Electronic text prepared by A. Purushothaman
purushothaman_avaroth @ yahoo.com

based on
SrimanmaharShikR^iShNadvaipAyanavedavyAsapraNItam
SkandamahApurANam, 7 parts in  8 volumes,
Chaukhambha Sanskrit Series Office, Varanasi (2003).


shrIgaNeshAya namaH

skandamahApurANam  
mAheshvarakhaNDam  
kaumArikAkhaNDam 

pa~nchaShaShTitamo.adhyAyaH 
yudhiShThirakR^itaM devIstavanaM tatra yudhiShThirabhImayorvisaMvAdaH  
bhImadvArA svenetrAndhatvamapAkartuM prArthanAkeleshvaryAdi 
devIsthApanam  ||  

sUta  uvAcha 

uShitvAsaptarAtrANitIrthe.asminbhrAtR^ibhiH saha  |
yudhiShThiro mahAtejA gamanAyopachakrame  ||        65-1

prabhAte vimalesnAtvAdevirli~NgAnyathA.archyacha  |
kR^itvApradakShiNaMkShetraMdevIstotraMjajApa saH  |
prayaNakAleShu sadA japyaM kR^iShNena kIrtitam  ||  65-2

yudhiShThira uvAcha 

devI pUjye mahAshakte kR^iShNasyabhaginipriye  |
natvA tvAM  sharaNaMyAmimanovAkkAyakarmabhiH  ||  65-3

sa~NkarShaNAbhayadAne  kR^iShNachChavisamaprabhe  |
ekAnaMshe mahAdevI putravattrAhi mAM shive  ||            65-4

tvayAtatamidaM vishvaM jagadavyaktarUpayA  |
iti matvA tvAM gato.asmi sharaNaM trAhi mAM shubhe   ||  65-5

kAryArambheShu sarveShu sAnugenamayA tava  |
sva AtmA kalpito bhadre j~nAtvaitadanukampyatAm  ||       65-6

sUta uvAcha  

iti brUvANaM rAjAnAM shirobaddhA~njaliM tadA  |
vAyuputraH prahasyaivasAsUyamidamabravIt    ||               65-7

ye tvAMrAjanvadantyevaMsarvaj~no.ayaMyudhiShThiraH  |
vR^ithaivavachanaMteShAMyatastvaMvetsinA.aNvapi  ||   65-8

kohi praj~navatAM mukhyaH sarvashastravidAmvaraH  |
strINAMsharaNamApadyedR^ijubuddhiryathA bhavAn  ||  65-9

yatastvameva vetsIdaM  sarvashAstreShu kIrtyate  |
jaDeyaM prakR^itirmUDhA yayA sammohyate jagat  ||        65-10

sachetana~ncha puruShaM prakR^iti~ncha vichetanAm |
prAhurbudhA narAdhyakSha puMsashcha prakR^itiH priyA  ||  65-11

tatsvayaM puruShobhUtvA  yudhiShThira vR^ithAmate  |
prakR^itiM nauShi natvAtAM hAsome.atIvajAyate  ||            65-12

ArohayechChiro naiva kvachiddhitvA upAnahau  |
yathA sa mUDho bhavati devIbhaktiratastathA  ||             65-13

yadite bandivatpArtha tiShThedvANyanivAritA  |
tatkimarthaM mahAdevaM nasthauShi tripurAntakam  ||  65-14

alakShyamiti vA matvA maheshAnAM mahAmate |
tata kimarthaM dAshArhaM nastauShi puruShottamam  ||  65-15

yasya prasAdAdasmAbhiH prAptA drupadanandinI  |
indrapraste tathA rAjyaM rAjasUyastvayAkR^itaH   ||       65-16

vijayena dhanurlabdhaM jarAsandho mayA hataH  |
pratyAhartuMtathechChAmaH kauravebhyaH svakAMshriyam  ||  65-17

yasyaprasAdAttaMmuktvAkR^iShNaMhAstauShi yajjayI  ||
atha svayaMkauravANAmutpannaM kulasattame  ||              65-18

jAnannAtmAnamalpatvAdbuddhernastauShi yAdavam  |
tatkimarthaM mahAvIryaM na stauShyarjunamuttamam  ||   65-19

yena viddhaM purA lakShyaM yena karNAdayojitAH  |
yena tatkhANDavaM dagdhaM yaj~neyenanR^ipAjitAH  ||  65-20

shrUyate yena vikramyamaheshAno.apinirjitaH  |
svarlokasaMsthitasyAsyasharaNaM yAhistauShi cha  ||        65-21

athavA tena shakreNa rAjyamme nA.arpitaMkutaH  |  
iti matvAvR^ithaiva tvaM na stauShibhrAtaram mama ||        65-22

tato mAM vA kathaM vIraM na stauShitvaMyudhiShThira  |
yena tvaM rakShitaH  pUrvaM lAkShAgehAgnimadhyataH  ||  65-23

vR^ikSheNAhatya madresho nadIM shuShkAM prasAritaH  |
rAjarAjastathA yenajarAsandhonipAtitaH  ||                              65-24

pUrvodi~NnirjitAyenayenapUrvaMbako hataH  |
hiDimbhashcha mahAvIraH kirmIrashchA.adhunA vane  ||      65-25

kAlekAle cha rakShAmitvAmevA.ahaMsadAnugaH  |
natAmpashyAmirakShantIMnatvAyAMstauShibhArata  ||   65-26

atha kShudhAbalaM j~nAtvAmAmaudarikasattamam  |
krUraM sAhasikaM chaiva na stauShi kShamiNAMvaraH  ||  65-27

tataH susaMyato bhUtvA praNavaM samudIrayan  |
kathaMnayAsimArgatvaMvR^ithAlApohidoShabhAk  ||    65-28 

pretAH pishAchA rakShAMsivR^ithAlAparataM naram  |
Avishanti tadAviShTovaktAbaddhaM punaH punaH  ||      65-29

vR^ithAlApI yadashnAtiyatkaroti shubhaM kvachit  |
pretAditR^iptaye sarvamiti shAstravinishchayaH    ||         65-30

nA.ayaMtasyAstivailokaH kutaevaparo.abhavat  |
tasmAtvijAnatAyatnAttyAjyamevavR^ithAvachaH  ||     65-31

evaM sasmArito.apitvaMyadibhUyaHpravartase  |
bhUtAviShTashchikitsyonovividhairauShadhairbhavAn  ||  65-32

sUta uvAcha  

iti pravarNitAM shrutvA bhImasenenabhAratiM  |
paTImiva pravitatAM vihasyA.a.ahayudhiShThiraH  ||       65-33

nUnaM tvamalpavij~nAno vedAdhItAstvayA vR^ithA |
mAtaraM sarvabhUtAnAmambikAM yanna manyase  ||    65-34

strIpakSha iti matvA tAmavajAnAsi bhoH katham  |
strI satI na praNamyA  kiM tvayA kuntI vR^ikodara  ||     65-35

yadi na syAnmahAmAyA brahmaviShNushivArchitA  |
tava dehodbhavaH pArthakathaMsyAttattvato vada  ||      65-36

IshvaraH paramAtmA tAM tyaktuM shaktaH kathaM na hi  |
punarbhaje yato devI tenamanyemahorjitAm   ||              65-37  
 
vAsudevo.api nityaM tAM stauti shaktiM parAtparAM  |
ahaM yadi chikitsyaH syAM chikitsyaH so.api kiM bhavAn  ||  65-38 

naivaM bhUyaH pravaktavyaMmaurvyAtprati maheshvarIM  |
bhUmaunipatyasharaNaMyAhichetsukhamichChasi  ||              65-39

bhIma uvAcha

sarvopAyairbodhayanti chATA hastagataM naram  |
idamevauShadhaM tatra taiH sArdhaM jalpanaM na hi  ||        65-40

muNDe muNDe matirbhinnAsatyametannR^ipa sphuTam  |
svAbhIShTaM kurute  sarvaHkurmo.abhIShTaMvayaMtathA  ||  65-41

nAgAyudhasamaprANo vAyuputro vR^ikodaraH  |
na striyaM sharaNaM gachChedvA~NmAtreNa katha~nchana  ||  65-42

ityuktvA vachanaM bhImohyanuvavrAjataM nR^ipam  |
rAjA.api sAnugoyAtonasAdhvitimuhurbruvan  ||                        65-43

tataH kShaNenavikalastvitashchetashchapraskhalat  |
uvAcha vachanaM bhIma susaMbhrAntonR^ipaMprati  ||          65-44

dharmarAja mahAbuddhe pashya mAM nR^ipasattama  |
chakShubhyAMnaiva pashyAmi vaikalayaM kimidaM mama  ||  65-45

rAjovAcha 

bhImabhIma dhruvaM devI kupitA te maheshvarI  |
tena naShTe chakShuShI te mahAsAhasavallabha  ||                65-46

tatsAMpratamabhipraihi sharaNaM parameshvarIM  |
punaH prasannA te dadyAtkadAchinnayane  punaH  ||               65-47

bhIma uvAcha  

ahamapya~Nga jAnAmisamodevyA na kashchana  |
prabhAvapratyayArthaMhi sadA nindAmi tAM punaH  ||        65-48

tasmAtprabhAvaM dR^iShTvaivaM nipatya vasudhAtale  |
manovAkbudddhibhirnatvAsharaNaMstaumimAtaram  ||         65-49

sUta uvAcha 

ityuktvA bhrAtaraM jyeShThaM sAShTA~NgaM praNipatya cha  |
gatvaivadevyAH sharaNaMbhImastuShTAvamAtaram  ||         65-50

bhIma uvAcha  

sarvabhUtAmbike devi brahmANDashatapUrake  |
bAlishaM bAlakaM svIyaM  trAhitrAhi namo.astu te  ||         65-51

tvaM brAhmI brahmaNaH shaktirvaiShNavItvaMchashAmbhavI  |
trimUrtiH shaktirUpAtvaM rakSha rakSha namo.astu te  ||           65-52

tvamaindrI cha tvamAgneyI tvaM yAmyA tvaM cha naiR^itI  |
tvaM  vAruNI tvaM vAyavyA tvaM kauberI namo.astu te  ||   65-53

IshAni devI vArAhI nArasiMhi jayaprade  |
kaumAri  kulakalyANikR^ipeshvarinamo.astu te  ||                65-54

tvaMsUryatvaMtathAsometvaMbhaumetvaMbudhegurau  |
tvaMshukretvaMsthitArAhautvaMketuShu namo.astu te  ||   65-55

vasasidhruvachakre tvaM munichakre cha te sthitiH   |
bhachakreShu khachakreShu bhUchakrechanamo.astu te  ||  65-56

saptadIpeShu tvaM devI samudreShu cha saptasu  |
saptasvapi cha pAtAleShvavasaMsthe namo.astu te  ||       65-57

tvaM devi chA.avatAreShu viShNoH sAhAyyakAriNI |
viShNunA.a.abhyarthyase tasmAttrAhi mAtarnamo.astu te  ||    65-58

chaturbhuje chaturvaktre phalade chatvarapriye  |
charAcharastute devi charaNau praNamAmi te  ||                   65-59

mahAghore kAlarAtri ghaNTAli vikaTojjvale |
satataM saptamIpUjye netrade sharaNaM bhava  ||                 65-60

meruvAsini pi~NgAkShi netratrANaikakAriNI  |
huMhu~NkAradhvastadaitye sharaNye sharaNaM bhavaH  || 65-61

mahAnAde mahAvIrye mahAmohavinAshinI  |
mahAbandhApahe devi dehi netratrayaM mama  ||                 65-62

sarvama~Ngalama~NgalyA  yadi tvaM satyato.ambike  |
tato me ma~NgalaM dehi netradAnAnnamo.astu te  ||            65-63

yadi sarvakR^ipAlubhya  satyatastvaM kR^ipAvatI  |
tataH kR^ipAM kuru mayi dehi netre namo.astu te ||             65-64  

pApo.ayamiti yaddeviprakupyasivR^ithaivatat  |
tvaM mAM mohayasi  tvevaM natetatkiM namo.astu te  ||     65-65

svayamutpAdya yo reNuM veShTitastenakupyati  |
tathA kupyasi me mAtaranAthasyA.asyadarshaya  ||               65-66

iti stutA pANDavena devI kR^iShNachChavichChaviH  |
rAmA (rA)ramAbhivadanA pratyakShA samajAyataH                   65-67

vidyutkoTisamAbhAsamukuTenA.ati shobhitA  |
sUryabimbaprabhAbhyAMchakuNDalAbhyAMvibhUShitA  ||  65-68

pravAheneva hAreNa suranadyA virAjitA  |
kalpadrumaprasUnaishcha pUrNAvataMsamaNDitA  ||              65-69

dantendukAntividhvastabhaktamohamahAbhayA  |
khaDgacharmashUlapAtrachaturbhujavirAjitA  ||                             65-70

vAsasA tADidAbhenameghalekheva veShTitA  |
mAlayA sumamAlinyA bhrAjitAsAlimAlayA  ||                              65-71

satAM sharaNadAbhyAM cha padbhyAM nUpurarAjitA  |
jayeti puShpavarShashcha shakrAdyairabhipUjitA  ||                         65-72

gaNairdevIbhirAkIrNAshatapadmairmahAmalaiH  |
tAM tAdR^ishIMvyomnidR^iShTvAmAtaraM  vyomavAhinIm  ||  65-73

bhUmau nipatya rAjendro namonama iti sthitaH  |
bhImo.api mAtaraM dR^iShTvA yathA bAlo.abhidhAvati  ||             65-74

tathA sammukhamAdhAvajjaya mAtariti bruvan  |
darshanenaiva devyAshcha shubhanetratrayastadA  ||                       65-75

praNipatyanamastubhyaM namastubhyaM muhurjagau  |
prasIda devi padmAkShI punarmAtaH prasIda me ||                         65-76

punaH prasIda pApasya kShamAshIle prasIda me  ||                         65-77

evaMstutA bhagavatI svayamutthApya pArthivam  |
bhIma~nchotsa~NgamAropyakR^ipayedaM vacho.abravIt  ||           65-78

shrIdevyuvAcha  

yattvayA.abhihitaM stotraM tena tuShTA tavopari  |
atonetratrayaM dattvaM dve bAhyechAntaraM param  ||                 65-79

nA.ahaM kopaM yatra tatra darshayAmi vR^ikodara  |
tvaM tu pramANapuruShasttvattaH krodhamadarshayam   ||          65-80

naitatpriya~ncha kR^iShNasyabhrAturmekrodhamAcharam  |
bhavanto vAsudevasya yatraprANA bahishcharAH  ||                   65-81

tvaM cha nindasi mAM nityaM tachcha jAne vR^ikodara |
matprabhAvaparij~nAnahetave  kIdR^ishastviti  ||                        65-82

tadevaM naivabhUyaste prakartavyaM katha~nchana  |
akShikShepo hi pUjyAnAmAvahatyadhikaMrujam  ||                 65-83

tadidAnIM sarvamevaM kShantavyaM cha parasparam  |
yachchabravImi tvAM vIra tannishAmaya bhArata  ||                 65-84

yadA yadAhi dharmasyaglAnirAvirbhaveddhariH  |
tadAtadavatIryA.ahaM viShNorasya sahAyinI  ||                         65-85
idAnIM cha harirjAto vasudevasuto bhuvi  |
ahaM cha gopanandasya ekAnamshabhidhAsutA  ||                 65-86

tadyathAbhagavAnkR^iShNomamabhrAtA.abhipUjitaH  |
bhavanto.apitathAmahyaMbhrAtaraH pANDavAH sadA  |      65-87

yebhImabhaginItyevaMmAmstoShyantinarottamAH |
AbAdhAnAshayiShyAmiteShAMharShasamanvitA  ||             65-88 

tvaM cha bhrAturjayaM vIra pradAsyasi mahAraNe  |
bhujayoste vasiShyAmi dhArtarAShTranipAtane  ||                   65-89

kR^itvA rAjyaM cha varShANi ShaTtriMshattadanantaram  |
mahAprasthAnadharmeNapR^ithivIM parichariShyatha  ||     65-90

asminneva tato deshe loho nAma mahAsuraH  |
bhavatAM nystashastrANAM vadhArthaM prakramiShyati  ||  65-91

tatastaM sarvabhUtAnAmavadhyaM  bhavatAM kR^ite  |
andhaM kR^itvA pAtayiShye tato yUyaM prayAsyatha  ||        65-92

nistIrya cha himam sarvaM nimagnA vAlukArNave  |
svargaM yAsyatirAjaikaH sasharIrogamiShyati  ||                    65-93

andho yatra kR^ito loho lohANAbhidhayA puram  |
bhaviShyati cha tatraiva sthAsye.ahaM kalayA sadA  ||           65-94

tataH kaliyuge prApte kelo nAma bhaviShyati  |
mamabhaktastasyanAmnAbhAvyAkeleshvarItyaham  ||         65-95

vailAkashchA.aparobhaktobhaviShyatimamottamaH  |
tasyArAdhanataHkhyAtiMprayAsyAmikalauyuge  ||             65-96

lohANAsaMsthitAMchaiva ye.archayiShyantimAM janAH |
shraddhayAsitasaptamyAMtaishchasarvatrapUjitA ||             65-97

andhAnA~nchapradAsyAmi bhAvIninayanAnyaham  |
tasmindinetarpitA.ahaMbhaktibhAvenapANDava  ||             65-98

pAdA~NguShThena cha bhavAMstatra kuNDaM vidhAsyati  |
sarvatIrthasnAnatulyaM tatra snAnan~ncha taddine  ||           65- 99

matsyAnAM netranetrasthatejastanmAtramuttamam  |
uddhR^itya yojayiShyAmipratyakShaMtadbhaviShyati  ||     65-100

evaM mama mahAsthAnaM kalau khyAtaM bhaviShyati  ||  65-101
lohANAkhyaM mahAbAho nAma keleshvarIti cha |
durgamAkhyaMtatohatvAasminkShetrechabhArata  ||                65-102

durgA nAma bhaviShyAmi mahIsAgarapUrvataH  |
dharmAraNye vasiShyAmi bhavatAMtrANakAraNAt  ||            65-103

dharmAraNye sthitAM chaiva ye.archayiShyAmi mAnavAH  |
Ashvine mAsi chaitre vA navamyAM shuklapakShake  ||           65-104

snAtvA mahIsAgaraM cha teShAM dAsyAmi vA~nChitam |
vidhinA ye.archayiShyanti  mA~ncha shraddhAsamanvitAH  ||  65-105

putrapautrAnpradAsyAmi svargaM mokShaM na saMshayaH  |
praveshe cha kaleH kAlebhavatAMvaMshasambhavaH  ||          65-106

vatsarAjaH pANDavAnAM toShayiShyati yatnataH  ||               65-107

yasya nAmnAtataH khyAtAbhaviShyAmikalauyuge  |
vatseshvarItivatsasyarAj~naH sarvArthadAyinI  ||                      65-108

matprasAdAtsarAjA vai bhavanottApakAriNIm  |
aTTAlayAMnAmatadArAkShasIMnihaniShyati  ||                       65-109

tasyAshchA.apivadhasthAnamaTTAlajamitisthitam  |
bhaviShyatipuraM tatramA~nchasamsthApayiShyati  ||             65-110

aTTAlayAjagrAmemAmarchayiShyanti ye janAH  |
vatseshvarIMsitAShTAbhyAmAshvinataiH sadArchitA |          65-111

vatseshvarI~ncha ye devIM pUjayiShyanti mAnavAH  |
teShAM sarvaphalAvAptirbhaviShyati na saMshayaH  ||          65-112

itthamaTTAlaye vAso lohANe cha bhaviShyati  |
dharmAraNye mahAkShetre mahIsAgarasannidhau  ||            65-113

mama lokahitArthAya  lohasyacha nishamyatAm  |
adhIkR^itomayAlohobahvIstaptAtapaH samAH   ||                65-114

vR^itrAsura evA.ajeyo lokAnutsAdayiShyati  |
taM cha vishvapatirdhImAnavatIrya budho hariH  ||              65-115

yatra hantA tatra grAmaM lohATIti bhaviShyati  |
gayo nAma mahAdaityo bhavatAM vighnakR^ittadA  |        65-116

prasthAne lohavadbhAvI kariShye taM napuMsakam  |
gayatrADeti mAntatrapUjayiShyantimAnavAH  ||                 65-117
grAmaM chApi gayatrADaM tatrakhyAtaMbhaviShyati  |
gayatrADegayatrADAMye.archayiShyantimAnavAH      ||    65-118

mAghAShTamyAM na shiShyanti tasya sarve.apyupadravAH  |
ye cha mAM kopayiShyanti pANDavArAdhitAM sadA  ||    65-119

teShAM puMstvaM hariShyAmi  mahAraudrAdhitiShThati  |
parivArashchamechA.atraShaNDaHsarvobhaviShyati    ||    65-120

tasminkaliyuge ghore raudrerudre.atinirghR^iNe  |
evaM tR^itIyaM tanmahyaM sthAnamatra  bhaviShyati  ||   65-121

bhavatsu chasvargateShugayo.apisumahattapaH  |
taptvAprApyapunaHpuMstvaMlokAnsampIDayaShyati  ||   65-122

gayAtIrthaM gataM taM cha gayAdhvaMsanakAmyayA  |
budha eva jagatsvAmI tatra taM sUdayiShyati  ||                 65-123

ithaM shrImAnpItavAsA avatIryabudhaH prabhuH  |
bahUni kR^itvA karmANisvasthAnaMpratipatsyate  ||        65-124

iti saMkShepataH proktaM bhaviShyaM pANDavA mayA  |
bhavatAM chittanirvR^ityai shrUyatAM bhUya eva cha  ||   65-125

idaM tIrthavaraM mahyaM saMsevyaM sarvadA priyam  |
kR^itaM yadatrA.a.agamanaM tena prItiH parA mama  ||     65-126

bhImasya chA.api pautreNa dR^iDhaM santoShitA.asmi cha |
devyaH sarvAshcha madrUpaM naitajjaj~neyamato.anyathA  ||  65-127

vrajadhvaM chA.api tIrthAni yAni vo na kR^itAni cha  |
AbAdhAsvasmi sarvAsu smaraNIyA svaseva cha  ||             65-128

ApR^ichChe chA.api vaH sarvAnyUyaM kR^iShNasamA mama  ||  65-129

sUta uvAcha  

iti devyAvachaHshrutvAvismayotphullalochanAH  |
punaHpunaH praNamyenAMnAnA.apashyandIpavadgatAm  ||   65-130

tatastebarbarIka~nchasaMstApyA.atraivaniShThitam  |
AgachChayogechoktvedaMchakrustIrthAnimukhyashaH  ||       65-131

iti shrIskAnde mahApurANe ekAshitisAhasryAM saMhitAyAM  prathame 
mAheshvarakhaNDe  kaumArikAkhaNDe barbarIkopAkhyAne 
keleshvarI-vatseshvarI-durgAdevI-gayatrADAmAhAtmyavarNanaM nAma 
pa~nchaShaShTitamo.adhyAyaH  || 65  ||