Electronic text prepared by A. Purushothaman
purushothaman_avaroth @ yahoo.com

based on
SrimanmaharShikR^iShNadvaipAyanavedavyAsapraNItam
SkandamahApurANam, 7 parts in  8 volumes,
Chaukhambha Sanskrit Series Office, Varanasi (2003).


shrIgaNeshAya namaH

skandamahApurANam  
mAheshvarakhaNDam 
kaumArikAkhaNDam 

chatuHShaShTitamo.adhyAyaH 
bhImabarbarIkavivAdaprasa~Nge  bhImeshvarali~NgapratiShThAvarNanam

sUta  uvAcha 

evaM tatra sthite tIre devyArAdhanatatpare  |
saptali~NgArchanarate  bhImanandananandane  ||                    64-1

tataH kAlenakenA.apipANDavAdyUtanirjitAH  |
tatrA.a.ajagmushchakramatastIrthasnAnakR^itebhuvam  ||         64-2

prAgeva chaNDikAM deviM kShetrAdIshAnataH sthitAm  |
AsedurmArgakhinnAste draupadIpa~nchamAstadA  ||             64-3

tatraiva chopaviShto.abhUttadAnIM  chaNDikAgaNaH  |
barbarIkashcha tAnvIrAnsamAyAtAnapashyata  ||                        64-4

paraMnAsauvedapANDUnpANDavAsta~nchanoviduH  |
AjanmayasmAnnaivAbhUtpANDUnAMchAsyasa~NgamaH  ||  64-5

tataH pravishya vai tasmindevImAsAdya pANDavAH  |
piNDakAdyaM tatra muktvA  tR^iShA praikShi jalaM tadA  ||    64-6

tato bhImaH kuNDamadhyaM jalaM pAtuM vivesha ha    |
pravishantaM  cha taM prAha yudhiShThira idaM vachaH  ||        64-7 

uddhR^itya bhIma toyaM tvaM padau prakShAlya bho bahiH  |
tataH pibA.anyathA  doSho mahAMstvAmupapatsyate  ||             64-8

etadrAj~no vachobhImastR^iShAvyAkulalochanaH  |
ashrutvaivaviveshA.asaukuNDamadhyaMjalechChayA  ||            64-9

sa cha dR^iShTvA jalaM pAtuM tatraiva kR^itanishchayaH  |
mukhaM hastau cha charaNau kShAlayAmAsa shuddhaye  ||    64-10

yataH pItaM jalaM puMsAmaprakShAlya cha yadbhavet  |
pretAH pishAchAstadrUpaM saMkramyaprapibantitat  ||         64-11

evaM prakShAlayAne cha pAdau tatra vR^ikodare  |
uparisthastadA prAha satyaM suhR^idayo vachaH  ||        64-12

durmate bhoH kimetattvaM kuruShe pApanishchayaH  |
devIkuNDekShAlayasi mukhaMpAdaukarauchayat  ||      64-13

yato devI sadA.anena jalena snApyate mayA  |
tadatra prakShipaMstoyaM malapApAnna bibhyasi  ||      64-14

malAktatoyaM yannAma aspR^ishyaM tannarairapi  |
kuto devaishcha tatpApaM spR^ishyate tattvato vada  ||   64-15

shIghraM cha tvaM niHsarA.asmAtkuNDAdbhR^itvA bahIH piba |
yadyevaM pApa mUDho.asau tIrtheShu bhramase kutaH  ||  64-16

bhIma uvAcha 

kimedatbhAShase krUra paruShaM rAkShasAdhama  |
yatastoyAni jantUnAmupabhogArthameva hi  ||                 64-17

tIrtheShu kAryaM snAnaM chetyuktaM munivarairapi  |
a~NgaprakShAlanaM snAnamuktaM mAM nindase kutaH  ||  64-18

yadi na kriyate pAnama~NgaprakShAlanaM tathA  |
tatkimarthaM pUrtadharmAH kriyante dharmashAlibhiH  ||    64-19

suhR^idaya uvAcha 

snAtavyaM tIrthamukhyeShu satyametanna saMshayaH |
chareShu kintusamvishyasthAvareShu bahiH sthitaH  ||         64-20

sthAvareShvapi samvishya tanna snAnaM vidhIyate  |
na yatra devasnAnArthaM bhaktaiH saMgR^ihyate jalam  ||    64-21

yachcha hastashatAdUrdhvaM sarastatra vidhIyate  |
sa veshe.api kramAshchA.ayaM pAdauprakShAlyayadbahiH  ||  64-22

tataH snAnaM prakartavyamanyathA doSha uchyate  |
kiM na shrutastvayA proktaH  shlokaH padmabhuvA purA  ||    64-23

malaM mUtraM purIShaM cha shleShma niShTIvanAshrucha  |
gaNDUShAshchaiva mu~nchanti ye te brahmahaNaiH samAH  ||   64-24

tasmAnniHsara shIghraM tvaM  yadyevamajitendriyaH  |
tatkimarthaM durAchAra tIrtheShvaTasi bAlisha  ||                     64-25

yasya hastau cha pAdau cha manashchaiva susaMyatam  |
nirvikArAH kriyAH sarvAH sa hi tIrthaphalaM labhet  ||        64-26

bhIma uvAcha 

adharmo vA.api dharmostu nirgantuM naiva shaknuyAm |
kShudhA tR^iShA mayA nityaM vArituM naiva shakyate  ||   64-27

suhR^idaya uvAcha 

jIvitArthe bhavAnkasmAtpApaMprakurutevada |
kiMnashrutastavayAshlokaH shibinA yaH samIritaH  ||     64-28

muhUrtamapi jIveta naraH shuklena karmaNA |
na kalpamapi jIveta lokadvayavirodhinA  ||                        64-29

bhIma uvAcha 

kAkAraveNa te mahyaM karNau badhiratAM gatau  |
pAsyAmeva jalaM chAtrakAmaMvilapa shuShyavA  ||    64-30

suhR^idaya uvAcha 

kShatriyANAMkulejAtastvahaMdharmAbhirakShiNAm |
tasmAttepAtakaMkartuM na dAsyAmikatha~nchana  ||   64-31

tadvarAkA.atha shIghraM tvamasmAtkuNDAdviniHsara  ||  64-32

iShTakAshakalaiH shIghraMchUrNayiShye.anyathA shiraH  |
ityuktvA cheShTakAMgR^ihyamumochashirasaHprati  ||  64-33

bhImashchava~nchayitvAtAmutplutyabahirAvrajat |
bhartsyantautatashchobhAvanyonyaM bhImavikramau  ||  64-34

yuyudhAte pralambAbhyAM bAhubhyAM yuddhapAragau  |
vyUDhoraskaudIrghabhujauniyuddhakushalAvubhau  ||    64-35

muShTibhiH pArShNighAtaishchajAnubhishchA.abhijaghnutuH  |
tato muhUrtAtkauravyaH paryahIyatapANDavaH  ||         64-36

hIyamAnastato bhIma udyato.abhUtpunaH punaH  |
ahIyata tato.apya~Nga vavR^idhe barbarIkakaH  ||            64-37

tato bhImaM samutpATya barbarIko balAdiva  |
niShpipeSha tataH kruddhastadadbhutamivA.abhavat  ||   64-38

mUrchChitaM chaivamAdAya visphurantaM punaH punaH  |
sAgarAya prachalitaH kSheptuM tatra mahAMbhasi  ||    64-39

dadR^ishuH pANDavA naitaddevyA nayanayantritA  ||    64-40

tathA gR^ihIte kuruvIramukhye vIreNa tenA.adbhutavikrameNa |
AshcharyamAsIddivi devatAnAM devIbhirAkAshatale nirIkShya tam  ||  64-41

sAgarasya tatastIre barbarIkaM gataM tadA  |
nirIkShya bhagavAnrudro viyatsthaH samabhAShata  ||   64-42

bhImo rAkShasashArdUla barbarIka mahAbala  |
mu~nchainaM bharatashreShThaM  bhImaM tava  pitAmaham  ||  64-43

ayaM hi tIrthayAtrAyAMvicharanbhrAtR^ibhiryutaH  |
kR^iShNayAchApyadastIrthaMsnAtumevA.abhyupAyayau  ||  64-44

sammAnaM sarvathA tasmAdarhaH kauravanandanaH  |
apApo vA sapApo vA pUjya eva pitAmahaH  ||                    64-45

sUta uvAcha 

iti rudravachaH shrutvA sahasA taM vimuchya saH  |
nyapatatpAdayorhA dhikkaShTaMkaShTaMchaprAhasaH  ||  64-46

kShamyatAM kShamyatAM cheti punaH  punaravochata  |
shirashcha tADayansvIyaM ruroda cha muhurmuhuH  ||        64-47

taM tathA parishochantaM muhyamAnaMmuhurmuhuH |
bhImasenaH samAli~Ngya AghrAyachaH vacho.abravIt  ||   64-48

vayaM tvAM naiva jAnImastvaM chA.asmA~njanmakAlataH  |
atra vAsashcha te putraH  bhaimeH kR^iShNAchcha saMshrutaH  ||  64-49

paraM novismR^itaMsarvaMnAnAduHkhaiHpramuhyatAM  |
duHkhitAnaMyataHsarvAsmR^itirluptAbhavetsphuTam  ||       64-50

tadasmAkamidaMduHkhaMsarvakAlavidhAnataH  |
mA shochatvaMchatanaya  na te doSho.astichANvapi  ||           64-51

yataH sarvaH kShatriyasyadanDyovipathisaMsthitaH  |
AtmApidaNDyaH sAdhUnAMpravR^ittaH kupathAdyadi  ||     64-52

pitR^imAtR^isuhR^idbhrAtR^iputrAdInAM kimuchyate  |
atIva mama harSho.ayaM dhanyo.ahaM pUrvajAshcha me  ||   64-53

yasya tvIdR^ishakaH  pautro dharmaj~no dharmapAlakaH  |
varArhastvaM prashaMsArhobhavAnyeShAMsatAMtathA  ||  64-54

tasmAchChokaM  vihAyemaM svastho bhavitumarhasi  ||       64-55

barbarIka uvAcha 

pApaM mAM tAtatAta tvaM  brahmaghnAdapi kutsitam  |
aprashasyaM nArhasIhadraShTuMspraShTumapi prabho  ||    64-56

sarveShAmeva pApAnAM  niShkR^itiH prochyate budhaiH  |
pitrorabhaktasya punarniShkR^itirnaiva vidyate  ||                    64-57

tadyene dehena mayA tAtatAto.abhipIDitaH  |
tatsvameva samutstrakShye mahIsAgarasa~Ngame  ||       64-58

maivaM bhaveyamanyeShu api janmasu  pAtakI  |
na mAmasmAdabhiprAyAdarhaH ko.apinivartitum  ||       64-59

yatoM.ashonavilupyetaprAyashchittAnnivArakaH  |
evamuktvAsamutplutyayayauchaivA.arNavaM balI  ||      64-60

samudro.api chakampe  cha kathamenaM nihanmyaham  |
tataH siddhAmbikAyAshchadevyastatrachaturdasha  ||    64-61

samAli~Ngyacha saMstApyarudreNasahitA jaguH  |
aj~nAtavihitepApenAstivIrendrakalmaSham  ||               64-62

shAstreShUktamidaM vAkyaM nA.anyathA kartumarhasi  |
amu~ncha pR^iShThalAnaM tvaM pashya bhoH svaM pitAmaham  ||  64-63

putraputreti bhAShantamanutvA maraNonmukham |
adhunA chetsvakaM dehaM vIra tvaM parityakShyasi  ||   64-64

tatastyakShati bhImo.api pAtakaM tanmahattava  |
evaM j~nAtvA dhAraya tvaM svasharIraM mahAmate ||   64-65

atha chettyaktakAmastvaM tatrA.api vachanaM shR^iNu  |
svlapenaivachakAlenakR^iShNAddevakinandanAt  ||         64-66

dehapAtastavaproktastaM pratIkSha yadichChasi  |
yato viShNukarAdvatsa dehapAto vishiShyate  ||              64-67

tasmAtpratIkSha taM kAlamasmAkaM prArthitena cha  |
evamukto nivavR^ite barbarIko.apidurmanAH  ||              64-68

rudraM devIshcha chAmuNDAM sopAlambhaM vacho.abravIt  |
tvameva devi jAnAsi rakShyante shAr~NgadhanvinA  ||   64-69

pANDavAbhUmilAbhArtatattekasmAdupekShitam  |
tvayA cha samupAgatya rakShito.ayaM vR^ikodaraH  ||  64-70

devyuvAcha 

ahaM cha rakShayiShyAmisvabhaktaMkR^iShNamR^ityutaH |
yasmAchcha chaNDikAkR^ityekR^ito.anenamahAraNaH  |  
tasmAchchaNDilanAmnA.ayaM vishvapUjyo bhaviShyati   ||   64-71

evamuktvAH gatAH sarve devAdevyastvadR^ishyatAm  |
bhImo.api taM samAdAya pANDubhyaH sarvamUchivAn  ||  64-72

vismitAH pANDavAstaM cha pUjayitvA punaH punaH  |
yathoktavidhinA chakrustIrthasnAnamatandritAH  ||                64-73

bhImo.apiyatrarudrNamokShitastatrasuprabham  |
li~NgaM saMstApayAmAsa bhImeshvaramiti shrutam  ||        64-74

jyeShThamAse kR^iShNapakShe chaturdashyAmupoShitaH  |
rAtrau saMpUjya bhImeshaM janmapApAdvimuchyate  ||       64-75

yathaiva li~NgAni supUjitAni saptA.atra mukhyAni mahAphalAni  |
bhImeshvaraM li~NgamidaM tathaiva samastapApApaharaM supUjyam  ||   64-76

iti shrIskAnde mahApurANe ekAshitisAhasryAM saMhitAyAM  prathame 
mAheshvarakhaNDe  kaumArikAkhaNDe bhImeshvaramAhAtmyavarNanaM nAma 
chatuHShaShTitamo.adhyAyaH  || 64  ||