Electronic text prepared by A. Purushothaman
purushothaman_avaroth @ yahoo.com

based on
SrimanmaharShikR^iShNadvaipAyanavedavyAsapraNItam
SkandamahApurANam, 7 parts in  8 volumes,
Chaukhambha Sanskrit Series Office, Varanasi (2003).



shrIgaNeshAya namaH

skandamahApurANam  
mAheshvarakhaNDam  
kaumArikAkhaNDam 

ShaTShaShTitamo.adhyAyaH 

kurukShetre kauravapANDavasainyayoryuddhAya sajjitayorbhImena 
yudhiShThirasamvAdastatrapANDavapakShIyairarjunAdibhiryuddhe 
sainyasaMhArAyasamayasImA nirdhAraNe barbarIkeNa svahastalAghavapradarshanaM 
kR^iShNena chakradvArA tachChiraH karttanaM 
tasmaishirasedevIvaradAnenA.a.amaratvapradAnaM guptakShetramAhAtmyaparisamAptiH

sUta  uvAcha 

tatastrayodashe varShe vyatIte samaye tadA  |
upaplave sa~NgateShu sarvarAjasu pANDavAH  ||                  66-1

yoddhumAgatya santasthuH kurukShetraM mahArathAH  |
kauravAshchA.apisantasthurduryodhanapurogamAH  ||               66-2

tato bhIShmeNaproktA~nchanaraiHshrutvAyudhiShThiraH  |
rathAtirathasaMkhyAMturAj~nAMmadhyevacho.abravIt  ||     66-3

bhIShmeNa vihitAkR^iShNarathAtirathavarNanA  |
tato duryodhano.apR^ichChadidaMsvIyAnmahArathAn  ||      66-4

sasainyAnpANDavAnetAnhanyAtkAlena kena kaH  |
mAsena tu pratij~nAtaM bhIShmeNa cha kR^ipeNa cha  ||      66-5

pakShaM droNena chA.ahnA cha dashabhirdrauNinA raNe  |
ShaDbhiH karNena cha tathA sadA mama bhayaM kR^itA  ||     66-6

tadahaM svAMshchapR^ichChAmi kena kAlena hantikaH  |
etachChrutvA vachorAj~naH  phAlgunovAkyamabravIt  ||      66-7

ayuktametadbhIShmAdyaiH pratij~nAtaM yudhiShThira  |
tato jaye cha vijaye nishchayo hi mR^iShaiva tat  ||                 66-8

tavA.apiyesantinR^ipAH sannaddhA raNasaMsthitAH  |
pashyaitAn puruShavyAghrAn kAlakalpAn durAsadAn  ||       66-9

drupadashcha  virATashcha dhR^iShTaketu~ncha kaikayam  |
sahadevaM sAtyakiM cha  chekitAnaM cha durjayam   ||        66-10
dhR^iShTadyumnaM saputraM cha mahAvIryaM ghaTotkacham  |
bhImAdiMshcha maheShvAsAn keshavaM chAparAjitam  ||    66-11

manye.ahamekastve teShAM hanyAt kauravavAhinIm  |
sannaddhAH pratidR^ishyante bhIShmAdyA bahavorathAH  ||  66-12

tebhyo bhayaM na kAryaM te phalgavo.amI mR^igA iva   ||      66-13

asmAkaM dhanuShAM ghoShairidAnImeva bhArata  |
kauravA vidraviShyanti siMhatrastA mR^igA iva  ||                    66-14

vR^iddhAdbhIShmAddvijAdvR^iddhAddroNAdapi kR^ipAdapi  |
bAlishAtkiMbhayaM drauNeH sUtaputrAchcha durmateH  ||    66-15

athavA chittanirvR^ityai j~nAtumichChasi bhArata  |
shatrUNAM pratyanIkeShu sandhAvachChR^iNumevachaH  ||  66-16

eko.ahameva sa~NgrAme sarvetiShThantu te rathAH |
ekAhnAkShapaye sarvAn kauravAn sainyasaMyutAn  ||             66-17

ityarjunavachaH shrutvA smayandAmodaro.abravIt  |
evametadyathA prAha phAlguno.ayaM mR^iShAnatat  ||            66-18

tatashcha sha~NkhAn bherIshcha shatashashchaivapuShkarAt  |
nirvAryarAjamadhyastho barbarIkovacho.abravIt  ||                        66-19

yena taptaM guptakShetre yena devyaH sutoShitAH  |
yasyA.atulaM bAhubalaM tena choktaM nishamyatAM  ||          66-20

yadbravImi vachaH satyaM shR^iNudhvaM tannarAdhipAH  |
Atmano vIryasadR^ishaM kevalaM na tu darpataH  |                  66-21

yadAryeNa pratij~nAtamarjunena mahAtmanA  |
na marShayAmi tadvAkyaM kAlakShepo mahAnayam  ||          66-22

sarve bhavantastiShTantu  sArjunAH saha keshavAH  |
eko muhUrtAtbhIShmAdIn sarvAnneShye yamakShayam  ||     66-23

mayi tiShTati kenA.api shastraM grAhyaM na kShatriyaiH  |
svadharmashapatho vo.astu mR^ite grAhyaM tato mayi  ||         66-24

pashyadhvaM me balaM bAhvordevyArAdhanasambhavam  |
mAhAtmyaM guptakShetrasya tathA bhaktiM cha pANDuShu  ||  66-25

pashyadhvamme dhanurghoraM tUNIrAvakShayautathA  |
khaDgaM cha devyA yaddattaM tato vachmi vachastvidam  ||        66-27

iti tasya vachaH shrutvA kShatriyA vismayaM yayuH  |
arjunashcha kaTAkShepe lajjitaH kR^iShNamaikShata  ||          66-28

tamAha lalitaM kR^iShNaH phAlgunaM paramaM vachaH  |
AtmaupayikamevedaM bhaimIputro.abhyabhAShataH  ||           66-29

navakoTiyuto.anena palAshI nihataH purA  |
kShaNAdeva cha pAtAle shrUyate mahadadbhutam  ||               66-30

punaH prakShyAmahe tvenaM kenopAyena kauravAn  |
muhUrtArddhaMsi brUhIti pR^ichChyatAM chAhataM jayaH  |
tataH smayan yAdavendro bhaimIputramabhAShata  ||             66-31

bhIShmadroNakR^ipadrauNikarNaduryodhanAdibhiH  |
guptAM tryambakadurjeyAM senAM haMsi kathaM kShaNAt  ||   66-32

ayaM mahAn vismayaste vachaso bhaiminandana  |
sambhUtaH sarvarAj~nA~ncha  phAlgunasya cha dhImataH    ||    66-33

tadbrUhi kenopAyena muhUrtArddhaMsi kauravAn  |
upAya vIryante j~nAtvA maMsyAmo vayamapyutaH  ||                66-34

sUta uvAcha 

ityukto vAsudevena sarvabhUteshvareNa cha  |
siMhavakShAH parvatAbho  nAnAbhUShaNabhUShitaH  ||          66-35

ghaTAsyo ghaTahAsashchaUrdhvakesho.atidIptimAn  |
vidyudakShovAyujavoyashchechChennAshayejjagat  ||                       66-36

devIdattAtulabalo barbarIko.abhyabhAShata  |
yadi vo mAnasaM vIrA upAyasya pradarshane  ||                           66-37

tadahaM darshayAmyeSha pashyadhvaM sahakeshavAH  |
ityuktvA dhanurAropya sandadhe vishikhaM tvaran  |
niHshalyaM chA.api sampUrNaM sindUrAbheNa bhasmanA  ||    66-38

AkarNamAkR^iShya cha taM mumocha 
mukhAdathodbhUtamabhUchcha bhasma  ||                                   66-39

senAdvaye tachcha papAta shIghraM yasyaiva yatrA.asti cha mR^ityurmama |
sarvaromasu bhIShmasya kaNThe rAdheyadroNayoH  ||               66-40         	 

Urau duryodhanasyA.api shalyasyA.apicha vakShasi  |
kaNThe cha shakunerdIptaM bhagadattasyachApatat  ||                 66-41

kR^iShNasya pAdatalake kaNThe drupadamatsyayoH |
shikhaNDinastathA kaTyAM kaNthe senApatestathA  ||             66-42

papAta raktaM tadbhasma yatra yeShAM cha marmacha  |
kevalaM chaiva pANDUnAM kR^ipadrauNyoshcha nAspR^ishat  ||  66-43

iti kR^itvA tato bhUyo barbarIko.abhyabhAShata  |
dR^iShTaM bhavadbhirevaM yanmayA marma nirIkShitam  ||           66-44

adhunA pAtayiShyAmi marmasveShAM shitA~nCharAn  |
devIdattAnamoghAkhyAnyairmariShyantyamI kShaNAt   ||               66-45

shapathAvaH svadharmasyashastraM grAhyaM na vaH kvachit  |
muhUrtAtpAtayiShyAmi shatrunetA~nChitaiH sharaiH   ||                66-46

tato vismitachittAnAM yudhiShThira purogiNAm  |
AsInninAdaH sumahAnsAdhusAdhviti shaMsatAm  ||                      66-47

vAsudevashcha saMkruddhashchakreNa nishitena cha |
evaM bruvata evAsya shirashChitvA nyapAtayat  ||                           66-48

tataH kShaNatsarvamAsIdAvigraM rAjamaNDalam  |
vyalokayan keshavante vismitAshchAbhavan bhR^isham  ||            66-49

kimetaditi prAhushcha barbarIkaH kuto hataH  |
pANDavashchApi mumuchurashrUNi saha pArthivAH      ||            66-50

hAhA putreti cha gR^iNanpraskhalaMshcha pade pade  |
ghaTotkacho.apataddInaH putropari vimUrchChitaH   |
etasminnantare devyashchaturdasha samAyayuH   ||                        66-51

siddhAmbikA kroDamAtA kapAlI tArA suvarNA cha trilokajetrI  ||  66-52
bhANeshvarI charchikA chaikavIrA yogeshvarI chaNDikA traipurA cha ||  66-53

bhUtAmbikA harasiddhistathA.amUH samprApya tasthurnR^ipavismaya~NkarAH  
shrIchaNDIkA.a.ashvAsya tato ghaTotkachaM 
provAcha vAkyaM mahatA svareNA  ||              66-54

shR^iNudhvaM pArthivAH sarve kR^iShNena viditAtmanA  |
hetunA yena nihato barbarIko mahAbalaH  ||      66-55

merumUrdhni purA pR^ithvI samavetAn divaukasaH  |
bhArAkrAntA jagAdaitAnbhAro.apahriyatAM hime  ||   66-56

tato brahmA prAha viShNuM bhagavaMstvamidaM shR^iNu  |
devAstvAnugamiShyantibhAraM harabhuvaH prabho  ||  66-57

tatastatheti tanmene vachanaM viShNuravyayaH |
etasminnantare bAhumuddhR^ityochchairabhAShata  ||  66-58

sUryavarcheti yakShendrashchaturAshItikoTipaH  |
kimarthaM mAnuShe loke bhavadbhirjanma kAryate  ||  66-59

mayi tiShThati doShANAmanekAnAM mahAspade  |
sarve bhavanto modantu svargeShu sahaviShNunA  ||     66-60

ahameko.avatIryaitAn haniShyAmi bhuvobharAn  |
svadharmashapathA vo vaisantichejjanmaprApsyatha  ||   66-61

ityuktavachane brahmA kruddhastaM samabhAShata  |
durmate sarvadevAnAmaviShahyaM mahAbharam  ||        66-62

svasAdhyaM brUShe mohAttvaM shApayogyo.asi bAlisha  |
deshakAlochitaM svIyaM parasya cha balaM hR^idA  ||   66-63

avichAryaiva prabhuShu vakti so.arhati daNDanam  |
tasmAd bhUbhAraharaNe yuddhasyopakrame sati  ||        66-64

sharIranAshaM kR^iShNAttvamavApsyasi na saMshayaH  |
evaM shapto brahmaNA.asau  viShNumetadayAchata  ||   66-65

yadyevaM  bhavitA nAshastadekaM deva prArthaye  |
janmaprabhR^iti me dehi matiM sarvArthasAdhanIm  ||   66-66

tatastatheti taM prAha keshavo devasaMsadi  |
shiraste pUjayiShyanti devyAH pUjyo bhaviShyati  ||      66-67

ityuktavAchA.avatIrNo.asausahadevairharistadA  |
harirnAma sa kR^iShNo.asaubhavantastetathAsurAH  ||  66-68

sUryavarchAH sa chA.ayaM hi nihato bhaimiputrakaH  |
prAkChApaM brahmaNaH smR^itvAhato.anenamahAtmanA  |
tasmAddoSho na  kR^iShNe.asmindraShTavyaH  sarvabhUmipaiH  ||  66-69

shrIkR^iShNa uvAcha |
yaduktaM bhUmipA devyA tattathaiva na saMshayaH  ||    66-70

yadyenamadhunA naiva hanyAM  brahmavacho.anyathA  |
tatobhavediti smR^itvAmayA.asauvinipAtitaH  ||               66-71

guptakShetre mayaivA.asau niyuktau devyanusmR^itau  |
pUrvaM dattaM paraM svIyaM smaratA devasaMsadi  ||   66-72
ityukte chaNDikAdevI tadA bhaktashirastvidam  |
abhyukShyasudhayA shIghramajaraM chAmaraM vyadhAt  ||   66-73

yathA rAhushirastadvattachChiraH praNanAma tAn  |
uvAcha cha dR^idrakShAmi  yuddhaM tadanumanyatAm  ||    66-74

tataH kR^iShNo vachaH prAha meghagaMbhIravAkprabhuH  |
yAvanmahI sanakShatrA yAvachchandradivAkarau  ||             66-75

tAvattvaM sarvalokAnAM vatsa pUjyo bhaviShyasi  |
devI lokeShu sarveShu devIvadvichariShyasi   ||                       66-76

svabhaktAnAM cha lokeShu devInAM dAsyate sthitim   |
bAlAnAM ye bhaviShyanti vAtapittakaphodbhavAH  |
piTakAstAH sukhenaiva shAmayiShyasi pUjanAt  ||                   66-77

idaM cha shR^i~NgamAruhya pashya yuddhaM yatha bhavet  ||  66-78

dhAvantaH kauravAstvasmAn vayaM yAmastvamUniti  |
ityukte vAsudevena devyo.athAmbaramAvishan  ||                       66-79

barbarIkashirashchaiva girishR^i~NgamavApya tat  |
dehasya bhUmi saMskArAshchAbhava~nChiraso nahi  |
tato yuddhaM mahadbhUtkurupANDavasenayoH   ||                 66-80

aShTAdashAhena hatA ye cha droNavR^iShAdayaH  |
duryodhane hate krUre aShTAdashadinAtyaye   ||                        66-81

yudhiShThiro j~nAti madhye govindaM samabhAShata  |
puruShottama saMgrAmamamuM santAritA vayam  ||                 66-82

tvayaiva nAthena hare namaste puruShottama  |
shrutvA tasyA.api  sAsUyamidaM bhImo vacho.abravIt  ||          66-83

yena dhvastA dhArtarAShtrAstaM  nirAkR^ityamAM nR^ipa  |
puruShottamaM kR^iShNamiti  bravIShikimumUDhavat  ||        66-84

dhR^iShTadyumnaM phAlgunaM cha  sAtyakiM mAM cha pANDava  |
nirAkR^ityavravIShyeva sUtaMdhiktvAM yudhiShThira  ||        66-85

arjuna uvAcha 

maivaM maivaM brUhi bhIma na tvaM vetsi janArdanam  |
na mayA na tvayA pArtha nAnyenApyarayo hatAH  ||                66-86

ahaM hi sarvadA.agrasthaM  narampashyAmisaMyuge  |
nighnantaM shAtravAMstatra na jAneko.apyasAviti  || 66-87

bhIma uvAcha 

vibhrAnto.asidhruvaM pArtha nAtrahantAnaro.aparaH |
athachedastitvatpautramuchchastaMvachmihantakaH   ||     66-88

upasR^itya tato bhImo barbarIkamapR^ichChata  |
brUhyete kena nihatA dhArtrarAShTrA hi shatravaH  ||     66-89

barbarIka uvAcha 

eko mayA pumAn dR^iShTo yudhyamAnaH paraiH saha  |
savyataH pa~nchavaktraH sadakShiNe chaikavaktrataH    ||   66-90

savyato dashshastashcha dhR^itashUlodyudAyudhaH  |
dakShiNe cha chaturhasto dhR^itachakrAdyudAyudhaH  ||     66-91

savyatashcha jaTAdhArI dakShiNe mukuTochchayaH  |
savyato bhasmadhArI cha dakShiNe dhR^itachandanaH  ||    66-92

savyatashchandradhArI cha dakShiNe kaustubhadyutiH  |
mamA.api taddarshanato  mahadbhayamajAyata  ||                 66-93

IdR^isho me naro dR^iShTo na chAnyo yo jaghAna tAn  |
ityukte puShpavarShaM tu khAdAsItsumahAprabham  ||      66-94

sasvanurdevavAdyAni sAdhusAdhvitivaijaguH  |
vismitAH pANDavAshchAsanpraNemuH puruShottamam  ||  66-95

vilakShashchA.abhavadbhImo nishvAsaMshchA.apyamu~nchata  |
taM tataH keshavaH svAmI samAdAyakaredR^iDhe  ||          66-96

kurushArdUla ehIti prochya sasmArakAshyapim  |
AruhyagaruDaM pashchAt smR^itamAtramupasthitam  ||      66-97

bhImena sahito vyomni prayAto dakShiNAM disham  |
tato.arNavamatItyaivasuvelaM cha mahAgirim  ||                  66-98

la~NkAsamIpe dR^iShTvaiva saraH kR^iShNo.abravIdvachaH  |
kurushArdUla pashyedaM  saro dvAdashayojanam  ||           66-99

yadi shUro.asitachChIghramAnayA.asyatalAnmR^idam  |
ityukto garuDAchChIghraM nyapatattajjale balI  ||                66-100

yojanaM vAyujavAdgachChannadho nAntamapashyata  |
tato bhImo viniHsR^itya bhagnavIryo.abhyabhAShata  ||     66-101

agAdhametatsumahatsaraH kaishchinmahAbalaiH  |
ahaM khAditumArabdhaH katha~nchichchA.api nirgataH  ||   66-102
evamukto hasankR^iShNa uchchikShepa mahatsaraH  |
svenA~NguShThena tejasvI tadardhA.adharmajAyata  ||   66-103

taddR^iShTvA vismitaH prAha kimidaM kR^iShNa brUhi me  ||  66-104

shrIkR^iShNa uvAcha  

kumbhakarNa iti khyAtaH  pUrvamAsInnishAcharaH  |
rAmabANahatasyAbhUchChirashChinnaM sudurmateH  ||           66-105

shirasastasyatAlukyakhaNDametadvR^ikodara  |
yojanadvAdashAyAmaM  mR^idu kShiptaM vichUrNitam  ||       66-106  

vidhR^itastvaM cha yaiste tu sarogeyAbhidhAH surAH  |
trikUTasya shilAbhishcha chUrNitA ye cha koTishaH    ||             66-107

ete hi vishvaripavo nihatAH syurupAyataH  |
gachChAmaH  pANDavAnbhImadrauNirhitvarate dR^iDham  ||   66-108

tato bhImaH praNmamyAha manovAkkAyabuddhibhiH  |
kR^itamAjanmataH sarvaM kukR^itaM kShama keshavaH  ||      66-109

puruShottama bhavAn nAtha  bAlishasya prasIda me  |
tataH kShAntamitiprochya bhImena sahito hariH   ||                       66-110

raNAjiraM bhUya etya barbarIkaM vacho.abravIt  |
charannevaM suhR^idaya sarvalokeShu nityashaH  ||                   66-111

pUjitaH sarvalokaistvaM yachChaMsteShAM varAnvR^itAn  |
guptakShetraM cha na tyAjyaM sarvakShetrottamottamam  ||        66-112

dehisthalyAM tathA vAsI kShamasva duShkR^itaM cha yat  |
ityuktastAnnamaskR^itya bhaimiH svairaM yayau mudA  ||           66-113

vAsudevo.apikAryANisarvANyUdhvarmakArayat  |
iti vovarNitotpattibarbarIkasyavADavAH                |              
stavaM chA.asyapravakShyAmi yena tuShyati yakSharAT  ||       66-114

jayajaya chaturashItikoTiparivAra sUryavarchAbhidAna yakSharAja jaya 
bhUbhAraharaNapravR^itta laghushApaprAptanaiR^itiyonisambhava jaya 
kAmakaNTakaTAkukShirAjahaMsa jaya ghaTotkachAnandavardhana barbarIkAbhidhAna 
jaya kR^iShNopadiShTa shrIguptakShetra devIsamArAdhanaprAptAtulavIrya jaya 
vijaya siddhidAyaka jaya pi~NgalArepalendraduhadruhAnavakoTIshvarapalAshanadAvAnala 
jaya bhUpAtAlAntarAle nAgakanyAparihAraka jaya bhImamAnamardana jaya 
sakalakauravasenAvadhamuhUrtapravR^itta jaya shrIkR^iShNa varalabdha sarva 
varapradhAnasAmarthya jaya jaya kalikAlavandita  namonamste pAhipahIti  ||  66-115

anena yaH suhR^idayaM shrAvaNe.abhyarchya darshake  |
vaishAkhecha trayodashyAM kR^iShNapakShe dvijottamAH  |
shatadvIpaiH pUrikAbhiH saMstavettasya tuShyati ||    66-116

tato viprA nAradashcha samArAdhya maheshvaram  |
mahInagarake puNye sthApayAmAsa sha~Nkaram   ||                  66-117

lokAnAM cha hitArthAya kedAraM li~Ngamuttamam  |
atrIshAduttare  bhAge mahApApapraNAshanam  ||                       66-118

atra kuNDe naraH snAtvA shrAddhaM kR^itvA yathAvidhi  |
atrIshaMcha namskR^itya kedAraM cha prapashyati  ||                  66-119

mAtuH stanyaM punarnaiva sa pibenmuktibhAgbhavet  |
tato rudro nIlakaNTho nAradAya mahAtmane   ||                          66-120

varaM dattvA svayaM tastau  mahInagarake shubhe  |
koTitIrthe naraH  snAtvAnIlakaNThaM prapashyati  ||                 66-121

jayAdityaM namaskR^itya rudralokamavApnuyAt  |
jayAdityaM pUjayanti kUpe snAtvA narottamAH   ||                   66-122

nateShAMvAMshanAsho.astijayAdityaprasAdataH  |
teShAMkule na rogaH syAnna dAridryaM nalA~nChanam  ||      66-123

putrapautrasamAyuktA  dhanadhAnyasamAyutAH  |
bhuktvA bhogAniha bahUn sUryaloke vasanti te      ||                  66-124

iti proktaM mayA viprA guptakShetraM  samAsataH  |
saptakoshapramANaM cha kShetrasyA.asya purA dvijAH  |
svyambhuvA  proktamidaM  sarvakAmArthasiddhidam      ||      66-125

iti vo varNitaH puNyo  mahIsAgarasambhavaH  |
shR^iNvansa~NkIrtayaMshchaivaM   sarvapApaiH  pramuchyate  ||   66-126

ya idaM shrAvayedvidvAnmahAmAhAtmyamuttamam  |
sarvapApavinirmukto  rudralokaM sa gachChati  ||                            66-127

guptakShetrasya mAhAtmyaM saphalaM shrAvayedyadi  |
sarvaishvaryamavApnoti brahmahatyAM vyapohati  ||                        66-128

koTitIrthasya mAhAtmyaM mahInagarakasya cha  |
shR^iNoti shrAvayedyastu brahmabhUyAya  kalpate  ||                      66-129

koTitIrthanaraH snAtvA shrAddhaMkR^itvA prayatnataH  |
dAnaM dadyAt yathAshaktyA shR^iNudhvaM tatphalaMhi me  ||     66-130           
svargapAtAlamartyeShu yAni tIrthAni santi vai  |
teShu dAneShu yatpuNyaM tatphalaM prApyate naraiH  ||      66-131

ashvamedhAdhibhiryaj~naiHriShTaiHshchaivA.a.aptadakShiNaiH  |
sarvavratatapobhishCha kR^itairyatpuNyamApyate  ||             66-132

tatpuNyaM prApyate viprAH koTiTIrthe na saMshayaH  ||     66-133

idaM pavitraM khalu puNyadaM sadA
yashaskaraM pApaharaM parAtparam   |
shR^iNoti bhaktyA puruShaH sa puNyabhA-
gasukShaye rudrasalokatAM vrajet  ||                                       66-134

dhanyaM yashasyaM niyataM supuNyaM
svarmokShadaM pApaharaM narANAm   |
shR^iNoti nityaM niyataH shuchiH pumAn
bhitvA raviM viShNupadaM prayAti  ||                                     66-135

iti shrIskAnde  mahApurANe ekAshitisAhasryAM saMhitAyAM prathame 
mAheshvarakhaNDe kaumArikAkhaNDe guptakShetramAhAtmyaparisamAptivarNanaM 
nAma ShaTShaShTitamo.adhyAyaH  ||

March 4, 2010