Electronic text prepared by A. Purushothaman
purushothaman_avaroth @ yahoo.com

based on
SrimanmaharShikR^iShNadvaipAyanavedavyAsapraNItam
SkandamahApurANam, 7 parts in  8 volumes,
Chaukhambha Sanskrit Series Office, Varanasi (2003).


shrIgaNeshAya namaH

skandapurANam  
mAheshvarakhaNDam

kaumArikAkhaNDam

dviShaShTitamo.adhyAyaH |
kAlikAyArudrAvirbhAvavarNanam

shaunaka uvAcha 

sUta shrutA purA.asmAbhirutpattigaNapasya cha  |
kShetranAthaH kathaM jaj~nevadaitachChR^iNvatohinaH  ||  62-1

sUta uvAcha
 
yadA dArukadaityena pIDyamAnA divaukasaH  |
shivaM devyA sahAsInam praNipatyetamabruvan  ||               62-2

deva daityenaghoreNadurjayenasurAsuraiH  |
pIDitA dArukeNasmaH svasthAnAchchApichyAvitAH  ||      62-3

na viShNunA na chandreNa na chA.anyenA.api kenachit  |
shakyo hantuM sa duShTAtmA  ardhanArIshvaraM vinA   ||   62-4

tena saMpIDyamAnAnAmasmAkaM sharaNaM bhava  |
ityuktvArurudurdevAstrAhitrAhItichA.abruvan  ||                            62-5

tato.atikR^ipayAviShTaharakaNThasya kAlimAm  |
gR^ihItvA pArvatIchakre nArImekAMmahAbhayAm  ||         62-6

AtmashaktiM tatra muktvA provAchedaM vachaH shubhA  |
yasmAdatIva kAlA.asi nAmnaH tvam kAlikA bhava  ||           62-7

devAriM cha durAtmAnaM shIghraM nAshaya shobhane  |
evamuktA mahArAvA kAlikA prApyataMtadA  ||                  62-8

raveNaiva  mR^itaM chakre sAnugaM sphuTitahR^idam  |
tato.avantIshamAnasthA  mahArAvAnamu~nchata  ||            62-9

yairAsanvikalA lokAstrayo.apiprashR^itA yathA  |
tato rudrobAlarUpaMkR^itvAvishvakR^itevibhuH    ||          62-10

rudaMstasyAH samIpe  chApyAgataH pretasadmani  |
rudantaM cha tatobAlaMkR^itvotsa~Nge kR^ipAnvitA  ||    62-11


kAlikA.apAyayatstanyaM  mA rudeti prajalpati  |
stanyavyAjena bAlo.api papau krodhaM tada~Ngajam  ||      62-12

yo.asauharakaNThabhavaviShAdAsItsudurdharaH   |
pItakrodhasvabhAvechasaumyAsItkAlikAtadA  ||                 62-13

bAlo.api bAlarUpaM tattyaktumaichChatkR^itakriyAH   ||  62-14

tato devAH kAlikAyAH sha~NkamAyAH punarbhayam  |
UchurmA bAla bAlatvaM parityajakR^ipAMkuru  ||              62-15

bAla uvAcha |

na bhettavyaM  kAlikAyAH saumyA devI yataH kR^itA  |
asti chedbhavatAM bhItiranyAnstrakShyAmi bAlakAn  |
chatuH ShaShTikShetrapAlAnityamuktvA  so.asR^ijanmukhAt  ||  62-16

prAha tAnbAlarUpAMshcha bAlarUpI maheshvaraH  |
svargeShu pa~nchaviMshAnAM  pAtAleShu cha  tAvatAm  ||     62-17

chaturdashAnAM bhUrloke vAso vaH pAlanaM tathA  |
ayameva shmashAnasthobhavitAshvAchavAhanam  ||          62-18

naivedyaM bhavatAMrAjamAShatandulamishrakA  |
anabhyarchyachayoyuShmAnka~nchikR^ityaMvidhAsyati  ||   62-19

tasya tanniShphalaM bhAvi bhuktaM pretaishcharAkShasaiH  |
ityuktvA bhagavAnrudrastatraivAntaradhIyataH  ||                62-20

kShetrapalAH sthitAshchaivayathAsthAne nirUpitAH  |
itivaHkShetrapAlAnAMsR^iShTiHproktAsamAsataH  ||      62-21   

ArAdhanaM pravakShyAmi yena prItA bhavanti te  ||           62-22


AUMkShAM kShetrapAlAya namaH | iti navAkSharo mahAmantraH  ||

anenA.atra chandanAdidattvArAjamAShatandulamishrakAMshcha 
chatuHShaShTikR^itabhAgAnvaTakAnnivedya tAvatyo dIpikAstAvanti patrANi 
pUgANi nivedyadaNDavatpraNamyamahAstutimetAMjapet  |

AUMUrdhvakeshA virUpAkShA nityaM ye ghorarUpiNaH  |
raktanetrAshcha pi~NgAkShAH kShetrapalAnnamAmi tAn  ||   62-25

ahvaro hmApakumbhashcha iDAchArasthataiva yaH  |
indramUrtishcha kolAkSha upapAda R^ituMsanaH  ||         62-26


siddheyashchaiva valiko nIlapAdekadaMShTrikaH  |
irApatishchA.adhahArI vighnahArI tathA.antakaH  ||             62-27

UrdhvapAdaH kambalashcha kha~njanaH khara eva cha  |
gomukhashchaiva ja~NghAlo gaNanAthashcha vAraNaH  ||   62-28

jaTAlo.apyajaTAlashchanaumisvaHkShetrapAlakAn  |
trmR^ikArohaThakArIchataMkapANiHkhaNistathA  ||     62-29

ThaMThaMkaNo jambharashcha sphuli~NgAsyAstaDidruchiH  |
danturo ghananAdashcha nandakashcha tathA paraH  ||      62-30

phetkArakArI pa~nchAsyo  barbarI bhImarUpavAn  |
bhagnapakShaH kAlameghoyuvAnobhAskarastatha  ||      62-31

rauravashchA.api lambhoShTho vaNijaH sujaTAlikaH  |
sugandho huhukashchaiva naumi pAtAlarakShakAn  ||      62-32

sarvali~NgeShu hu~NkAraH shmashAneShu bhayAvahaH  |
mahAlakSho vane ghore jvAlAkShovasatausthitaH  ||        62-33

ekavR^ikShashcha vR^ikSheShu karAlavadano nishi   |
ghaNTAravo guhAvAsI padmakha~njo jale sthitaH  ||      62-34 
 
chatvareShu durArohaH parvate kuravastathA  |
nirjhareShu pravAhAkhyo  mANibhadro nidhiShvapi  ||   62-35

rasakShetre rasAdhyakSho  yaj~navATeShu koTanaH  |
chaturdasha bhuvaM vApya sthitAshchaivaM namAmitAn  ||  62-36

evaM chatuHShaShTimitA~nCharaNaM  yAmi kShetrapAn  |
prasIdantu parsIdantu tR^ipyantu mama pUjayA  ||       62-37

saravakAryeShu yashchChaivaMkShetrapAnarchayechChuchiH |
kShetrapAstasya  tuShyanti yachChantichasamIhitam  ||   62-38

imaM kShetrapakalpa~ncha vijAnanvijayastathA |
yathoktavidhinA.abhyarchya  siddheyaM  tuShTuvechatam  ||   62-39

praNamya cha tato devimAnarcha vaTayakShiNim  |
purA yadA nAradena kalApagrAmato dvijAH  ||           62-40

samAnItAstaishcha  sAkaM sunandA nAma brAhmaNI  |
vidhavA.apyAgatA tatra tapastaptuM mahItaTe  ||         62-41


sA kR^iChrANi  parAkAmshcha  ati kR^iChrANi kurvatI  |
jyeShThe  bhAdrapade chakre  sAvitryA dve trirAtrike  ||  62-42

mAsopavAsa~ncha tathA kArtike kulanandinI  |
saptali~NgAnisaMpUjyadevIpUjAMsadAvyadhAt  ||   62-43

darshe snAnaM yathA chakre mahIsAgarasa~Ngame  |
ityAdi bahubhistaistairnityaM niyamapAlanaiH  ||         62-44

dhUtapApA  yayau lokamumAyAH  kR^itasvAgatA  |
aMshena cha taTe  tasminsaMbhUtA vaTayakShNI  ||   62-45

tasyAstuShTo varaM prAdAtsiddhali~Ngasthito haraH  |
anarbhyashcha ya enA~nchamatpUjAMprakariShyati  ||  62-46

tasya tanniShphalaM sarvamityuktaM pAlyameva me  |
tasmAtprapUjayennityaM vaTasthAM vaTayakShNIm  |
puShpairdhUpaistunaivedyairmantreNA.anena  bhaktitaH  ||  62-47

sunande nandanIyA.asi pUjAmetAM gR^ihANa me  |
prasIda sarvakAleShu mama tvaM vaTayakShNi  ||    62-48

evaM sampUjya tAM natvAkShamApyavaTayakShNIm  |
sarvAnkAmAnavApnotinaronArIchasarvadA  ||          62-49

vijayashchA.api  mAhAtmyamidaM jAnanmahAmatiH  |
anarcha vaTavR^ikShasthAM  bhaktito vatAyakShNIm  ||  62-50

tataH siddhAMbikAM stutvA japtavAnaparAjitAM  |
mahAvidyAM vaiShNavIM tu sAdhanena samanvitAM  ||  62-51

yasyAHsamaraNamAtreNasarvaduHkhakShayobhavet  |
tAM vidyAMkIrtayiShyAmishR^iNudhvaMviprapu~NgavAH  ||  62-52

AUM namo bhagavate vAsudevAya namo.anantAyasahasrashIrShAya 
kShIrodArNavashAyine  sheShabhogaparya~NgAya garuDavAhanAya pItavAsase  
vAsudeva sa~NkarShaNa pradymnAniruddha hayashiro varAha  narasiMha vAmana 
trivikrama rAma rAma varaprada namo.astu te namo.astu te  
asuradaityadAnava yakSharAkShasabhUtapretapishAchakumbhANDa 
siddhayoginIdAkinI skandapurogAman grahAnnakShatragrahAMshchAnyAMshcha hana 
2 daha 2 pacha 2 matha 2  vidhvaMsaya 2 vidrAvaya 2 sha~Nkhena chkreNa 
vajreNa gadayA mushalena halena bhasmIkuru sahasrabAhave sahasracharaNAyudha 
jaya 2 vijaya 2  aparAjita apratihata sahasranetra jvala 2 prajvala 2 
vishvarUpa bahurUpa  madhusUdana  mahAvarAha  mahApuruSha vaikuNTha  
nArAyaNa padmanAbha  govinda dAmodara hR^iShIkesha sarvAsurotsAdana 
sarvabhUtavasha~NkaraH sarvaduHkhaprabhedana sarvayantraprabh~njana  
sarvanAgapramardana sarvadevamaheshvara sarvabandhavimokShaNa  
sarvAhitapramardana sarvajvarapraNAshana sarvagrahanivAraNa 
sarvapApaprashamana janArdana janAnandakara  namostu te svAhA  ||  62-53

imAmaparAjitAM  paramavaiShNavIM mahAvidyAM japati paThati  shR^iNoti 
smarati dhArayati kIrtayati na cha tasya vayvagnivajropalAshanivarShabhayaM 
na samudrabhayaM na  grahabhayaM na chaurabhayaM na shvApadabhayaM vA bhavet  ||  62-54    

kvachidrAtryandhakArastrIrAjakulaviShopaviShagaradavashIkaraNavidveShaNochchATanavadhabandhanabhayaM 
vA na bhavedetairmantrapadairudAhR^itaihR^idA baddhaiH saMsiddhapUjitaiH  ||  
tadyathA  ||

namo namaste.astu abhaye anaghe ajite atrasite amR^ite aparAjite 
paThitasiddhe smaritasiddhe ekAnaMshe ume dhruve arundhati sAvitri gAyatri 
jAtavedasi mAnastoke sarasi sarasvati dharaNi dhAriNi saudAmini adite vinate 
gauri gAndhAri mAta~Ngi kR^iShNe yashode satyavAdini brahmavAdini kAli 
kapAlini sadyovayavachanakari sthalagataM jalagatamantarIkShagataM vA 
rakSha 2 sarvabhUtabhayopadravebhyo rakSha 2 svAhA  ||  62-56

yasyAH praNashyatepuShpaMgarbhovA patateyadi | mriyantebAlakAyasyAH 
kAkabandhyAchayAbhavet dhArayet imAm  vidyAmebhirdoShairna lipyate  || 62-57

raNe rAjakule dyUte nityaM tasya jayo bhavet  |
shastraM dhArayatehyeShAM samarekANDadhAriNI  ||   62-58

gulmashUlAkShirogANAM nityaM nAshakarI tathA  |
shirorogajvarANAM cha nAshanI sarvadehinAm  ||            62-59  tadyathA  ||

hana 2 kAli sara 2 kAli sara 2 gauri dhama 2 gauri dhama 2 vidye Ale tAle 
mAle gandhe bandhe pacha 2 vidye nAshaya pApaM hana duHsvapnaM vinAshayaH 
kaShTanAshini rajani sandhye dundubhinAde mAnasavege sha~Nkhini chakriNi  
vajriNI shUlini apamR^ityuvinAshini vishveshvari draviDi drAviDi 
keshavadayite  pashupatimahite durddamadamani sharvari kirAti mAta~Ngi  
AUM hAM hraM hraM hraM hraM krAMkraMkraMkraM tvara 2 ye mAM dviShanti 
pratyakShaM parokShaM vA sarvAndamam 2 mardda 2 tApaya 2 pAtaya 2 
shoShaya 2 utsAdaya 2 brahmANi mAheshvari vArAhi vinAyaki aindri Agneyi 
chAmuNDe  vAruNi prachaNDavidyote indropendrabhagini vijaye 
shantisvastipuShTivivardhini kAmA~Nkushe kAmadudhe sarvakAmavaraprade 
sarvabhUteShu vAsini prati vidyAM kuru 2 AkarShiNi  veshini jvAlAmAlini 
ramaNi rAmaNi dharaNi dhAriNi mAnonmAnini  rakSha 2  vAyavye jvAlAmAlini 
tApani shoShaNi nIlapatAkini mahAgauri mahAshraye mahAmayUri Adityarashmi 
jAhnavi yamakhaNTe kiNishchintAmaNi surabhi surotpanne kAmadudhe yathA 
manIShitaM kAryaM tanmama sidhyatu svAhA AUM svAhA AUMbhUH svAhA AUMbhuvaH 
svAhA AUMsvaH svAhA  AUMbhUrbhuvaHsvAH svAhA  yatrevA.a.agataM pApaM tatraiva 
pratigachChatu svAhA  AUMbale mahAbale  asiddhasAdhini svAhA ||

iti imAM sAdhayAmAsa vaiShNavImaparAjitAm  |
vijayaH saMyato bhUtvA manobuddhisamAdhibhI   ||  62-61

ya imam paThatenityaM sAdhanenavinA.apicha |
tasyA.api  sarvavighnAni nashyantidvijapu~NgavAH  ||  62-62

iti shrIskAnde mahApurANe  ekAshitisAhasryAM saMhitAyaM prathame 
mAheshvarakhaNDe  kaumArikAkhaNDe barbarIkopAkhyAne mahAvidyAsAdhanavarNanaM 
nAma dviShaShTitamo.adhyAyaH  ||  62  ||