devatA  
gaM bIjaM AUM shaktiH pUjArthaM japArthaM vA tilakArthaM vA manasA 
IpsitArthe homArthe vA viniyoga iti  sAdhakasya pUrvaM tilakakaraNam  |

AUM gAM gaNapataye namaH  | iti tilakasyopari akShatandadyAt anena mantreNa  |
AUM gAMgaNapataye namaH | iti tilakamantraH  | AUM gAMgaNapataye namaH | 
anena mantreNa gaNeshAya puShpA~njalitrayaM dadyAt  | 
mUlamantreNA.atrachandanagandhapuShpadhUpadIpanaivedyapUgaphala-tAmbUlAdikaM 
dadyAt | ata UrdhvaM mUlamantreNa japaM kuryAt | aShTottarashataM 
sahasraM lakShaM koTiM cheti yathAshaktijaptvAdashAMshahomArthe gaNeshAgnaye 
AvAhayAmiti agnimAvAhya  | 
AUM gAM gaNapataye svAheti mantreNa guggulaguTikAbhirhomaM vidadhyAdviniyogaM  
cheti gaNeshvaro mahAkalpaH |

ya evaM sarvavighneShusAdhayanmantramuttamaM  |
sarvavighnAni nashyanti  mano.abhIShTaM cha sidhyati  ||              61-57

DAkinyo yAtudhAnAshcha  pretAdyashcha bhayaMkarAH  |
shatrUNAM jAyate nAshovashIkaraNameva cha  ||                           61-58

imaM gaNeshvaraM kalpaM vijAnanvijayo.api cha   |
tilakaM vidhinA kR^itvA japtvA chA.aShTottaraM shatam  ||          61-59

dashAMshaM guTikA hutvA pUjya siddhivinAyakaM  |
siddheyakShetrapAlasya chakrepUjAM tato nishi  ||                         61-60

iti shrIskAnde mahApurANe ekashItisAhasryAM saMhitAyAM prathame 
mAheshvarakhaNDe  kaumArikAkhaNDe mahAvidyAsAdhane gaNeshvarakalpavarNanaM 
nAmaikaShaShTitamo.adhyAyaH  ||


November 24, 2009